ខេត្តកំពង់ស្ពឺ៖ ប្រជាពលរដ្ឋរស់នៅក្នុងឃុំត្រែងត្រយឹង នៃស្រុកភ្នំស្រួចបានរាយការណ៍អំពីសកម្មភាពនៃការកាយដីក្រហមលក់យ៉ាងអនាធិបតេយ្យនៅក្នុងមូលដ្ឋានរបស់ពួកគាត់។ នៅថ្ងៃទី៦ ខែមករា ឆ្នាំ២០២៦ មានសេចក្តីរាយការណ៍អំពីសកម្មភាព កាយដីក្រហមលក់យ៉ាងអនាធិបតេយ្យ នៅចំណុចដីក្រហម នៅក្នុងឃុំត្រែងត្រយឹង…
ខេត្តកំពង់ស្ពឺ៖ ប្រជាពលរដ្ឋរស់នៅក្នុងឃុំត្រែងត្រយឹង នៃស្រុកភ្នំស្រួចបានរាយការណ៍អំពីសកម្មភាពនៃការកាយដីក្រហមលក់យ៉ាងអនាធិបតេយ្យនៅក្នុងមូលដ្ឋានរបស់ពួកគាត់។ នៅថ្ងៃទី៦ ខែមករា ឆ្នាំ២០២៦ មានសេចក្តីរាយការណ៍អំពីសកម្មភាព កាយដីក្រហមលក់យ៉ាងអនាធិបតេយ្យ នៅចំណុចដីក្រហម នៅក្នុងឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ កំពុងបង្កឲ្យមានការភ្ញាក់ផ្អើល និងរងការរិះគន់យ៉ាងខ្លាំងពីសំណាក់ប្រជាពលរដ្ឋក្នុងមូលដ្ឋាន។
បើយោងតាមប្រភពមួយមិនបង្ហាញឈ្មោះបានបញ្ជាក់ថា សកម្មភាពកាយដីនេះ កំពុងដំណើរការយ៉ាងពេញទំហឹង មិនមែនជាការកាយតូចតាច ឬជាបណ្ដោះអាសន្ននោះទេ។ គេសង្កេតឃើញរថយន្តធំៗ ចូលចេញជាប្រចាំ ដឹកដីចេញលក់ មិនគ្រប ដោយមិនឃើញមានសកម្មភាព មន្ត្រីអនុវត្តច្បាប់ណាមួយ ចុះត្រួតពិនិត្យជាក់លាក់ពីអាជ្ញាធរពាក់ព័ន្ធ។អ្នកភូមិនិយាយថា ក្រុមរថយន្តដឹកដីក្រហមទាំងនោះហាក់ដូចជាមានអំណាចខ្លាំងណាស់។
ប្រជាពលរដ្ឋនៅក្នុងសហគមន៍ខាងលើបានចោទជាសំណួរថា÷
-តើការកាយដីនេះមានអាជ្ញាប័ណ្ណស្របច្បាប់ដែរឬទេ?
-បើមានច្បាប់ អ្នកណាជាអ្នកអនុញ្ញាត? អនុញ្ញាតក្រោមលក្ខខណ្ឌអ្វី?
-បើគ្មានច្បាប់ ហេតុអ្វីសកម្មភាពនេះអាចដំណើរការបានយ៉ាងរំភើយ ដូចជាធ្វើក្នុងដីឯកជន មិនមែនជារបស់រដ្ឋយ៉ាងដូច្នេះ?
ពាក់ព័ន្ធនឹងការលើកឡើងរបស់ប្រជាពលរដ្ឋនិងប្រភពខាងលើនេះ អ្នកយកព័ត៌មានកោះសន្តិភាព បានទូរស័ព្ទទៅលោក គាវ លាងគា អភិបាលស្រុកភ្នំស្រួចកាលពីល្ងាចថ្ងៃទី៧ ខែមករា ឆ្នាំ២០២៦! លោកបាននិយាយថា ទីតាំងដែលគេកំពុងជីកកាយនោះមានច្បាប់ពីអភិបាលខេត្តហើយ ចំពោះការដឹកជញ្ជូនមិនគ្រប(ខុសលក្ខណបច្ចេកទេស) លោកនឹងពិភាក្សាជាមួយមន្ទីរជំនាញទៀត បើអ្នកសារព័ត៌មានចង់ដឹងព័ត៌មានច្បាស់ចុះទៅដល់ទីតាំងគេបង្ហាញឯកសារហើយ។
ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ