ខេត្តកំពង់ស្ពឺ ៖ អ្នកបើកបរម្នាក់ត្រូវគេស្គាល់ថា ជាសាច់ញាតិរបស់ថៅកែលក់ម៉ូតូដ៏ធំជាងគេក្នុងខេត្តកំពង់ស្ពឺ បានបើករថយន្តយ៉ាងលឿនបោះពួយទៅបុករបងថ្មហាងលក់បាយមួយកន្លែង យីហោ «ស្រីនាង» បណ្តាលឱ្យរងការខូចខាត និងបន្តបុកម៉ូតូភ្ញៀវដែលចូលហូបបាយខូចអស់៣គ្រឿងថែមទៀត ។ ក្រោយមក អ្នកបើកនោះបានព្យាយាមគេច លុះបើកដល់ខាងក្រោយវត្តថ្មី រថ
ខេត្តកំពង់ស្ពឺ ៖ អ្នកបើកបរម្នាក់ត្រូវគេស្គាល់ថា ជាសាច់ញាតិរបស់ថៅកែលក់ម៉ូតូដ៏ធំជាងគេក្នុងខេត្តកំពង់ស្ពឺ បានបើករថយន្តយ៉ាងលឿនបោះពួយទៅបុករបងថ្មហាងលក់បាយមួយកន្លែង យីហោ «ស្រីនាង» បណ្តាលឱ្យរងការខូចខាត និងបន្តបុកម៉ូតូភ្ញៀវដែលចូលហូបបាយខូចអស់៣គ្រឿងថែមទៀត ។ ក្រោយមក អ្នកបើកនោះបានព្យាយាមគេច លុះបើកដល់ខាងក្រោយវត្តថ្មី រថយន្តបង្កបែកកង់ ទើបត្រូវពលរដ្ឋឃាត់ខ្លួនបានទាំងមនុស្ស ទាំងរថយន្ត ។
ហេតុការណ៍បុករះនេះ កើតឡើងកាលពីវេលាម៉ោង០៧ និង៤០នាទីយប់ថ្ងៃទី៣០ វិច្ឆិកា ស្ថិតនៅចំណុចហាងលក់បាយ (ស្រីនាង) ក្នុងភូមិផ្សារចាស់ សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ ។
ប្រភពឱ្យដឹងថា រថយន្តបង្កហេតុម៉ាកកាមរី ពណ៌.ស្ករ ពាក់ស្លាកលេខភ្នំពេញ2M-1662 រងការខូចខាតផ្នែកខាងមុខក្រពិតអត់ស្គាល់ឈ្មោះ គ្រាន់តែដឹងថា មានអាយុជាង២០ឆ្នាំ ត្រូវបានប្រជាពលរដ្ឋឃាត់ចាប់ប្រគល់ឱ្យសមត្ថកិច្ច ។ ម្ចាស់ផ្ទះឈ្មោះស្រីនាង អាយុជាង៣០ឆ្នាំ ជាអ្នកលក់បាយនៅចំណុចកើតហេតុ និងម៉ូតូ៣គ្រឿងទៀត រងការខូចខាតនោះ ម៉ាកសង់២គ្រឿង និងម៉ាកអាយខុន១គ្រឿងទៀត មិនស្គាល់អត្តសញ្ញាណ ។
តាមប្រភពពីកើតហេតុឱ្យដឹងថា គេឃើញរថយន្តបង្កបើកពីទិសខាងលិច ឆ្ពោះទៅរង្វង់មូលខាងជើងសាលាខេត្តកំពង់ស្ពឺ ក្នុងល្បឿនយ៉ាងលឿន ។ លុះមកដល់ចំណុចកើតហេតុ ស្រាប់តែរេចង្កូតទៅបុករបងថ្ម ហើយទៅបុកថែមម៉ូតូ៣គ្រឿងរបស់ភ្ញៀវដែលកំពុងអង្គុយហូបបាយរងការខូចខាតតែម្តង ។
ក្រោមសមត្ថកិច្ចជំនាញចុះទៅវាស់វែងនាំយកម្ចាស់រថយន្តបង្ក ទៅស្នងការដ្ឋាននគរបាលខេត្ត ដើម្បីពិនិត្យជាតិអាល់កុល ហើយដឹកយកម៉ូតូរងការខូចខាតទាំង៣គ្រឿង ទៅរក្សារទុក និងហៅរថយន្តមកស្ទូចយករថយន្តបង្កហេតុ ដើម្បីទៅដោះស្រាយ ។
ក្នុងនោះ ប្រជាពលរដ្ឋនៅកន្លែងកើតហេតុបាននិយាយថា អាងតែមានរថយន្តទំនើប បើកបុកគេហើយមិនចង់ទទួលខុសត្រូវទៀត នេះសំណាងហើយ កុំតែរថយន្តបែកកង់ទៅមុខមិនរួច កុំអីច្បាស់ជារត់គេចបាត់ហើយ ។ ចាំមើលថាតើ សមត្ថកិច្ចឃាត់ខ្លួននេះ មានចាត់ការយ៉ាងណា?
ចែករំលែកព័តមាននេះ