ប្រទេសចិន ៖ ចិន និងប្រេស៊ីល គួរតែធ្វើការរួមគ្នាដើម្បីដោះស្រាយបញ្ហាផលិតផលលើសតម្រូវការក្នុងវិស័យដែកថែប ដោយសារការការពារនិយមអាចធ្វើឲ្យស្ថានភាពនេះកាន់តែអាក្រក់ឡើង ។ នេះបើតាមក្រសួងពាណិជ្ជកម្មចិនបានឱ្យដឹង បន្ទាប់ពីប្រេស៊ីលចាប់ផ្តើមស៊ើបអង្កេតលើផលិតផលដែកថែបរបស់ចិន ។
លោក Wang Hejun ប្រធានការិយាល័យស៊ើបអង្កេត និងគោលនយោបាយពាណិជ្ជកម្មនៃក្រសួងពាណិជ្ជកម្ម ថ្លែងថា ៖ « រដ្ឋាភិបាលចិនបានប្រកាន់គោលជំហរប្រើប្រាស់គោលនយោបាយពាណិជ្ជកម្មក្នុងលក្ខណៈប្រុងប្រយ័ត្ន និងលើកទឹកចិត្តអាជីវកម្មរបស់ខ្លួនដើម្បីដោះស្រាយការប៉ះទង្គិចពាណិជ្ជកម្ម តាមរយៈការធ្វើពាណិជ្ជកម្ម ការវិនិយោគ និងសហការផ្នែកបច្ចេកវិទ្យាជាមួយភាគីបរទេស » ។
លោកបន្តថា លទ្ធិគាំពារនិយមនឹងគ្មានផលល្អដើម្បីយកឈ្នះការលំបាកក្នុងវិស័យសេដ្ឋកិច្ច និងដែកថែបនៅទូទាំងពិភពលោកនោះទេ ។ ផ្ទុយទៅវិញ វានឹងបង្អាក់ដល់ការធ្វើពាណិជ្ជកម្មធម្មតា ។
សេដ្ឋកិច្ចកំពុងអភិវឌ្ឍន៍របស់ប្រទេសទាំងពីរមានទំនាក់ទំនងយ៉ាងជិតស្និទ្ធក្នុងវិស័យដែកថែប ខណៈប្រេស៊ីលមានរ៉ែដែកដ៏ធំល្វឹងល្វើយ ហើយចិនជាប្រទេសផលិតដែកថែបធំជាងគេលើពិភពលោក ។
ការកត់សម្គាល់របស់លោក Wang កើតឡើងបន្ទាប់ពីប្រេស៊ីលបានប្រកាសនៅថ្ងៃចន្ទ ពីការស៊ើបអង្កេតទៅលើដែកថែបបន្ទះរបស់ចិន។ ដែកថែបរបស់ចិន ត្រូវបានរកឃើញពីការប្រឆាំងលក់បង្ខូចថ្លៃចំនួន១៤ ដោយរដ្ឋាភិបាលប្រេស៊ីល ក្នុងរយៈពេល៥ឆ្នាំកន្លងមក ។
« ដែកថែបរបស់ចិនមានត្រឹមក្រោម២%ប៉ុណ្ណោះក្នុងទីផ្សារប្រេស៊ីល » ។ នេះបើតាមលោក Wang ។
ការកើតមានបញ្ហាផលិតលើសតម្រូវការ វិស័យដែកថែបជាសកលតែងមានជម្លោះពាណិជ្ជកម្មនៅក្នុងរយៈពេលប៉ុន្មានឆ្នាំនេះ ហើយក្រុមហ៊ុនចិនបានជួបបញ្ហាច្រើនបំផុត ៕
ចែករំលែកព័តមាននេះ