ស្ត្រីមេម៉ាយនិងកូនស្រីរងគ្រោះដោយភ្លើងឆេះផ្ទះ អំពាវនាវជួយសង់លំនៅដ្ឋានដើម្បីរស់នៅសមរម្យផង!
- កំពង់ឆ្នាំង
ក្រោយពីទទួលបានព័ត៌មានស្ដីអំពីស្ត្រីមេម៉ាយម្នាក់ រស់ជាមួយកូនស្រី ត្រូវបានអគ្គិភ័យឆាបឆេះផ្ទះខ្ទេចអស់ទាំងស្រុង
ក្រោយពីទទួលបានព័ត៌មានស្ដីអំពីស្ត្រីមេម៉ាយម្នាក់ រស់ជាមួយកូនស្រី ត្រូវបានអគ្គិភ័យឆាបឆេះផ្ទះខ្ទេចអស់ទាំងស្រុង
ខេត្តកំពង់ឆ្នាំង ៖ ក្រោយពីទទួលបានព័ត៌មានស្ដីអំពីស្ត្រីមេម៉ាយម្នាក់ រស់ជាមួយកូនស្រី ត្រូវបានអគ្គិភ័យឆាបឆេះផ្ទះខ្ទេចអស់ទាំងស្រុង កាលពីរាត្រីថ្ងៃទី១៣ ខែមិថុនា ឆ្នាំ២០២២ បានអំពាវនាវរកសប្បុរសជនជួយសាងសង់លំនៅដ្ឋានដែលជាជម្រកស្នាក់នៅ និងស្បៀងអាហារផងនោះ នៅព្រឹកថ្ងៃទី១៦ ខែមិថុនា ឆ្នាំ២០២២ ពីក្រុមអ្នកសារព័ត៌មាន ដើម្បីមនុស្សធម៌ខេត្តកំពង់ឆ្នាំង បានកៀងគររកសប្បុរសជនបានថវិកា និងកង់ជិះទៅផ្ដល់ជូនស្ត្រីខាងលើ ដែលកំពុងរស់នៅក្នុងភូមិព្រៃមាន់ ឃុំស្រែថ្មីស្រុករលាប្អៀរ ។
បើតាមការបញ្ជាក់របស់ស្ត្រីឈ្មោះ អ៊ិល ចិន្តា អាយុ៤៥ឆ្នាំ ដែលជាស្ត្រីមេម៉ាយរងគ្រោះដោយសារអគ្គិភ័យឆេះផ្ទះកំពុងរស់នៅជាមួយកូនស្រី ឈ្មោះ ឌន ឌីណា អាយុ១៥ឆ្នាំ បានរៀបរាប់ពីប្រវត្តិសង្ខេបថា ៖ រូបគាត់មានស្រុកកំណើតនៅខេត្តកំពង់ចាម ។ កាលពីជាង១៥ឆ្នាំមុន ពេលគាត់មកធ្វើការនៅខេត្តកំពង់ឆ្នាំង បានប្ដី និងកូនស្រីម្នាក់ មានទីលំនៅផ្សារព្រៃខ្មែរ ស្រុករលាប្អៀរ ។
ស្ត្រីខាងលើបន្តថា នៅពេលកូនស្រីអាយុ៣ឆ្នាំ គាត់ក៏បានបែកបាក់លែងលះគ្នាជាមួយប្ដី ហើយបានយកកូនស្រីអាយុ៣ឆ្នាំ មករស់នៅជាមួយបងប្អូន នៅក្នុងភូមិព្រៃមាន់ ក្រោយមកក៏បានប្ដីម្នាក់ទៀតឈ្មោះ ចាប គឹមសាន ។ ចាប់តាំងពីបានគ្នាជាប្ដីប្រពន្ធរស់នៅរហូតជាង១០ ឆ្នាំ គឺពេលដែលកូនស្រីគាត់អាយុបាន១៥ឆ្នាំ ក៏កើតរឿងទំនាស់នឹងគ្នាស្ទើររាល់ថ្ងៃ ពីរឿងពេលប្ដីក្រោយ ព្រោះថា ឲ្យតែស្រវឹង គឺវា.យធ្វើបាបកូនស្រីរបស់គាត់ ទើបពួកយើងលែងលះគ្នាកាលពីជាង ១ ខែមុន ។
ស្ត្រីខាងលើបន្តទៀតថា ក្រោយពីលែងលះគ្នា រូបគាត់ និងកូនស្រី មិនហ៊ានដេកនៅផ្ទះទេ គឺបានមកដេកនៅផ្ទះបងប្អូន ដែលមានរបងជាប់គ្នា។ នៅយប់ថ្ងៃកើតហេតុ គឺយប់ថ្ងៃទី១៣ ខែមិថុនា ឆ្នាំ២០២២ វេលាម៉ោងប្រមាណ៩និង៣០នាទីយប់ ស្រាប់តែមានអគ្គិភ័យឆាបឆេះផ្ទះរបស់គាត់ ដែលមានទំហំ៤ម៉ែត្រកន្លះ គុណនឹង៦ម៉ែត្រ ខ្ទេចទាំងស្រុងគ្មានសេសសល់អ្វីឡើយ សូម្បីតែកង់កូនស្រីជិះទៅរៀន និងកង់របស់គាត់ជិះទៅធ្វើការ (គាត់ជាអ្នកអនាម័យនៅក្រុមហ៊ុនទូរស័ព្ទមួយ) ក៏ត្រូវឆេះខ្ទេចអស់ដែរ គ្មានសេសសល់អ្វីឡើយ ដោយសារហេតុនេះហើយ ទើបរូបគាត់សូមអំពាវនាវដល់បងប្អូនសប្បុរសធម៌ទាំងអស់ សូមមេត្តាជួយឧបត្ថម្ភ កសាងជម្រកស្នាក់នៅឲ្យគាត់រស់នៅជាមួយកូនស្រីបានវិញផង។
បើតាមការបញ្ជាក់របស់លោក ពៅ ថារិន ដែលជាមេភូមិព្រៃមាន់ ឃុំស្រែថ្មី ស្រុករលាផ្អៀបានឲ្យដឹងថា ឈ្មោះ អ៊ុល ចិន្តា បានប្ដី និងរស់នៅលើទឹកដីភូមិព្រៃមាន់នេះជាង១០ឆ្នាំមកហើយ ដោយបានចុះបញ្ជីស្នាក់នៅត្រឹមត្រូវ។ ក្រោយពេលមានអគ្គិភ័យកើតឡើង គឺមានសប្បុរសជនមកជួយជាបន្តបន្ទាប់ ដូចជាស្បៀងអាហារ និងថវិកាមួយចំនួន ប៉ុន្តែមិនទាន់បានជម្រកស្នាក់នៅសមរម្យនោះឡើយ ក្នុងនាមលោកជាអាជ្ញាធរភូមិ សូមចូលរួមអំពាវនាវដល់សប្បុរសជនសូមជួយឧបត្ថម្ភជាសម្ភារៈ ថវិកាសម្រាប់ការសាងសង់ជម្រកស្នាក់នៅឲ្យស្ត្រីខាងលើរស់នៅបានសមរម្យផង ។
សូមបញ្ជាក់ថា ៖ នៅព្រឹកថ្ងៃទី១៦ ខែមិថុនា ឆ្នាំ២០២២នេះ ក្រុមការក្រុមអ្នកសារព័ត៌មាន ដើម្បីមនុស្សធម៌ បាននាំយកនូវកង់មួយគ្រឿងសម្រាប់អោយក្មួយស្រី ឌន ឌីណា បានជិះទៅរៀន ដោយឡែកឯកឧត្តម ស៊ុន សុវណ្ណារិទ្ឋ អភិបាលខេត្តកំពង់ឆ្នាំង តាមរយៈអ្នកសារព័ត៌មាននឹងផ្តល់ថវិកាចំនួន១លានរៀល ជូនស្ត្រីរងគ្រោះខាងលើនេះផងដែរ៕
ចែករំលែកព័តមាននេះ