១-ប្រទេសកាណាដា
ប្រទេសកាណាដាមានទីតាំងទេសចរណ៍ច្រើនទាំងទីក្រុងទំនើបទាន់សម័យ ក្រុងបុរាណរំលេចដោយធម្មជាតិដ៏ស្រស់ប្រណីតគួរឱ្យចង់គយគន់ ។ ទីកន្លែងទេសចរណ៍ដែលមានភាពល្បីល្បាញនៅលើពិភពលោកស្ថិតនៅប្រទេសកាណាដា រួមមាន ៖ កំពូលភ្នំ «Rocky»,ទឹកជ្រោះនីអាហ្គារ៉ា, ឧទ្យានជាតិ «Banff», ក្រុងគ្វីប៊េក, បឹង «Lake Louis», ប៊ូឆាត ហ្គាដេន, ក្រុងវ៉េនគូវើ និងក្រុងតូរ៉ង់តូ ជាដើម ។
២-ប្រទេសកូឡុំប៊ី
កូឡុំប៊ីជាប្រទេសមួយរបស់ទ្វីបអាមេរិកខាងត្បូងមានទីតាំងគួរជាទីចាប់អារម្មណ៍ ព្រោះរំលេចដោយធម្មជាតិ និងវប្បធម៌ ជាពិសេសស្ថាបត្យកម្មជានិមិត្តរូបពីវីរបុរស រួមមានស្ថាបត្យកម្មនៅក្រុង Cartagena ប្រកបដោយទេសភាពដ៏ឆើតឆាយគ្មានគូប្រៀប និងជាប្រទេសដែលមានមន្តស្នេហ៍ ។
៣-ប្រទេសហ្វាំងឡង់
បើនិយាយពីការសិក្សានៅប្រទេសហ្វាំងឡង់ចាត់ទុកថាជាប់ចំណាត់ថ្នាក់លំដាប់ដំបូងនៅលើពិភពលោក ។ ចំណែកផ្នែកទេសចរណ៍វិញប្រទេសនេះសំបូរដោយធម្មជាតិដ៏ស្រស់ស្អាតគឺជាក្រុងឋានសួគ៌នៅរដូវរំហើយ និងជាក្រុងលេងស្គីនៅរដូវរងាទាក់ទាញអ្នកដែលចូលចិត្តកីឡាជិះស្គីលើទឹកកក ។
៤-ប្រទេសដូមីនីក
ប្រទេសដូមីនីកជាប្រទេសមួយដែលពលរដ្ឋទូទៅមិនសូវបានឮឈ្មោះ ប៉ុន្តែធាតុពិតប្រសិនបើលោកអ្នកបានទៅកម្សាន្តនៅទីនោះហាក់ដូចជាលង់នឹងសម្រស់ធម្មជាតិព្រោះដូមីនីក មានទីតាំងនៅក្នុងសមុទ្រការីបៀន រំលេចដោយទេសភាពមាត់សមុទ្រដ៏ស្រស់ស្អាត។ ក្រៅពីនេះនៅលើកោះសំបូរដោយភ្នំ និងព្រៃឈើ អ្វីដែលសំខាន់គឺមានស្ថានភាពបរិយាកាសល្អ ។
៥-ប្រទេសនេប៉ាល់
នេប៉ាល់ជាប្រទេសមានមន្តស្នេហ៍លក្ខណៈធម្មជាតិ និងរំលេចដោយវត្ថុបុរាណជាច្រើនធ្វើឱ្យអ្នកទេសចរចង់គយគន់ ។ លើសពីនេះអ្នកដែលបានទស្សនានៅទីនោះ នឹងបានឃើញពលរដ្ឋតុបតែងកាយជាជនអំបូរភាគតិច និងបួងសួងវត្ថុសក្តិសិទ្ធិនៅបុរាណស្ថាន មានហាងលក់ទំនិញ និងផ្លូវដែលរំលេចដោយធម្មជាតិជាច្រើនរួមទាំងមានភ្នំអេវើរ៉េសផងដែរ ។
៦-ចក្រភព «Bermuda»
Bermuda ជាប្រទេសដែនកោះ ឬខ្លះទៀតហៅថាជាតំបន់ត្រីកោណ Bermuda ស្ថិតនៅឆ្ងាយពីរដ្ឋ ន័រឃែរ៉ូឡៃណា សហរដ្ឋអាមេរិកប្រហែល៩៣០គីឡូម៉ែត្រគឺជាដែនដីឋានសួគ៌របស់អ្នកដែលស្រលាញ់មាត់សមុទ្រ ព្រោះមានឆ្នេរដ៏ស្រស់ស្អាត និងស្ងប់ស្ងាត់ល្អ ។
៧-ប្រទេសម៉ុងហ្គោលី
ម៉ុងហ្គោលីជាប្រទេសទេសចរណ៍ធម្មជាតិមួយនៅលើលោកព្រោះសំបូរដោយធម្មជាតិនៃភ្នំ វាលស្មៅដ៏ល្វឹងល្វើយ និងបឹងដ៏ស្រស់ស្អាត ។ ក្នុងទីក្រុង អ៊ូឡង់បាទ័រ សំបូរដោយវត្ថុបង្កភាពងាយស្រួលនិងទាន់សម័យអាចទៅទស្សនាបានស្ទើរតែពេញមួយឆ្នាំ ។
ទីតាំងទេសចរណ៍របស់ម៉ុងហ្គោលីដែលគួរឱ្យចាប់អារម្មណ៍រួមមាន ៖ ក្រុងអ៊ូឡង់បាទ័រ, វាលខ្សាច់«Gobi», ក្រុងបុរាណការ៉ាកូរ៉ាម, បឹង Khuvsgul, កំពូលភ្នំអាលតែ, វត្តហ្គានដាន និងឧទ្យានជាតិ Gorkhi Terelj ។
៨-ប្រទេសអូម៉ង់
អូម៉ង់ជាប្រទេសទេសចរណ៍មួយនៅលើពិភពលោកព្រោះជាទីក្រុងមានស្ថាបត្យកម្មតាមបែបមជ្ឈិមប្រទេស មានទេសភាពធម្មជាតិ ទាំងភ្នំ វាលខ្សាច់ និងសមុទ្រ ។
៩-ប្រទេសមីយ៉ាន់ម៉ា
មីយ៉ាន់ម៉ាជាប្រទេសសំបូរដោយធនធានធម្មជាតិ និងមានវប្បធម៌ដ៏មានតម្លៃ ហើយជាទីតាំងទេសចរណ៍ដ៏ស្រស់ស្អាតមានវត្តុ និងចេតិយបុរាណច្រើន ។
១០-ប្រទេសអេត្យូពី
អេត្យូពីជាប្រទេសមួយគួរឱ្យចង់ទៅកម្សាន្តនៅឆ្នាំ២០១៧ ព្រោះទីនោះសំបូរដោយទេសភាពធម្មជាតិ មានភ្នំខ្ពស់ដ៏ចម្លែក និងជាប្រភពអារ្យធម៌បុរាណគួរឱ្យចង់គយគន់ ។ ទីតាំងទេសចរណ៍អេត្យូពី ដែលមានកេរ្តិ៍ឈ្មោះល្បីរួមមាន៖ Lalibela, Simien Mountains,Harar, Gonder, St George Cathedral និង National Museum ជាដើម ៕
ចែករំលែកព័តមាននេះ