កាហ្វេមិនត្រឹមតែជួយឱ្យអ្នកបាត់ងងុយប៉ុណ្ណោះទេ ប៉ុន្តែជាតិកាហ្វេអ៊ីនពិតជាមានលក្ខណសម្បត្តិវិជ្ជមានជាច្រើននៅពេលដែលវាត្រូវបានគេប្រើប្រាស់ក្នុងបរិមាណមធ្យមជារៀងរាល់ថ្ងៃ ។ ពេលក្រោយ បើមាននរណាម្នាក់
កាហ្វេមិនត្រឹមតែជួយឱ្យអ្នកបាត់ងងុយប៉ុណ្ណោះទេ ប៉ុន្តែជាតិកាហ្វេអ៊ីនពិតជាមានលក្ខណសម្បត្តិវិជ្ជមានជាច្រើននៅពេលដែលវាត្រូវបានគេប្រើប្រាស់ក្នុងបរិមាណមធ្យមជារៀងរាល់ថ្ងៃ ។ ពេលក្រោយ បើមាននរណាម្នាក់ស្តីបន្ទោសអ្នកពីការញៀនកាហ្វេ សូមលើកយកការពិតទាំងនេះទៅប្រាប់ពួកគេ និងបន្តទទួលទានកាហ្វេសំណព្វចិត្តរបស់អ្នក ។
១-កាត់បន្ថយហានិភ័យនៃជំងឺភ្លេចភ្លាំង ៖
អ្នកទទួលទានកាហ្វេមានការថយចុះហានិភ័យនៃជំងឺមើលមិនជានេះ ដោយសារការទទួលទានកាហ្វេមានទំនាក់ទំនងទៅនឹងការព្យាបាលយ៉ាងមានប្រសិទ្ធភាពដើម្បីប្រយុទ្ធប្រឆាំងនឹងជំងឺវង្វេង ។ ជំងឺភ្លេចភ្លាំងជាធម្មតាប៉ះពាល់ដល់អ្នកដែលមានវ័យចំណាស់ ប៉ុន្តែការទទួលទានកាហ្វេទៀងទាត់នៅពីក្មេងអាចបញ្ចៀសជំងឺដ៏អាក្រក់នេះចេញឲ្យឆ្ងាយ ។
២-ពង្រឹងថាមពលឲ្យមានភាពប្រសើរឡើង
នៅពេលដែលអ្នកមានអារម្មណ៍មិនល្អ ឬអស់កម្លាំង ជាតិកាហ្វេអុីននឹងបង្កើនមុខងារខួរក្បាល និងអារម្មណ៍ ការចងចាំ មុខងារនៃការយល់ដឹងទូទៅ និងពេលមានសកម្មភាព។ ទទួលទានកាហ្វេនៅពេលថ្ងៃដើម្បីបង្កើនកម្រិតថាមពលរបស់អ្នកឲ្យកាន់តែខ្លាំង ។
៣-សម្រកទំងន់ ៖
ជាតិកាហ្វេអីុនគឺជាធាតុផ្សំនៃថ្នាំគ្រាប់ជាច្រើនដែលបានបង្កើតឡើងសម្រាប់ដុតបំផ្លាញជាតិខ្លាញ់ ។ ដោយសារតែវាអាចជួយបង្កើនការរំលាយអាហារដើម្បីបង្កើនការដុតបំផ្លាញជាតិខ្លាញ់ប្រហែល២៩% ចំពោះអ្នកដែលមិនសូវធាត់ និង១០% ចំពោះអ្នកដែលធាត់ខ្លាំង ។ ប្រព័ន្ធសរសៃប្រសាទកណ្តាលត្រូវបានជំរុញដោយជាតិកាហ្វេអីុន និងអុកស៊ីដកម្មនៃអាស៊ីតខ្លាញ់មានការកើនឡើង ។
៤-កម្លាំងរាងកាយមានភាពប្រសើរឡើង ៖
ជាតិកាហ្វេអីុនដែលមាននៅក្នុងកាហ្វេអាចបំបែកជាតិខ្លាញ់ក្នុងរាងកាយ បន្ទាប់មកធ្វើឱ្យពួកវាក្លាយជាប្រភពថាមពលនៅក្នុងឈាម។ អាស៊ីតខ្លាញ់បានមកពីជាលិកាខ្លាញ់ ហើយអាចបង្កើនដំណើរការធ្វើលំហាត់ប្រាណប្រហែល ១២%ជាមធ្យម ។
៥-កាត់បន្ថយការប្រឈមនឹងជំងឺទឹកនោមផ្អែមប្រភេទ២ ៖
អ្នកដែលទទួលទានកាហ្វេទៀងទាត់អាចកាត់បន្ថយការវិវឌ្ឍទៅជាជំងឺទឹកនោមផ្អែមប្រភេទ២ ជាពិសេសហានិភ័យនៃជំងឺនេះមានការធ្លាក់ចុះប្រហែល៤២%។ ភាពស៊ាំនឹងអាំងស៊ុយលីនក៏ត្រូវបានកាត់បន្ថយផងដែរ ៕
ចែករំលែកព័តមាននេះ