កងយន្តហោះយុទ្ធសាស្ត្ររុស្ស៊ីកាលពីថ្ងៃទី១៧ វិច្ឆិកា ចេញវាយប្រហារបណ្តាទីតាំងពួកភេរវករនៅស៊ីរីដោយប្រើបណ្តាមីស៊ីលបណ្តែត។
ក្រសួងការពារប្រទេសរុស្ស៊ីរាយការណ៍ថា បណ្តាយន្តហោះយុទ្ធសាស្ត្ររុស្ស៊ី
កងយន្តហោះយុទ្ធសាស្ត្ររុស្ស៊ីកាលពីថ្ងៃទី១៧ វិច្ឆិកា ចេញវាយប្រហារបណ្តាទីតាំងពួកភេរវករនៅស៊ីរីដោយប្រើបណ្តាមីស៊ីលបណ្តែត។
ក្រសួងការពារប្រទេសរុស្ស៊ីរាយការណ៍ថា បណ្តាយន្តហោះយុទ្ធសាស្ត្ររុស្ស៊ីTUPOLEV TU-95MS កាលពីថ្ងៃទី១៧ វិច្ឆិកា បានបាញ់បណ្តាមីស៊ីលបណ្តែតប្រឆាំងទីតាំងទាំងឡាយរបស់ក្រុមរដ្ឋអ៊ិស្លាម និងរបស់ក្រុមរណសិរ្សអាល់ណូស្ត្រានៅស៊ីរី ។ ក្នុងសេចក្តីប្រកាសមួយក្រសួងនេះគូសបញ្ញាក់ថា កងយន្តហោះបាញ់មីស៊ីលរបស់កងកម្លាំងអាកាសរុស្ស៊ីបានបាញ់បណ្តាមីស៊ីលបណ្តែតប្រឆាំងបណ្តាទីតាំងរបស់ពួករដ្ឋអ៊ិស្លាមនិងពួករណសិរ្សអាល់ណូស្ត្រា លើដែនដីស៊ីរី ។ បណ្តាប៉ុស្តិ៍បញ្ជាការឃ្លាំងអាវុធនិងគ្រាប់រំសេវ បណ្តារោងចក្រផលិតអាវុធ ព្រមទាំងសម្ភារយោធារបស់ពួកភេរវករស្ថិតក្នុងចំណោមគោលដៅវាយប្រហាររបស់កងយន្តហោះរុស្ស៊ី ។
តាមក្រសួងនោះថា បណ្តាចំណុចវាយប្រហារសុទ្ធតែផ្តល់ឱ្យដោយពួកភ្នាក់ងារស៊ើបការណ៍។ បណ្តាយន្តហោះគ្មានមនុស្សបើកហោះត្រួតពិនិត្យលទ្ធផលនៃការវាយប្រហារទាំងនោះ ។ កងយន្តហោះនេះស្ថិតលើសមុទ្រមេឌីទែរ៉ាណេ ពេលវាយប្រហារ ។ យន្តហោះទាំងនោះហោះចេញពីព្រលានយន្តហោះមួយស្ថិតនៅដែនដីរុស្ស៊ី ហើយហោះហើរក្នុងចម្ងាយដល់ទៅ១១.០០០គ.ម ដោយទទួលការចាក់ប្រេងលើអាកាស២លើក។ យោងតាមក្រសួងការពារប្រទេសរុស្ស៊ីថា កងយន្តហោះយុទ្ធសាស្ត្រទាំងនោះហោះកាត់សមុទ្រខាងជើង និងមហាសមុទ្រអាត្លង់ទិក ដើម្បីទៅដល់គោលដៅវាយប្រហារ ។
ចំណែកយន្តហោះប្រដេញធុន SUKHOI SU-33 នៃនាវាផ្ទុកយន្តហោះរុស្ស៊ី ADMIRAL KOZNETSOV និងបណ្តាយន្តហោះវាយប្រហារដាក់ពង្រាយនៅព្រលានយន្តហោះ HMEIMIM ប្រទេសស៊ីរីក៏ចូលរួមក្នុងប្រតិបត្តិការដែរ ។ កងយន្តហោះប្រយុទ្ធ SU-30 ធានាដល់កិច្ចការការអាកាស ចំណែកការវាយប្រហារតាមអាកាសនិងការបាញ់កាំភ្លើងធំរបស់កងទ័ពស៊ីរី បណ្តាលឱ្យមនុស្សស្លាប់យ៉ាងតិច២៥នាក់នៅភាគខាងកើតក្រុងអាឡែប កាលពីថ្ងៃទី១៧ វិច្ឆិកាជាថ្ងៃទី៣ នៃការវាយប្រហារឡើងវិញប្រឆាំងផ្នែកនោះនៃទីក្រុងធំទី២របស់ស៊ីរីកាន់កាប់ដោយពួកបះបោរ ។
ក្រោយភាពស្ងប់ស្ងាត់រយៈពេលជាច្រើនសប្តាហ៍ការវាយប្រហារធ្វើឡើងពីថ្ងៃទី១៥ វិច្ឆិកាមក ដែលហាក់ជាការបញ្ចប់បទឈប់បាញ់ប្រកាសកាលពីថ្ងៃទី១៨ តុលា ដោយរុស្ស៊ីដែលជួយទ្រទ្រង់ខាងយោធាដល់របបប្រធានាធិបតីលោកបាចាអាល់អាសាដ ។ ទោះបីយ៉ាងណាក្រុងមូស្គូអះអាងថា ពុំបានវាយប្រហារលើទីក្រុងអាឡែបឡើយតែវាយប្រហារលើគោលដៅផ្សេងៗទៀតនៅស៊ីរី ។ ក្រសួងការពារប្រទេសរុស្ស៊ីប្រកាសពីការបើកធ្វើជាលើកដំបូងការវាយប្រហារដោយប្រើប្រាស់ទាំងបណ្តាយន្តហោះប្រយុទ្ធហោះចេញពីបណ្តាមូលដ្ឋាននៅរុស្ស៊ីទាំងនៅស៊ីរីព្រមទាំងនៅលើនាវាផ្ទុកយន្តហោះរបស់ខ្លួន ៕
ចែករំលែកព័តមាននេះ