ខេត្តបាត់ដំបង ៖ មុននេះបន្តិច សមត្ថកិច្ចរាយការណ៍ថា គេបានរកឃើញម៉ូតូម៉ាកMSXរបស់ជនរងគ្រោះ ដែលគេសម្លា.ប់រួចប៉ងដុតក្នុងចំបើង ដើម្បីបំបាត់ដាន នៅស្រុកភ្នំព្រឹកនោះហើយ គឺឃើញនៅក្នុងស្រះទឹកមួយកន្លែង ឃុំតាគ្រាម ស្រុកបាណន់ ខេត្តបាត់ដំបង ។
ខេត្តបាត់ដំបង ៖ មុននេះបន្តិច សមត្ថកិច្ចរាយការណ៍ថា គេបានរកឃើញម៉ូតូម៉ាកMSXរបស់ជនរងគ្រោះ ដែលគេសម្លាប់រួចប៉ងដុតក្នុងចំបើង ដើម្បីបំបាត់ដាន នៅស្រុកភ្នំព្រឹកនោះហើយ គឺឃើញនៅក្នុងស្រះទឹកមួយកន្លែង ឃុំតាគ្រាម ស្រុកបាណន់ ខេត្តបាត់ដំបង ។
ម៉ូតូម៉ាកMSX ពណ៌ក្រហម គ្មានស្លាកលេខទេ ជារបស់ជនរងគ្រោះដែលស្លាប់ឈ្មោះសុខ វណ្ណថា ភេទប្រុស អាយុ២០ឆ្នាំ ដែលត្រូវជនដៃដៃសម្លាប់ រួចប្លន់យកម៉ូតូនេះ កាលពីវេលាម៉ោង០៨ និង២០នាទីយប់ថ្ងៃទី២៧ វិច្ឆិកា ស្ថិតនៅរោងចម្ការមួយកន្លែង ក្នុងភូមិភ្នំតូច ឃុំពេជ្រចិន្តា ស្រុកភ្នំព្រឹក ។
មិនត្រឹមតែសម្លាប់ប្លន់យកម៉ូតូទេ ត្រូវក្រុមជនដៃដល់ដែលគេសន្និដ្ឋានថា មានគ្នាលើសពី២នាក់បានអូសសាកសពជនរងគ្រោះទៅដុតយ៉ាងព្រៃផ្សៃ ក្នុងគំនរចំបើងទៀត ក្នុងចេតនាបំបាត់ដាន ។
បើតាមព័ត៌មានឱ្យដឹងទៀតថា ពេលនេះ កម្លាំងសមត្ថកិច្ចកំពុងស្រង់យកម៉ូតូនោះចេញពីក្នុងទឹក ហើយកំពុងសួរនាំសាក្សីនានា នៅជុំវិញកន្លែងប្រទះឃើញម៉ូតូនោះ ដើម្បីស្រាវស្រាវរកមុខសញ្ញាជនសង្ស័យ ។
គួររំលឹកថា ជុំវិញករណីសម្លាប់មនុស្សរួចអូសទៅដុតប៉ងបំបាត់ដាននោះ បើតាមយោង សេចក្ដីរាយការណ៍របស់សមត្ថកិច្ច ក្រោយពីធ្វើការស្រាវជ្រាវបានអះអាងថា វាមិនមែនជាអំពើឃាតកម្មទេ គឺជារឿងប្លនសម្លាប់ ។
សមត្ថកិច្ចបានឱ្យដឹងថា ជនរងគ្រោះដែលស្លាប់ឈ្មោះសុខ វណ្ណថា ភេទប្រុស អាយុ២០ឆ្នាំ មានទីលំនៅក្នុងភូមិកណ្ដាល ឃុំអូររំដួល ស្រុកភ្នំព្រឹក ។ ជនរងគ្រោះត្រូវជនដៃដល់ដែល មានគ្នាលើសពី២នាក់បានចាក់និងវាយរហូតដល់ស្លាប់នៅក្នុងរោងចាំចម្ការមួយកន្លែង នៅភូមិកូនភ្នំ ឃុំពេជ្រចិន្តា ស្រុកភ្នំព្រឹក កាលពីវេលាម៉ោង០៨ និង២០នាទីយប់ថ្ងៃទី២៧ វិច្ឆិកា ។ ក្រោយពីសម្លាប់ ក្រុមជនដៃដល់ បានអូសសាកសពយកទៅដុតនៅក្នុងគំនរចំបើង ដើម្បីបំបាត់ដាន តែត្រូវអ្នកភូមិឃើញក៏មានការភ្ញាក់ផ្អើលតែ
ម្ដង។
យោងលើសេចក្ដីរាយការណ៍ថា នៅកន្លែងកើតហេតុ សមត្ថកិច្ចបានរកឃើញឧបករណ៍សម្រាប់ជក់ថ្នាំញៀន និងសម្ភារ សម្រាប់វេចខ្ចប់ថ្នាំញៀនមួយចំនួនផង ដែលគេសង្ស័យថា ជនរងគ្រោះនិងជនដៃដល់ជាមនុស្សស្គាល់គ្នា ហើយថែមទាំងប្រើប្រាស់ថ្នាំញៀនជាមួយគ្នាទៀតផង ទើបបែកគំនិតសម្លាប់ជនរងគ្រោះរួចប្លន់យកម៉ូតូ ។
ម៉ូតូដែលជនដៃដលប្លន់យកទៅនោះម៉ាកហុងដា MSXគ្មានស្លាកលេខទេ តែមានលេខតួនិងលេខម៉ាស៊ីនF-5175102 សមត្ថកិច្ចកំពុងធ្វើការស្រាវជ្រាវរកមុខសញ្ញាជនដៃដល់ហើយ តែមិនទាន់ដឹងថា មានតម្រុយដដែល ។
ចែករំលែកព័តមាននេះ