មិនឃើញបងស្រីឡើងមកគោកវិញ ប្អូនប្រុសរត់ទៅហៅជីដូន ផ្អើលអ្នកស្រុកជួយរក
- កំពង់ឆ្នាំង
ក្មេងស្រីម្នាក់បានលង់ទឹកស្លា.ប់ ខណៈពេលចុះទៅលេងទឹកក្រោយផ្ទះ ហេតុការណ៍នេះបានកើតឡើង
ក្មេងស្រីម្នាក់បានលង់ទឹកស្លា.ប់ ខណៈពេលចុះទៅលេងទឹកក្រោយផ្ទះ ហេតុការណ៍នេះបានកើតឡើង
ខេត្តកំពង់ឆ្នាំង ៖ បើតាមសេចក្តីរាយការណ៍បានឱ្យដឹងថា ក្មេងស្រីម្នាក់បានលង់ទឹកស្លា.ប់ ខណៈពេលចុះទៅលេងទឹកក្រោយផ្ទះ ហេតុការណ៍នេះបានកើតឡើងនៅវេលាម៉ោង៥និង០០នាទីល្ងាច ថ្ងៃទី២៥ ខែមិថុនា ឆ្នាំ២០២២ ស្ថិតនៅភូមិរមាស ឃុំតាំងក្រសាំង ស្រុកទឹកផុស។
បើតាមអធិការនគបាលស្រុកទឹកផុស លោកវរសេនីយ៍ឯក ខែម វិបុល បានអោយដឹងនៅថ្ងៃទី២៦ ខែមិថុនា ឆ្នាំ២០២២ នេះថា ក្មេងស្រីរងគ្រោះមានឈ្មោះ លី ស្រីពេជ្រ អាយុ១២ឆ្នាំ រស់នៅជាមួយជីដូនចាស់ជរា ស្ថិតក្នុងភូមិរមាស ឃុំតាំងក្រសាំង ដែលមានឱពុកឈ្មោះ លី ប្រុស និងម្តាយឈ្មោះ វង់ ភឺន រស់នៅភូមិត្រពាំងជ្រៃ ឃុំខ្លុងពពក ស្រុកទឹកផុស ចំណែកក្មេងស្រីរងគ្រោះបានមករស់នៅជាមួយជីដូនដែលមានឈ្មោះ ជឹម យ៉ន រស់នៅភូមិ-ឃុំកើតហេតុខាងលើ។
លោកអធិការនគបាលស្រុកទឹកផុស បានអោយដឹងទៀតថា នៅមុនពេលកើតហេតុ ក្មេងស្រីរងគ្រោះខាងលើ បានទៅមុជទឹកស្រះជាមួយប្អូនប្រុសម្នាក់ទៀត ហើយក៏បានរអិលជើងធ្លាក់ចូលក្នុងស្រះទឹកខាងក្រោយផ្ទះ ដោយមិនឃើញបងស្រីឡើងមកលើគោកវិញ ប្អូនប្រុសក៏បានរត់ទៅហៅជីដូន ហើយក៏បានស្រែកឆោឡោឱ្យអ្នកស្រុកជួយចុះមុជរក និងបានយកមកសង្គ្រោះ តែគួរឱ្យអនិច្ចាក្មេងស្រីរងគ្រោះបានស្លា.ប់បាត់ទៅហើយ ។
ក្រោយពេលកើតហេតុ សមត្ថកិច្ចនគបាលមូលដ្ឋាន បានធ្វើការពិនិត្យសាកស.ព និងបានធ្វើកំណត់ហេតុ រួចប្រគល់ក្មេងស្រីរងគ្រោះអោយទៅក្រុមគ្រួសារសាច់ញាតិ ដើម្បីនាំយកទៅធ្វើបុណ្យតាមប្រពៃណី៕
ចែករំលែកព័តមាននេះ