រាជធានីភ្នំពេញ ៖ ក្រុមហ៊ុនឆ្នោតនាគសំណាង បានធ្វើការប្រកាសរកអ្នកឈ្នះរង្វាន់ Jackpot ៥០ម៉ឺនដុល្លារអាមេរិក តាមរយៈការចាប់ឆ្នោត កាលពីយប់ថ្ងៃទី១៣ វិច្ឆិកា ដោយបានទៅលើអ្នកខេត្តកំពង់ស្ពឺយ៉ាងពិតប្រាកដ គឺឈ្មោះលោកហម ប៉ូរ៉ា ។
រាជធានីភ្នំពេញ ៖ ក្រុមហ៊ុនឆ្នោតនាគសំណាង បានធ្វើការប្រកាសរកអ្នកឈ្នះរង្វាន់ Jackpot ៥០ម៉ឺនដុល្លារអាមេរិក តាមរយៈការចាប់ឆ្នោត កាលពីយប់ថ្ងៃទី១៣ វិច្ឆិកា ដោយបានទៅលើអ្នកខេត្តកំពង់ស្ពឺយ៉ាងពិតប្រាកដ គឺឈ្មោះលោកហម ប៉ូរ៉ា ។
ក្នុងជំនួបពិធីផ្តល់រង្វាន់ដល់ទីកន្លែងស្នាក់ផ្ទាល់របស់លោកហម បូរ៉ា រស់នៅក្នុងភូមិផ្សារត្រពាំងក្រឡឹង ឃុំគីរីវន្ត ស្រុកភ្នំស្រួច ខេត្តកំពង់ស្ពឺនោះ លោកបានរៀបរាប់ថា លោកជាអតិថិជនរបស់ឆ្នោតសំណាងនេះ ហើយលោកមានអារម្មណ៍រំភើបណាស់ និងស្ទើរតែមិនជឿទៀតផងថា បានឈ្នះទឹកប្រាក់ Jackpot ៥០ម៉ឺនដុល្លារ ។
ក្រោយពីរូបលោកបានឈ្នះរង្វាន់នេះ លោកនឹងធ្វើការបរិច្ចាគ ដល់មន្ទីរពេទ្យគន្ធបុប្ផាចំនួន៥ពាន់ដុល្លារ, ផ្ដល់ជូនវត្តចំនួនពីរ ក្នុងមួយវត្ត២ពាន់ដុល្លារ និងផ្ដល់ជូនទៅសាលារៀនមួយ២ពាន់ដុល្លារ ហើយលោកមានគម្រោងពង្រីកអាជីវកម្មរបស់គាត់ឱ្យកាន់តែធំផងដែរ ។
លោកហម បូរ៉ា បានបញ្ជាក់ថា កាលពីថ្ងៃនោះ ខ្ញុំកំពុងតែនៅពិធីមង្គលការរបស់គេ ស្រាប់តែក្រុមហ៊ុនឆ្នោតនាគសំណាងបានទូរស័ព្ទមកឱ្យខ្ញុំពិនិត្យលេខឆ្នោតរបស់ខ្ញុំ ហើយពេលមើលច្បាស់លាស់ គឺពិតជារូបខ្ញុំមែន ដែលត្រូវលេខឆ្នោតនេះ ខ្ញុំក៏រំភើបខ្លាំងឈប់នៅពិធីមង្គលការគេ ក៏បើករថយន្តត្រឡប់មកផ្ទះវិញ ប្រាប់អ្នកផ្ទះឱ្យត្រេកអរជាមួយគ្នា ។ ថ្ងៃដែលខ្ញុំលេងនោះ ខ្ញុំបានលេងអស់៥០ខ្សែ ។ ខ្ញុំស្គាល់ឆ្នោតនេះ តាមរយៈភ្នាក់ងារចែកចាយដែលលក់ក្នុងតំបន់នេះ។
លោក Ole Vagner អគ្គនាយកក្រុមហ៊ុនឆ្នោតនាគសំណាងបានមានប្រសាសន៍ថា សូមអបអរសាទរដល់លោកហម បូរ៉ា ដែលបានលេងឆ្នោតនេះ។ នេះជាការពិត ប្រសិនបើលោកមិនបានលេងនោះ លោកក៏មិនឈ្នះរង្វាន់ធំនេះដែរ ។ ឆ្នោតនេះ ជាឆ្នោតល្អបំផុតសម្រាប់កម្ពុជា ដែលចំណាយក្នុងការផ្សងសំណាងអស់ត្រឹមតែ២ពាន់រៀល អាចនឹងឈ្នះបានលុយវិញកន្លះលានដុល្លារ
អាមេរិក ។
ចែករំលែកព័តមាននេះ