បុរសម្នាក់ដែលធ្វើសកម្មភាពចាប់រំលោ.ភសេពសន្ថវៈប្អូនថ្លៃមិនបានសម្រេចនោះ ពេលនេះត្រូវបានកម្លាំងនគរបាលព្រហ្មទណ្ឌខណ្ឌពោធិ៍សែនជ័យ កសាងសំណុំរឿងបញ្ជូនទៅកាន់
រាជធានីភ្នំពេញ ៖ បុរសម្នាក់ដែលធ្វើសកម្មភាពចាប់រំលោ.ភសេពសន្ថវៈប្អូនថ្លៃមិនបានសម្រេចនោះ ពេលនេះត្រូវបានកម្លាំងនគរបាលព្រហ្មទណ្ឌខណ្ឌពោធិ៍សែនជ័យ កសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ ដើម្បីចាត់ការតាមច្បាប់ កាលពីព្រឹកថ្ងៃទី១៤ ខែមិថុនា ឆ្នាំ២០២២នេះហើយ ។
បុរសរូបនោះមានឈ្មោះ នួន ភារៈ អាយុ៣០ឆ្នាំ ដែលគេស្គាល់ថា ជាអង្គរក្ស និងជាអ្នកបើករថយន្តអោយអភិបាលខណ្ឌម្នាក់ មានទីលំនៅសង្កាត់កាកាប២ ខណ្ឌពោធិ៍សែនជ័យ ។ ចំណែកនារីរងគ្រោះវិញមានអាយុ១៩ឆ្នាំ ជានិស្សិតឆ្នាំទី១។
គួរបញ្ជាក់ថា បុរសល្មោ.ភកាមរូនោះ ត្រូវបានសមត្ថកិច្ចចាប់ខ្លួន កាលវេលាម៉ោងប្រមាណ១២និង៣០នាទីយប់ ឈានចូលថ្ងៃទី១២ ខែមិថុនា ឆ្នាំ២០២២ នៅក្នុងមូលដ្ឋានសង្កាត់កាកាប១ ខណ្ឌពោធិ៍សែនជ័យ បន្ទាប់ពីធ្វើសកម្មភាពចាប់រំលោ.ភសេពសន្ថវៈ ប្អូនថ្លៃមិនបានសម្រេច។
តាមព័ត៌មានអោយដឹងថា វេលាក្បាលព្រលប់ថ្ងៃទី១១ ខែមិថុនា ឆ្នាំ២០២២ ជនសង្ស័យ និងប្រពន្ធបាននាំគ្នាទៅលេងផ្ទះប្អូនស្រី ខណៈពេលដែលឪពុកម្តាយធ្វើដំណើរទៅខេត្តបាត់ ។ នៅវេលាយប់នោះ បុរសដែលជាបងថ្លៃក៏បានជួបជុំគ្នាផឹក លុះពេលផឹកស្រវឹងក៏បានទៅដេកជាមួយប្រពន្ធនៅជាន់ក្រោម។ ដោយឡែកប្អូនថ្លៃស្រី ព្រមទាំងក្មួយបានសម្រាកនៅបន្ទប់ជាន់ឡាវតឿ។
ប្រភពដដែលបន្តថា នៅវេលាម៉ោងរំលងអធ្រាត្រចូលថ្ងៃទី១២ ខែមិថុនា ជនសង្ស័យរូបនោះក៏បានលួចក្រោកទៅគាស់ទ្វារបន្ទប់របស់ប្អូនថ្លៃនៅជាន់ឡាវតឿ រួចចូលទៅចាប់រំលោ.ភសេពសន្ថវៈ តែពុំបានសម្រេចឡើយ ។ នៅក្នុងសកម្មភាពនោះ គឺបុរសជាបងថ្លៃបានកាន់កាំបិតប៉័ងតោ, កាំបិតចុងស្រួច និងស្លៀកតែខោខ្លី បានចូលទៅចាប់រំលោ.ភសេពសន្ថវៈ ហើយនារីជាប្អូនថ្លៃខំរើ និងបានស្រែកហៅអោយប៉ាជួយ ។
ប្រភពដដែលបន្តថា ហើយពេលនោះក្មួយស្រី ដែលបានដេកនៅបន្ទប់ក្បែរនោះ ក៏បានបើកភ្លើងចេញមក ហើយជនសង្ស័យរូបនោះក៏បានរត់ទៅពួនក្នុងបន្ទប់ បន្ទាប់មកក៏បាននាំគ្នាទៅប្តឹងនគរបាលអោយឃាត់ខ្លួនតែម្តង ។ បន្ទាប់ពីឃាត់ខ្លួន សមត្ថកិច្ចបានឆែកឆេររកឃើញកាំបិតប៉័ងតោនៅក្រោមគ្រែផងដែរ ។ ជននោះត្រូវបានគេដឹងថា មានប្រពន្ធ ជាអ្នកមានមុខមាត់នៅក្នុងមូលដ្ឋានផងដែរ។
គួររំលឹកថា ៖ អង្គរក្សម្នាក់លួចគាស់ទ្វារបន្ទប់ចូលចា.ប់ប្អូនថ្លៃជានិស្សិត ផ្អើលទាំងយប់ ៕
ចែករំលែកព័តមាននេះ