ADផ្ទាំងផ្សព្វផ្សាយពាណិជ្ជកម្ម

Picture

មេ​សហព័ន្ធ​កីឡា​វាយ​សី​ក្រើនរំលឹក​អត្ត​ព​លិ​ក​របស់​ខ្លួន​ឱ្យ​ប្រឹងប្រែង​ហ្វឹកហាត់​ត្រៀម​ស៊ី​ហ្គេ​ម​២០២៣

1 អាទិត្យ មុន
  • ភ្នំពេញ

រាជធានី​ភ្នំពេញ ៖ ឯកឧត្តម​ឧត្តមសេនីយ៍ឯក​លី កុសល ប្រធាន​សហព័ន្ធ​កីឡា​វាយ​សី​កម្ពុជា​បាន​

រាជធានី​ភ្នំពេញ ៖ ឯកឧត្តម​ឧត្តមសេនីយ៍ឯក​លី កុសល ប្រធាន​សហព័ន្ធ​កីឡា​វាយ​សី​កម្ពុជា​បាន​ជំរុញ​កីឡាករ​-​កីឡាការិនី​ជម្រើសជាតិ​កីឡា​វាយ​សី​ទាំងអស់ ត្រូវ​ប្រឹងប្រែង​យកចិត្តទុកដាក់​ឱ្យ​បាន​ខ្ពស់​ក្នុង​ហាត់​ហ្វឹកហ្វឺន​ឱ្យ​ក្លាយជា​អត្ត​ពិ​ក​ឆ្នើម​សម្រាប់​ត្រៀម​ដណ្ដើម​យក​មេដាយ​ជូន​ជាតិ ក្នុង​ឱកាស​កម្ពុជា​ទទួល​ធ្វើ​ជា​ម្ចាស់ផ្ទះ​កីឡា​ស៊ី​ហ្គេ​ម​លើក​ទី​៣២ ឆ្នាំ​២០២៣​។

ឯកឧត្តម​ឧត្តមសេនីយ៍ឯក​លី កុសល ក្រើនរំលឹកបែប​នេះ​កាលពី​ព្រឹក​ថ្ងៃ​ទី​២១ មិថុនា ក្នុង​ឱកាស ជួប​សំណេះសំណាល​ជាមួយ​កីឡាករ​-​កីឡាការិនី​វាយ​សី​ជម្រើសជាតិ​របស់​ខ្លួន​ក្រោយ​ពី​បាន​បញ្ចប់​បេសកកម្ម​នៅ​ក្នុង​ព្រឹត្តិការណ៍​កីឡា​ស៊ី​ហ្គេ​ម​លើក​ទី​៣១​នៅ​ទីក្រុង​ហាណូយ ប្រទេស​វៀតណាម​។​ពិធី​សំណេះសំណាល​នា​ឱកាស​នោះ​បាន​ធ្វើ​ឡើង​អស់​រយៈពេល​ពេញ​មួយ​ព្រឹក​នៅ​ទីស្នាក់ការ​គណៈ
ក​ម្មា​​​ធិ​ការ​ជាតិ​អូ​ឡាំ​ពិ​ក​កម្ពុជា ដោយ​មានការ​ចូលរួម​ពី​មន្ត្រី​គណៈកម្មការ​ប្រតិបត្តិ និង​កីឡាករ​-​កីឡាការិនី​ជម្រើសជាតិ​ជា​ច្រើន​រូប​ទៀត​។

ទន្ទឹម​គ្នា​នេះ​ផង​ដែរ​ឯកឧត្តម​ឧត្តមសេនីយ៍ឯក​លី កុសល បាន​កោតសរសើរ​យ៉ាង​ខ្លាំង​ដល់​កីឡាករ​-​កីឡាការិនី​ជម្រើសជាតិ​ដែល​បាន​ខិតខំ​ប្រឹងប្រែង​យក​អស់កម្លាំង​កាយ​ចិត្ត​សម្រាប់​ការប្រកួត​កីឡា​ស៊ី​ហ្គេ​ម​នៅ​ប្រទេស​វៀតណាម​ទោះបី​ជា​មិន​ទទួល​បាន​មេដាយ​មែន តែ​យើង​ទទួល​បាន​បទ​ពិសោធន៍​ថ្មី​ៗ​ជា​ច្រើន សម្រាប់​យក​ទៅ​អនុវត្ត​បន្ត ជា​ពិសេស​នៅ​ក្នុង​ឱកាស​ដែល​កម្ពុជា​ទទួល​ធ្វើ​ជា​ម្ចាស់ផ្ទះ​ឆ្នាំ​២០២៣ ។ ឯកឧត្តម​បន្ត​ថា កីឡា​វាយ​សី​ជា​ប្រភេទ​កីឡា​អូ​ឡាំ​ពិ​ក ដោយ​មាន​បណ្ដា​ប្រទេស​ជា​ច្រើន​នៅ​លើ​ពិភពលោក​ជា​សមាជិក​ដែល​កំពុង​លេង​កីឡា​មួយ​នេះ​។ ដូច្នេះ​យើង​គួរតែ​ប្រឹងប្រែង​ហ្វឹកហាត់​ឱ្យ​បាន​ខ្លាំង​ដើម្បី​សម្រេច​ទិស​ដៅ​ទៅ​ថ្ងៃ​អនាគត​។

លោក​ឧត្តមសេនីយ៍ទោ ជាម សុភា អគ្គលេខាធិការ​សហព័ន្ធ​កីឡា​វាយ​សី​កម្ពុជា​បាន​ដាស់តឿន​ទៅ​ដល់​កីឡាករ​-​កីឡាការិនី​ជម្រើសជាតិ​វាយ​សី រាល់ពេល​ប្រកួត​មិន​ត្រូវ​មានការ​តក់ស្លុត​ឡើយ ជា​ពិសេស​នៅ​ពេល​ប៉ះ​ជាមួយ​អ្នក​ខ្លាំង​ត្រូវ​តែ​ជម្នះ​ចិត្ត​ឱ្យ​បាន ។

លោក​បាន​លើក​ឡើង​ថា អំឡុង​ពេល​ប្រកួត​កីឡា​ស៊ី​ហ្គេ​ម​នៅ​ប្រទេស​វៀតណាម កីឡាករ​ជម្រើសជាតិ​របស់​យើង​ធ្វើ​បាន​ល្អ​ទាំង​បច្ចេកទេស និង​កម្លាំងស៊ុ​ហ្វ​ឡើង​ទៅ ។ ដូច្នេះ​យើង​គួរ​រៀបចំ​ខ្លួន​ឱ្យ​បាន​ល្អ​ជាង​នេះ​ទាំង​កម្លាំងកាយ បច្ចេកទេស និង​ស្មារតី ដើម្បី​ត្រៀម​ដណ្ដើម​យក​មេដាយ​ជូន​ជាតិ​ក្នុង​នាម​ជា​ម្ចាស់ផ្ទះ​កីឡា​ស៊ី​ហ្គេ​ម​លើក​ទី​៣២ ឆ្នាំ​២០២៣ ៕

Picture
Picture