រាជធានីភ្នំពេញ ៖ អគ្គីភ័យឆាបឆេះផ្ទះលក់និងជួសជុលទូរសព្ទមួយល្វែងផ្អើលសមត្ថកិច្ចចេញរថយន្តពន្លត់អគ្គីភ័យអន្តរាគមន៍បាញ់ពន្លត់ នៅវេលាម៉ោង២និង៣០នាទីឈានចូលព្រឹកថ្ងៃទី៨ ខែមករាឆ្នាំ២០២៦ ចំនុចផ្ទះលក់និងជួសជុលទូរសព្ទ នៅតាមបណ្ដោយផ្លូវបេតុង ភូមិព្រែកទាល់ សង្កាត់ស្ទឹងមានជ័យទី២ ខណ្ឌមានជ័យ…
រាជធានីភ្នំពេញ ៖ អគ្គីភ័យឆាបឆេះផ្ទះលក់និងជួសជុលទូរសព្ទមួយល្វែងផ្អើលសមត្ថកិច្ចចេញរថយន្តពន្លត់អគ្គីភ័យអន្តរាគមន៍បាញ់ពន្លត់ នៅវេលាម៉ោង២និង៣០នាទីឈានចូលព្រឹកថ្ងៃទី៨ ខែមករាឆ្នាំ២០២៦ ចំនុចផ្ទះលក់និងជួសជុលទូរសព្ទ នៅតាមបណ្ដោយផ្លូវបេតុង ភូមិព្រែកទាល់ សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ ។
ផ្ទះដែលឆេះ ជាប្រភេទសំណង់ ថ្មក្រោមឈើលើ ប្រក់ស័ង្កសី ។
ប្រភពព័ត៌មានពីប្រជាពលរដ្ឋបានអោយដឹងថា មុនពេលកើតហេតុ ម្ចាស់ផ្ទះមានសំរានលង់លក់ក្នុងដំណេក លុះមកដល់ម៉ោងកើតហេតុ ក៍ស្រាប់តែមានលឺសំឡេងផ្ទុះចេញពីផ្ទះខាងលើ និងមានអណ្ដាតភ្លើងសន្ធោសន្ធៅតែម្តង ។
ប្រភពដដែលបានបន្តទៀតថា ឃើញសភាពការណ៍បែបនេះហើយ ពួកគាត់ជាប្រជាពលរដ្ឋរស់ក្បែរនោះ បានគោះទ្វារស្រែកហៅម្ចាស់ផ្ទះ ចាក់សោចេញមកខាងក្រៅ យកបានរបស់តិចតួចតែប៉ុណ្ណោះ ហើយហេតុការណ៍ បងប្អូនប្រជាពលរដ្ឋបានសហការយកបំពង់ពន្លត់អគ្គិភ័យមកបាញ់ និងអ្នកខ្លះរាយការណ៍ជូនសមត្ថកិច្ចសុំជំនួយរថយន្តពន្លត់អគ្គីភ័យអោយចេញអន្តរាគមន៍ផងដែរ ។
បន្ទាប់ពីឆាបឆេះមានរថយន្តពន្លត់បានចេញទៅអន្តរាគមន៍ជាច្រើនគ្រឿងនិងសហការគ្នាបាញ់ទឹកពន្លត់រហូតដល់ម៉ោង៣យប់ថ្ងៃដដែល ទើបធ្វើអោយភ្លើងរលត់ទៅវិញជាស្ថាពរ ។
ហេតុការណ៍នេះសមត្ថកិច្ចអោយដឹងថា មិនមានគ្រោះថ្នាក់ដល់មនុស្សណាម្នាក់នោះទេ ហើយក៍មានការរាលដាលដល់ផ្ទះសម្បែងប្រជាពលរដ្ឋផ្សេងនោះទេ គ្រាន់តែឆេះផ្ទះឈើលើថ្មក្រោមអស់រួមទាំងសំភារៈទាំងស្រុង ចំពោះមូលហេតុសមត្ថកិច្ចកំពុងធ្វើការស្រាវជ្រាវបន្ត ៕
ចែករំលែកព័តមាននេះ