ADផ្ទាំងផ្សព្វផ្សាយពាណិជ្ជកម្ម

Picture

Rybus មិន​បាន​លេង World Cup 2022 ក្រោយ​ផ្លាស់​ទៅ​ចូលរួម​ក្លិប​នៅ​លី​គ​កំពូល​រុ​ស្ស៊ី

2 អាទិត្យ មុន

ប៉ូ​ឡូញ ៖ ខ្សែការពារ​ឆ្វេង Maciej Rybus នឹង​មិន​អាច​ចូលរួម​ប្រកួត​ព្រឹត្តិការណ៍ World Cup 2022 នៅ​

ប៉ូ​ឡូញ ៖ ខ្សែការពារ​ឆ្វេង Maciej Rybus នឹង​មិន​អាច​ចូលរួម​ប្រកួត​ព្រឹត្តិការណ៍ World Cup 2022 នៅ​កា​តា​បាន​ឡើយ​។ ដោយសារ​មិន​ត្រូវ​បាន​កោះហៅ​ចូល​ក្រុម​ជម្រើសជាតិ​ប៉ូ​ឡូញ​។ បន្ទាប់​ពី​រូបគេ​បាន​ផ្លាស់​ទៅ​លេង​ឱ្យ​ក្លិប Spartak Moscow នៃ​លី​គ​កំពូល​របស់​រុ​ស្ស៊ី​។ នេះ​បើ​យោង​តាម​ប្រភព​ពី BBC ចេញផ្សាយ​កាលពី​ថ្ងៃ​ទី ២០ ខែមិថុនា ឆ្នាំ​២០២២​។

ខ្សែការពារ Rybus បាន​បង្ហាញខ្លួន​៦៦​ប្រកួត សម្រាប់​ក្រុម​ជម្រើសជាតិ​ប៉ូ​ឡូញ ចាប់តាំងពី​ត្រូវ​បាន​កោះហៅ​លើក​ដំបូង​កាលពី​ឆ្នាំ ២០០៩​។ ប៉ុន្តែ​ទោះ​យ៉ាងណា កាលពី​ថ្ងៃ​ទី​១១ ខែមិថុនា ឆ្នាំ​២០២២ រូបគេ​បាន​ផ្លាស់​ទៅ​ចូលរួម​ជាមួយ​ក្លិប Spartak Moscow ដោយ​គ្មាន​តម្លៃ​ខ្លួន​។ បន្ទាប់​ពី​អស់​កុងត្រា​ជាមួយ​ក្លិប Lokomotiv Moscow កាលពី​ខែឧសភា​កន្លង​ទៅ​។ ខណៈ​ដែល​ក្លិប​ទាំង​២​សុទ្ធតែ​ស្ថិត​នៅ​លី​គ​កំពូល​រុ​ស្ស៊ី​ដូច​គ្នា​។

គួរ​រំលឹក​ថា ប៉ូ​ឡូញ​បាន​បដិសេធ​មិន​ធ្វើការ​ប្រកួត​ជាមួយ​រុ​ស្ស៊ី ក្នុង​ការ​ប្រកួត​ជម្រុះ World Cup ប្រចាំ​តំបន់​អឺរ៉ុប កាលពី​ខែមីនា​កន្លង​ទៅ​។ ដើម្បី​ឆ្លើយ​តប​ចំពោះ​ការ​ឈ្លានពាន​លើ​អ៊ុយ​ក្រែ​ន ដែល​ចាប់ផ្តើម​កាលពី​ថ្ងៃ​ទី​២៤ ខែ​កុ​ម្ភះ​កន្លង​ទៅ​។ ស្រប​ពេល​ដែល​ប៉ូ​ឡូញ បាន​ទទួលយក​ជនភៀសខ្លួន​អ៊ុយ​ក្រែ​ន​ជាង​៣,៥​លាន​នាក់​។

យោង​តាម​សេចក្តីថ្លែងការណ៍​របស់​សហព័ន្ធ​បាល់ទាត់​ប៉ូ​ឡូញ (Polish FA) បាន​បញ្ជាក់​ថា លោក Czeslaw Michniewicz គ្រូបង្វឹក​ក្រុម​ប៉ូ​ឡូញ បាន​ពិភាក្សា​ជាមួយ Maciej Rybus ដែល​បច្ចុប្បន្ន​កំពុង​ស្នាក់​នៅ​ប៉ូ​ឡូញ​ដោយ​ផ្ទាល់​។ បន្ទាប់​ពី​បញ្ចប់​ការ​ហ្វឹកហាត់ កាលពី​ស​ប្តា​ហ៍​មុន​។ លោក​បាន​ជូនដំណឹង​ដល់​ខ្សែការពារ​វ័យ​៣២​ឆ្នាំ​រូប​នេះ​ថា ដោយសារ​តែ​ស្ថានភាព​ក្លិប​បច្ចុប្បន្ន​របស់​គេ​។ ដូច្នេះ​គេ​នឹង​មិន​ត្រូវ​បាន​កោះហៅ​ចូល​ជំរុំ​ហ្វឹកហាត់ នៅ​ខែកញ្ញា​ជាមួយ​ក្រុម​ជម្រើសជាតិ​ឡើយ​។ ដែល​មាន​ន័យ​ថា រូបគេ​នឹង​គ្មាន​វត្តមាន សម្រាប់​ការ​ប្រកួត​នៅ​កា​តា ដែល​នឹង​ចាប់ផ្តើម​ពី​ថ្ងៃ​ទី​២១ ខែវិច្ឆិកា រហូត​ដល់​ថ្ងៃ​ទី​១៨ ខែធ្នូ ឆ្នាំ​២០២២ នោះ​ទេ​។ ដែល​ប៉ូ​ឡូញ​ស្ថិត​នៅ​ក្នុង​ពូ​ល C ជាមួយ អា​ហ្ស​ង់​ទី​ន អា​រ៉ា​ប៊ី​សា​អូឌីត និង ម៉ិ​ក​ស៊ិ​ក​៕

Picture
Picture
Picture
Picture
Picture
Picture