ខេត្តកំពង់ឆ្នាំង ៖ ប្តីប្រពន្ធដែលមានវ័យចាស់ជរាដូចគ្នា និងមានជីវភាពខ្វះព្រឹកល្ងាចហើយកំពុងរស់នៅទាំងត្រដាបត្រដួស ដើម្បីតស៊ូនិងជីវិត។ តែចុងក្រោយក៏ដាច់ចិត្តលើកដៃសុំក្តីមេត្តាពីសំណាក់សប្បុរសជនឱ្យជួយ ក្រោយលោកតាកំពុងឈឺងើបពីកន្ទេលលែងរួចទៅហើយនោះ ប្រាប់លោកយាយជាប្រពន្ធថា «គាត់ឃ្លានសាច់កាប់ (សាច់ផាកឡូវ)យ៉ាងខ្លាំង»…
ខេត្តកំពង់ឆ្នាំង ៖ ប្តីប្រពន្ធដែលមានវ័យចាស់ជរាដូចគ្នា និងមានជីវភាពខ្វះព្រឹកល្ងាចហើយកំពុងរស់នៅទាំងត្រដាបត្រដួស ដើម្បីតស៊ូនិងជីវិត។ តែចុងក្រោយក៏ដាច់ចិត្តលើកដៃសុំក្តីមេត្តាពីសំណាក់សប្បុរសជនឱ្យជួយ ក្រោយលោកតាកំពុងឈឺងើបពីកន្ទេលលែងរួចទៅហើយនោះ ប្រាប់លោកយាយជាប្រពន្ធថា «គាត់ឃ្លានសាច់កាប់ (សាច់ផាកឡូវ)យ៉ាងខ្លាំង» ។ ក្រោយពីឮប្ដី
និយាយដូច្នោះ លោកយាយស្រក់ទឹកភ្នែកនឹកអាណិតដល់តាជាប្ដីជាទីបំផុត ព្រោះតែជីវភាពក្រីក្រមិនដែលមានអ្វីហូបឆ្ងាញ់នឹងគេឡើយ ។ ហើយរហូតមកដល់ដង្ហើមចុងក្រោយនេះ សូម្បីតែលុយ១ម៉ឺនរៀលក្នុងខ្លួន ក៏មិនមានផងហើយប្ដីប្រាប់ថា «ឃ្លានសាច់កាប់ទៀត» ។
ជួបជាមួយអ្នកយកព័ត៌មានយើង លោកយាយនិត សុគឿន អាយុ៧៨ឆ្នាំ បានរៀបរាប់ទាំងអួលដើម.កថា គាត់និងលោកតាបានចាប់ដៃគ្នាជាប្តីប្រពន្ធតាំងពីក្មេងមកមានកូនស្រីម្នាក់ដែរ មានជីវភាពក្រីក្រដូចគ្នាមិនអាចជាទីពឹងពាក់អ្វីបានឡើយ។ លោកយាយបន្តថា សព្វថ្ងៃរស់នៅភូមិជ្រៃបាក់ ឃុំជ្រៃបាក់ ស្រុករលាប្អៀរ ខេត្តកំពង់ឆ្នាំង ។ ប្ដីរបស់លោកយាយឈ្មោះខឹង ផេង អាយុ៨៧ឆ្នាំ ។
កាលនៅពីក្មេង ប្ដីលោកយាយក៏ធ្លាប់ធ្វើជាទាហានដែរ តែក្រោយមក ក៏ឈប់មកធ្វើស្រែជាមួយប្រពន្ធកូនវិញ ។ លោកយាយបានរៀបរាប់ឱ្យដឹងទៀតថា គ្រួសារលោកយាយមានជីវភាពលំបាកយ៉ាងខ្លាំង រាល់ថ្ងៃនេះបើនិយាយពីផ្ទះវិញមើលពីលិចឃើញទៅកើត ពីជើងឃើញទៅត្បូង ។ ឯដំបូលវិញ ធ្លុះធ្លាយអស់ហើយពេលមានភ្លៀងម្តងៗ មិនអាចសម្រាកបានឡើយ លោកយាយនិងប្ដីនាំគ្នាមកសម្រាកនៅក្រោមនេះ មានរយៈពេលច្រើនឆ្នាំមកហើយដែរ។
បើនិយាយពីការទទួលអំណោយវិញ កន្លងមក លោកយាយមិនដែលបានទទួលអំណោយពីអង្គការ ឬសមាគមសប្បុរសណាបានម្ដងឡើយ ។ ឃើញគ្រួសាររលោកយាយមានភាពលំបាករកលោកមេភូមិ ក៏បានរាយការណ៍ទៅឃុំ ហើយឃុំបានផ្ដល់ប័ណ្ណក្រីក្រដល់លោកយាយនិងតា ដោយបានបើកលុយប្រចាំខែដូចគ្រួសារក្រីក្រដទៃទៀតដែរ តែលុយទាំងនោះមិនអាចបំពេញសេចក្តីត្រូវការរបស់គាត់នឹងប្ដីបានឡើយ ។
អ្វីដែលលោកយាយខ្លោចចិត្តអាណិតប្ដីខ្លាំងបំផុតនោះ គឺនៅពេលដែលប្ដីឈឺនៅហ្នឹងកន្ទេលងើបលែងរួចហើយប្ដីប្រាប់ថា «ឃ្លានសាច់កាប់» ចង់ហូបឆ្ងាញ់នៅជីវិតចុងក្រោយរបស់គាត់ លោកយាយពិតជាមិនមានប្រាក់ទិញសាច់កាប់អោយប្ដីហូបបាយទេ មានតែសុំសេចក្តីមេត្តាពីសំណាក់សប្បុរសជនដែលមានចិត្តសប្បុរសធម៌តែប៉ុណ្ណោះ លោកយាយសង្ឃឹមថា តាមរយៈការផ្សាយរបស់កោះសន្តិភាពលោកយាយនឹងបំពេញបំណងប្រាថ្នាប្ដីរបស់លោកយាយនាដង្ហើមចុងក្រោយនេះជាក់ជាមិនខាន ។
ព័ត៌មានបន្ថែមនឹងមានផ្សាយជូនបន្តលើកាសែតកោះសន្តិភាព ។
ចែករំលែកព័តមាននេះ