ចិនបា.ញ់គ្នាផ្ទុះអាវុធជាច្រើនគ្រាប់ផ្អើលកណ្តាលក្រុងព្រះសីហនុ
- ព្រះសីហនុ
ស្នូរផ្ទុះអាវុធជាច្រើនគ្រាប់ បានបង្កឱ្យមានភាពភ្ញាក់ផ្អើលទកណ្ដាលក្រុងទាំងកណ្ដាលអធ្រាត្រ បន្ទាប់ពីជនជាតិចិន១ក្រុមបានបា.ញ់ប្រមាណ
ស្នូរផ្ទុះអាវុធជាច្រើនគ្រាប់ បានបង្កឱ្យមានភាពភ្ញាក់ផ្អើលទកណ្ដាលក្រុងទាំងកណ្ដាលអធ្រាត្រ បន្ទាប់ពីជនជាតិចិន១ក្រុមបានបា.ញ់ប្រមាណ
ខេត្តព្រះសីហនុ ៖ ស្នូរផ្ទុះអាវុធជាច្រើនគ្រាប់ បានបង្កឱ្យមានភាពភ្ញាក់ផ្អើលទកណ្ដាលក្រុងទាំងកណ្ដាលអធ្រាត្រ បន្ទាប់ពីជនជាតិចិន១ក្រុមបានបាញ់ប្រមាណ៩គ្រាប់ នៅចំណុចផ្លូវអន្ទង់អាំងក្បែរសណ្ឋាគារស៊ីហួ ស្ថិតក្នុងឃុំ១ សង្កាត់លេខ៣ ក្រុងព្រះសីហនុ វេលាម៉ោង១២និង៤០នាទីកណ្ដាលអធ្រាត្រ ឈានចូលថ្ងៃទី១៥ ខែមិថុនា ឆ្នាំ២០២២ និងបង្កឲ្យមនុស្សម្នាក់បានរងរបួសបាក់ភ្លៅខាងស្ដាំ ត្រូវបាននាំទៅសង្គ្រោះបន្ទាន់នៅមន្ទីរពេទ្យ ថៃខាង ក្រុងព្រះសីហនុ ។
ជុំវិញករណីផ្ទុះអាវុធកក្រើកក្រុងព្រះសីហនុទាំងកណ្ដាលអធ្រាត្រនេះ បើតាមក្រុមកម្មករសំណង់ដែលស្នាក់នៅក្បែរកន្លែងកើតហេតុ បានរៀបរាប់ឱ្យដឹងថា នៅពេលកើតហេតុ ពួកគាត់កំពុងតែសម្រាកលង់លក់នៅក្នុងការដ្ឋានសំណង់ក្បែរកន្លែងកើតហេតុនេះ ស្រាប់តែឮសម្លេងបាញ់ដោយកាំភ្លើងជាច្រើនគ្រាប់ ធ្វើឲ្យពួកគាត់ភ្ញាក់ពីដំណេក និងមានការតក់ស្លុតយ៉ាងខ្លាំង ហើយក៏ពុំហ៊ានចេញមកមើលជាចំហនោះទេ ។
ពួកគេនិយាយថា រហូតបានមួយសន្ទុះ ទើបនាំគ្នាលួចមើលតាមចន្លោះប្រហោងឃើញរថយន្តចំនួន៣គ្រឿង បានបើកចេញពីកន្លែងកើតហេតុ យ៉ាងលឿន ស្នូររថយន្តយ៉ាងកក្រើកដោយបន្សល់ទុកស្នាមឈា.ម និងសំបកគ្រាប់ជាច្រើនផងដែរ ។
មិនយូរប៉ុន្មាន ក៏ឃើញសមត្ថកិច្ចប៉ូលីសមកដល់កន្លែងកើតហេតុ ។ ចំពោះហេតុការណ៍មុនកើតហេតុ មានសកម្មភាពបែបណានោះ ពួកគាត់ពុំបានដឹងអ្វីទេ ព្រោះវេលាម៉ោងនេះជាម៉ោងដែលពួកគាត់កំពុងសម្រាកលង់លក់ក្នុងដំណេកពេញបន្ទុកទៅហើយ ។
ដោយឡែក បើយោងតាមប្រភពចុងក្រោយ គិតមកដល់ត្រឹមម៉ោង១២ថ្ងៃត្រង់ ថ្ងៃទី១៥ ខែមិថុនានេះ តាមប្រភពក្រៅផ្លូវការពីសមត្ថកិច្ចបានបង្ហើបថា ជុំវិញករណីនេះ ត្រូវបានសមត្ថកិច្ចកំណត់អត្តសញ្ញាណ និងមុខសញ្ញាបានហើយ ព្រោះហេតុការណ៍នេះ កើតឡើងដោយសារតែមានជម្លោះរឿងលុយកាក់ ។
ប្រភពដដែលបានបន្តថា ក្រោយកើតហេតុ សមត្ថកិច្ច និងអាជ្ញាធរ បានប្រទះឃើញរថយន្តមួយគ្រឿងម៉ាកAudi ដែលគេសង្ស័យថា ជារថយន្តរបស់ក្រុមខ្មាន់កាំភ្លើង បានយកទៅប្លុងចោលនៅស្រុកព្រៃនប់ ដែលមានចម្ងាយប្រមាណ៤៣គីឡូម៉ែត្រពីក្រុងព្រះសីហនុ ។
ប៉ុន្តែបើទោះបីជាយ៉ាងណាក៏ដោយ អត្តសញ្ញាណជនរងគ្រោះ និងជនបង្ក កុំទាន់ត្រូវបានសមត្ថកិច្ចទម្លាយនៅឡើយទេ ព្រោះសំណុំរឿងនេះ សមត្ថកិច្ចកំពុងបន្តស្រាវជ្រាវស៊ើបអង្កេតតាមចាប់ខ្លួនជនបង្ក យកមកផ្ដន្ទាទោសទៅតាមផ្លូវច្បាប់ ព្រោះមុខសញ្ញាពួកគេត្រូវបានសមត្ថកិច្ចកំណត់បានអស់ហើយ ដែលសង្ស័យថា មិនខុសពីស្នាដៃ «បងធំចិន» បង្កឡើយ ៕
ចែករំលែកព័តមាននេះ