ខេត្តកំពង់ឆ្នាំង ៖ បុគ្គលិកធនាគារនៅខេត្តកំពង់ឆ្នាំងម្នាក់ ត្រូវបានរន្ទះបា.ញ់ស្លា.ប់ភ្លាមៗយ៉ាងអាណោចអាធ័ម ខណៈជិះម៉ូតូត្រឡប់ពីមើលស្រែមកផ្ទះវិញ ហេតុការណ៍បានកើតឡើងនៅវេលាម៉ោងប្រមាណ១រសៀលថ្ងៃទី១៩ មិថុនា ស្ថិតនៅចំណុចស្លាត ក្នុងភូមិចំបក់ប្រាសាទ ឃុំក្រាំងស្គា ស្រុកទឹកផុស ខេត្តកំពង់ឆ្នាំង ។
យោងតាមសំដីរបស់អធិការរងនគរបាលស្រុកទឹកផុសមួយរូបបានឱ្យដឹងថា ជនរងគ្រោះ
ឈ្មោះ ខ្វែក សុខ អាយុ២៤ឆ្នាំ មានទីលំនៅភូមិចំបក់ប្រាសាទ ឃុំក្រាំងស្គា ស្រុកទឹកផុស។
តាមប្រភពពីក្រុមគ្រួសារបានឱ្យដឹងថា មុនពេលកើតហេតុ ជនរងគ្រោះបានឆ្លៀតពេលទំនេរថ្ងៃអាទិត្យបានជិះម៉ូតូទៅមើលស្រែ ។ លុះពេលជិះត្រឡប់មកវិញ មេឃក៏ងងឹតខ្លាំងរកកលនឹងភ្លៀង ក៏បានឈប់ម៉ូតូហើយដកទូរសព្ទចេញពីក្នុងហោប៉ៅបម្រុងដាក់ចូលទៅ ក្រោមកែប ម៉ូតូក្នុងគោលបំណងកុំឱ្យទទឹកទឹកភ្លៀង ពេលនោះស្រាប់តែមានរន្ទះមកបា.ញ់ស្លា.ប់នៅនឹងកន្លែងតែម្តង ។
សូមបញ្ជាក់ថា ជនរងគ្រោះខាងលើធ្លាប់ជានិស្សិតនៅសាលាសាកលវិទ្យាល័យប្រាយហូប ខេត្តកំពង់ឆ្នាំង ក្រោយចប់ការសិក្សា បានចូលបម្រើការងារនៅអង្គភាពធនាគារអម្រឹត ។រាល់ថ្ងៃសៅរ៍អាទិត្យតែងតែឆ្លៀតពេលទំនេរទៅផ្ទះ និងឆ្លៀតពេលទៅមើលស្រែជារៀងរាល់សប្តាហ៍។ ប៉ុន្តែគួរឱ្យសោកស្តាយបំផុត បែរមកគ្រោះអកុសលបែបនេះទៅវិញ ។
ចែករំលែកព័តមាននេះ