ការធ្វើជំនួញ ឬចាប់យករបររកស៊ីអ្វីមួយ មិនប្រាកដថា ដាក់ចុះដុះឡើងនោះទេ ហើយក៏មិនមែនបរាជ័យរហូតដែរ ។ ខាងក្រោមនេះ ជាគន្លឹះដើម្បីទទួលបានជោគជ័យផ្នែកវិនិយោគលើវិស័យអចនទ្រព្យ ប៉ន្ដែងបើសិនជាសួរថា ពិតជាជោគជ័យ ឬយ៉ាងណានោះ គឺវាស្រ័យលើចំណេះដឹងផ្សេងដែលពាក់ព័ន្ធថែមទៀត ដែលមានរៀបរាប់ដូចខាងក្រោម ៖
១-កុំចាប់អារម្មណ៍អ្វីដែលអ្នកដទៃធ្វើ ៖
វិនិយោគិនជាច្រើនរូបតែងធ្វើតាមគំនិត ដែលអ្នកដទៃបានធ្វើ ។ រឿងនេះនឹងនាំទៅរកការខាតបង់ពេលវេលា ។ អ្វីដែលគួរធ្វើ គឺខំតាំងចិត្តទៅដល់គោលដៅ វិនិយោគតាមវិធីរបស់អ្នកផ្ទាល់ ព្រោះរឿងដែលអាចទៅរួចសម្រាប់អ្នកដទៃ វាអាចនឹងទៅមិនរួចសម្រាប់អ្នករហូតនោះទេ ។
២-មិនទទួលព័ត៌មានច្រើនពេក ៖
ព័ត៌មានច្រើន ក៏ល្អក្នុងការជួយដល់អ្នកអនុវត្ត ព្រោះការព្យាយាមរបស់អ្នកនឹងបង្កើតជម្រើសវិនិយោគបានល្អប្រសើរ ។ ប៉ុន្តែបើសិនជាព័ត៌មានច្រើនពេក វាអាចធ្វើឱ្យអ្នកខូចអារម្មណ៍បាន ។ ក្នុងចំណោមព័ត៌មានទាំងនោះ តែងមានព័ត៌មានអាក្រក់អំពីសេដ្ឋកិច្ច ប៉ុន្តែចាំទុកថា ទីផ្សារអចលនទ្រព្យនៅតែមានភាពបត់បែនជានិច្ច ។
៣-ការវិនិយោគជាមួយប្រាក់សុទ្ធ ៖
ពិតណាស់ ការរីកលូតលាស់របស់ប្រាក់ទុនជារឿងសំខាន់ដែលធ្វើឱ្យអ្នកមានបាន ប៉ុន្តែអ្នកត្រូវមានប្រាក់សុទ្ធទុកសម្រាប់ការវិនិយោគផងដែរ ។ ការដើរក្នុងទីផ្សារបច្ចុប្បន្នបានក្លាយទៅជារឿងងាយជាមួយនឹងការបន្ថយអត្រាការប្រាក់ ។
៤-ការបង្កើតប្រាក់ចំណូល ៖
ចាំទុកថា ការប៉ងប្រាថ្នារបស់អ្នក គឺការបង្កើតប្រាក់ចំណូល ហើយក៏មិនត្រឹមត្រូវគ្រប់រឿងរហូតដែរ ។ តើអ្នកចង់មានបាន ឬត្រឹមត្រូវគ្រប់រឿងច្រើនជាង ? វិនិយោគិនជាច្រើនរូបខាតទុនដោយងាយ ព្រោះតែផ្តល់តម្លៃលើខ្លួនឯងខ្ពស់ ។
៥-វិនិយោគរយៈពេលវែង ៖
អ្នកបានឮមកជាញឹកញាប់ថា អចលនទ្រព្យត្រូវបានចាត់ទុកថា ជាប្រាក់វិនិយោគរយៈពេលវែង ។ ពិតហើយ គ្មានវិធីដែលល្អជាងសម្រាប់បំពេញប្រាក់ចំណេញរបស់អ្នក ហើយចៀសវាងការបាត់បង់នោះឡើយ ។ នៅពេលអ្នកបណ្តាក់ទុនរយៈពេលវែង អ្នកអាចនឹងសម្លឹងឃើញចំណុចខ្ពស់បំផុត និងទាបបំផុតនៃទីផ្សារ ។
ទាំង៥ចំណុចនេះជាគន្លឹះដើម្បីទទួលបានជោគជ័យផ្នែកវិនិយោគលើវិស័យអចលនទ្រព្យ។ ប្រសិនជាសួរថា អាចយកទៅប្រើប្រាស់បានឬទេ ចម្លើយគឺមិនទាន់បានទេ អ្នកចាំបាច់ត្រូវមានចំណេះដឹង និងយល់ពីរឿងផ្សេងៗទៀតផងដែរ ដូចជា ៖
-យល់ទៅលើប្រាក់វិនិយោគទុន
-ការស្វែងរកដីសម្រាប់វិនិយោគ និងសម្លឹងឃើញឱកាស
-ការចរចាទិញដើម្បីទទួលផលចំណេញតាំងពីពេលទិញ
-ការខ្ចីប្រាក់ធនាគារ និងការប្រើប្រាស់ប្រាក់អ្នកដទៃនៅក្នុងមុខរបរ
-ការចេញគម្រោងលក់ និងការចរចាលក់
-វិធីសាស្ត្រជោគជ័យពី Case Study ដោយសាកល្បងខុសត្រូវ អាចយកទៅប្រើបានតាំងពីស្វែងរក ចរចាទិញ ខ្ចីប្រាក់ធនាគារ និងការលក់ដើម្បីបំពេញទ្រព្យមកដល់ដៃរបស់អ្នក ៕
ចែករំលែកព័តមាននេះ