ខេត្តកំពង់ឆ្នាំង ៖ ដោយសារស្ថានភាពជំនន់ទឹកភ្លៀងហូរបុកខ្លាំង បណ្ដាលឱ្យទំនប់បារាំងដែលជាទំនប់ស្ទាក់ទឹកនៅក្នុងភូមិផ្សារឆ្នាំង សង្កាត់ផ្សារឆ្នាំង ក្រុងកំពង់ឆ្នាំង បានបា.ក់ច្រោះទៅចុងម្ខាងនៃទំនប់ធ្វើឲ្យការធ្វើដំណើររបស់ប្រជាពលរដ្ឋ មិនអាចធ្វើដំណើរបានដោយហេតុនេះហើយទើបនៅព្រឹកថ្ងៃទី១៣ និងទី១៤ ខែមិថុនា…
ខេត្តកំពង់ឆ្នាំង ៖ ដោយសារស្ថានភាពជំនន់ទឹកភ្លៀងហូរបុកខ្លាំង បណ្ដាលឱ្យទំនប់បារាំងដែលជាទំនប់ស្ទាក់ទឹកនៅក្នុងភូមិផ្សារឆ្នាំង សង្កាត់ផ្សារឆ្នាំង ក្រុងកំពង់ឆ្នាំង បានបា.ក់ច្រោះទៅចុងម្ខាងនៃទំនប់ធ្វើឲ្យការធ្វើដំណើររបស់ប្រជាពលរដ្ឋ មិនអាចធ្វើដំណើរបានដោយហេតុនេះហើយទើបនៅព្រឹកថ្ងៃទី១៣ និងទី១៤ ខែមិថុនា ២០២២ នេះ មន្ទីរធនធានទឹក និងឧតុនិយមខេត្តកំពង់ឆ្នាំងបានដឹកដីចា.ក់ទប់ទំនប់ឡើងវិញ ដើម្បីការពារការបា.ក់ច្រើនថែមផង និងដើម្បីសម្រួលការធ្វើដំណើររបស់ប្រជាពលរដ្ឋផងដែរ ។
លោកដោក ប៊ុនថុន ប្រធានមន្ទីធនធានទឹក និងឧតុនិយមខេត្តកំពង់ឆ្នាំងបានអោយដឹងថា លោកបានឱ្យរថយន្តដឹកដីចាក់ទប់ ដើម្បីបញ្ចៀសទឹកហូរច្រោះបាក់ដីបន្ថែម ដែលបង្កការបា.ក់ខូចខាតនិងគ្រោះថ្នាក់ណាមួយកើតឡើងជាយថាហេតុ ដល់អ្នកធ្វើដំណើរលើទំនប់នេះ ។
ប្រធានមន្ទីរធនធានទឹកបានអោយដឹងទៀតថា ទំនប់បង្ហៀរទឹកខាងលើនេះ បន្សល់ទុកតាំងពី
ជំនាន់បារាំង ហើយត្រូវបានក្រសួងធនធានទឹក និងឧតុនិយមធ្វើការកែសម្រួល និងបានជួសជុលឡើងវិញ និងដាក់អោយចរាចរណ៍ទៅមកប៉ុន្មានឆ្នាំកន្លងទៅនេះផងដែរ ។
ចំណែក លោក អ៊ុិន ឌិន អាយុ៧៣ឆ្នាំ មេភូមិកណ្តាលក៏ដូចជាប្រជាពលរដ្ឋបាននិយាយអោយដឹងថា ទំនប់បង្ហៀរខាងលើនេះ វាជាទំនប់ស្ទាក់ទឹកផងនិង ជាផ្លូវឆ្លងកាត់ការធ្វើដំណើរយ៉ាងមមារញឹក និងដឹកជញ្ជូនដែលបានតភ្ជាប់ពីការរស់នៅរបស់ប្រជាពលរដ្ឋតាមដងទន្លេក្នុងស្រុករលាប្អៀរ និងស្រុកជលគីរីមកកាន់ទីរួមខេត្តកំពង់ឆ្នាំង ។
ក្រោយពីឃើញស្ថានភាពទឹកជំនន់ហូបបុ.កច្រោះដាច់ចុងម្ខាងនៃទំនប់ទើបពួកគាត់ សំណូមពរដល់មន្ទីរធនធានទឹក និងឧតុនិយម ដើម្បីយករថយន្តដឹកដីចាក់ទប់ ដើម្បី កុំអោយបាក់ស្រុតបន្ថែម និងឱយការធ្វើដំណើរឆ្លងកាត់ទៅមកបានយ៉ាងធម្មតាឡើងវិញ។ ក្នុងនាម ពួកគាត់ជាប្រជាពលរដ្ឋសូមថ្លែងអំណរគុណដល់មន្ទីរធនធានទឹកនិងឧតុនិយមខេត្តកំពង់ឆ្នាំងដែលបានយករថយន្តដឹកដីមួយចាត់ទប់ទឹកទាន់ពេលវេលា ៕
ចែករំលែកព័តមាននេះ