ADផ្ទាំងផ្សព្វផ្សាយពាណិជ្ជកម្ម

សមត្ថកិច្ចនគរបាលក្រុង ស្រុក និងខេត្ត រួមដៃគ្នាចុះបង្ក្រាបករណីគ្រឿ.ង.ញៀ.ន

1 ឆ្នាំ មុន

កំពង់ឆ្នាំង
២២ ខែ មិថុនា ឆ្នាំ ២០២២ ម៉ោង ១៤:៥៦

ខេត្តកំពង់ឆ្នាំង ៖ ជនសង្ស័យ ប្រុស ស្រីចំនួន៧នាក់ ត្រូវបានសមត្ថកិច្ចការិយាលយ័ប្រឆាំងគ្រឿងញៀននៃស្នងការនគរបាលខេត្តកំពង់ឆ្នាំង សហការជាមួយនគរបាលប្រឆាំងគ្រឿងញៀនក្រុងកំពង់ឆ្នាំង និងស្រុករលាប្អៀរ ធ្វើការឃាត់ខ្លួន ជាមួយនឹងវត្ថុតាង មួយចំនួន ដោយចោទប្រកាន់ ពីបទរក្សាទុកចែកចាយ និងប្រើប្រាស់នូវសារធាតុញៀ.ន ។ កិច្ចប្រតិបត្តិការនេះ បានធ្វើឡើងនៅវេលាម៉ោង៨ថ្ងៃទី២២ មិថុនា ២០២២ ស្ថិតនៅចំណុចភូមិសន្ទូច ឃុំស្រែថ្មី ស្រុករលាប្អៀរ ។

សមត្ថកិច្ចដែលបានចុះបង្ក្រាប ករណីគ្រឿងញៀនខាងលើនេះបានអោយដឹងថា ដោយទទួលសេចក្តីរាយការណ៍ពីប្រជាពលរដ្ឋស្តីពីករណីចែកចាយ និងប្រើប្រាស់គ្រឿ.ងញៀ.ន ក្នុងភូមិសាស្ត្រខាងលើ លោកឧត្តមសេនីយ៍ទោ ខូវ លី ស្នងការនគរបាលខេត្តកំពង់ឆ្នាំង បានបញ្ជាឱ្យមន្ត្រីជំនាញ សហការជាមួយនគរបាលមូលដ្ឋាន ព្រមទាំងមានការសម្របសម្រួលពី ឯកឧត្តម អ៊ិត សុធា ព្រះរាជអាជ្ញាអមសាលាដំបូងខេត្តកំពង់ឆ្នាំង បានចេញប្រតិបត្តិការ និងធ្វើការឆែកឆេរ នៅក្នុងភូមិសាស្ត្រ ដែលសង្ស័យតាមសេចក្តីរាយការណ៍។

ជាលទ្ឋផលនៃកិច្ចប្រតិបត្តិការ សមត្ថកិច្ចបានដកហូតនូវវត្ថុតាង មានថ្នាំញៀ.នមួយចំនួន ,ទូរស័ព្ទដៃ២គ្រឿង.ជញ្ជីថ្លឹងថ្នាំ១.កាំភ្លើងកែឆ្នៃ១ដើម.ដាវ៤ដើម . ប្រដាប់សម្រាប់ប្រើគ្រឿងញៀ.ននិងសម្ភារវិចខ្ចប់មួយចំនួនទៀត។ ជនសង្ស័យ ទាំងនោះ រួមនិងវត្ថុតាង ត្រូវបានសមត្ថកិច្ច នាំខ្លួនមកការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តកំពង់ឆ្នាំងដើម្បីធ្វើការសាកសួរ ដើម្បីបន្តនិតិវិធី ។

ប្រភពដដែលបានបន្តថា៖ ជនសង្ស័យទាំង៧នាក់មាន៖ ១ឈ្មោះ ស៊ិនសម្បតិ្ត ភេទប្រុស អាយុ២៨ឆ្នាំ ,២.ឈ្មោះ ស៊ុន សុរ័ត្ន ភេទប្រុស អាយុ៣២ឆ្នាំ,៣ ឈ្មោះ ចន សារិទ្ធ ភេទប្រុស អាយុ២០ឆ្នាំ, ៤ ឈ្មោះ ចន ថន ភេទប្រុសអាយុ ២១ ឆ្នាំ, ៥ស៊ុន សុខចាន់វិសាល ភេទស្រី អាយុ២៤ឆ្នាំ,៦.ឈ្មោះ សែល រតនា ភេទស្រី អាយុ ២៥ ឆ្នាំ,និង៧ ឈ្មោះ ពេត សុផាណា ភេទស្រីអាយុ២២ឆ្នាំ។ ពួកគេទាំង៧នាក់មានអ្នកជួយដូរ អ្នកប្រើប្រាស់ និងសមគំនិត នូវបទល្មើគ្រឿងញៀន ដែលមានទីលំនៅភូមិសន្ទូច ឃុំស្រែថ្មី ស្រុករលាប្អៀរ។

ជនសង្ស័យទាំង ៧ នាក់រួមនឹងវត្ថុតាងត្រូវបានកម្លាំងជំនាញការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តកំពង់ឆ្នាំងធ្វើការសាកសួរ គ្រោងនឹងបញ្ជូនទៅសាលាដំបូងខេត្តកំពង់ឆ្នាំង តាមនិតិវិធីនៅថ្ងៃស្អែក ៕