ADផ្ទាំងផ្សព្វផ្សាយពាណិជ្ជកម្ម

Picture

កូន​ពពែ​​១​ក្បាល​កើតមក​មាន​ត្រចៀក​វែង​​ចម្លែក​

1 អាទិត្យ មុន

ប៉ាគីស្ថាន ៖ កូន​ពពែ​ដ៏​ចម្លែក​មួយ​ក្បាល​កើតមក​មាន​ត្រចៀក​ប្រវែង​ជិត​កន្លះ​ម៉ែត្រ​។ ម្ចាស់​របស់​

ប៉ាគីស្ថាន ៖ កូន​ពពែ​ដ៏​ចម្លែក​មួយ​ក្បាល​កើតមក​មាន​ត្រចៀក​ប្រវែង​ជិត​កន្លះ​ម៉ែត្រ​។ ម្ចាស់​របស់​ពពែ​ដែល​កើត​ក្នុង​ប្រទេស​ប៉ា​គី​ស្ថាន​នោះ​និយាយ​ថា វា​អាច​ក្លាយជា​ម្ចាស់​កំណត់​ត្រា​ថ្មី​ដោយសារ​តែ​ត្រចៀក​ដ៏​វែង​របស់​វា​។ នេះ​បើ​យោង​តាម​ការ​ចុះ​ផ្សាយ​របស់​សារព័ត៌មាន UPI កាលពី​ថ្ងៃ​ទី ២១ ខែមិថុនា​កន្លង​ទៅ​នេះ​។

លោក Muhammad Hassan Narejo ម្ចាស់​កសិដ្ឋាន​ចិ​ញ្ជឹ​ម​ពពែ​ស្ថិត​ក្នុង​ខេត្ត Sindh ប្រទេស​ប៉ា​គី​ស្ថាន​និយាយ​ថា កូន​ពពែ​ទើបនឹង​កើត​របស់​គាត់​មានឈ្មោះ​ថា Simba​។ វា​កើត​នៅ​ថ្ងៃ​ទី ១៥ ខែមិថុនា​កន្លង​ទៅ​នេះ​។ លោក​បាន​សម្គាល់​ឃើញ​ថា វា​មាន​ត្រចៀក​វែង​ខុស​ពី​ធម្មតា​រហូត​ដល់ ៤៨​សង្ទី​ម៉ែត្រ ហើយ​ត្រចៀក​វា​ធ្លាក់​ប៉ះ​ដី នៅ​ពេល​វា​ដើរ​។

លោក​និយាយ​ថា Simba ជា​ពពែ Nubian ដែល​ជា​ពូជ​ពពែ​ត្រូវ​គេ​ស្គាល់​ថា​មាន​ត្រចៀក​វែង ប៉ុន្តែ​កូន​ពពែ​របស់​លោក​មាន​ត្រចៀក​វែង​ខ្លាំង​ខុស​ប្លែក​ពី​ធម្មតា ដែល​វា​អាច​បណ្តាល​មក​ពី​ហ្សែ​ន​។

កសិករ​រូប​នេះ​និយាយ​ថា Simba មាន​សុខភាព​ល្អ ហើយ​លោក​ជឿជាក់​ថា កូន​ពពែ​ញី​នេះ​អាច​នឹង​ក្លាយជា​ម្ចាស​កំណត់​ត្រា​ពិភពលោក (Guinness World Record) នៅ​ពេល​វា​ធំ​ពេញវ័យ​៕ (​យោង​តាម​ប្រភព​៖ UPI)​

Picture
Picture
Picture
Picture
Picture
Picture
Picture
Picture
Picture