អតីតស្នងការរងនគរបាលខេត្តកណ្តាល លោកផ្កាយ១ ត្រូវឃាត់ខ្លួនបានហើយ
- កណ្តាល
អតីតស្នងការរងនគរបាលខេត្តកណ្តាល លោកផ្កាយ១ ស្រេង សុខា ត្រូវបានប៉ូលិសក្រសួងមហាផ្ទៃ ឃាត់ខ្លួនបានហើយ កាលពី
អតីតស្នងការរងនគរបាលខេត្តកណ្តាល លោកផ្កាយ១ ស្រេង សុខា ត្រូវបានប៉ូលិសក្រសួងមហាផ្ទៃ ឃាត់ខ្លួនបានហើយ កាលពី
ខេត្តកណ្តាល ៖ បើតាមប្រភពព័ត៌មានច្បាស់ការណ៍បានអោយដឹងថា អតីតស្នងការរងនគរបាលខេត្តកណ្តាល លោកផ្កាយ១ ស្រេង សុខា ត្រូវបានប៉ូលិសក្រសួងមហាផ្ទៃ ឃាត់ខ្លួនបានហើយ កាលពីថ្ងៃទី១០ ខែមិថុនា ឆ្នាំ២០២២ តាមសាលក្រមរបស់សាលាដំបូងខេត្តកណ្តាល។
យោងតាមដីកាបង្គាប់ឲ្យចាប់ខ្លួន ចុះថ្ងៃទី២៩ ខែវិច្ឆិកា ឆ្នាំ២០២១ ចៅក្រមស៊ើបសួរសាលាដំបូងខេត្តកណ្តាល រស់ ផុនចាន់និមល បានចេញដីកាបង្គាប់ឲ្យចាប់ខ្លួនដាក់ពន្ធនាគាររយៈពេល០១ឆ្នាំ០៦ខែ ពីបទប្រើអំពើហិ.ង្សាទៅលើអ្នកកាន់កា.ប់អចលនវត្ថុដោយសុចរិត ។
ជនជាប់ចោទខាងលើមានឈ្មោះ ស្រេង សុខា ហៅទ្រី ភេទប្រុស អាយុ៤០ឆ្នាំ ជនជាតិខ្មែរ សញ្ជាតិខ្មែរ មុខរបរនគរបាលកម្រិតវប្បធម៌ បរិញ្ញាបត្រជាន់ខ្ពស់ ទីកន្លែងកំណើតនៅភូមិត្រើយត្រឹង្ស ឃុំព្រែកអំបិល ស្រុកស្អាង ខេត្តកណ្តាល និងមានទីលំនៅបច្ចុប្បន្ននៅភូមិក្រពើហា សង្កាត់ព្រែកឫស្សី ក្រុងតាខ្មៅ ខេត្តកណ្ដាល ដែលមានឪពុកឈ្មោះ ស្រេង ស្រី, ម្តាយឈ្មោះ ឆាយ ស៊ាមលី និងមានប្រពន្ធឈ្មោះ សាផន សុម៉ូរីសង្វា ព្រមទាំងមានកូនចំនួន០២ នាក់ (ទោសពីមុនគ្មាន) ។
បើតាមដីកាដដែលបញ្ជាក់ថា ជនជាប់ចោទត្រូវបានផ្តន្ទាទោសដាក់ពន្ធនាគារកំណត់រយៈពេល០១ឆ្នាំ០៦ខែ ពីបទប្រើអំពើហិ.ង្សាទៅលើអ្នកកាន់កា.ប់អចលនវត្ថុ ដោយសុចរិត ប្រព្រឹត្តនៅភូមិកោះគរ សង្កាត់រកាខ្ពស់ ក្រុងតាខ្មៅ ខេត្តកណ្ដាល កាលពីថ្ងៃទី៣០ ខែកក្កដា ឆ្នាំ២០២០ ដែលជាបទល្មើសព្រហ្មទណ្ឌ មានចែង និងផ្តន្ទាទោសស្របតាមបញ្ញត្តិ មាត្រា២៥៣ នៃច្បាប់ភូមិបាល ។
គួរឲ្យដឹងដែរថា កាលពីថ្ងៃទី២១ ខែមេសា ឆ្នាំ២០២០ កន្លងទៅនេះ លោកឧត្តមសេនីយ៍ត្រី ស្រេង សុខា (អតីត)ស្នងការរងនៃស្នងការដ្ឋាននគរបាលខេត្តកណ្តាល ត្រូវបានសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានសម្រេចផ្អាកការងារជាបណ្តោះអាសន្ន ។
គួររំលឹកទៀតថា ការសម្រេចផ្អាកការងារជាបណ្តោះអាសន្ននេះ ក៏ដោយសារអតីតស្នងការរងខេត្តកណ្តាលរូបនេះ មានរឿងអាស្រូវជាច្រើន រួមបញ្ចូលទាំងហ៊ានយកឈ្មោះ លោក ម៉ៅ ភិរុណ ទៅគំរា.មមេឃុំរការខ្ពស់ បញ្ជាអោយស៊ីញ៉េរឿងដីបឹងទទឹងថ្ងៃ ធ្វើជាកម្មសិទ្ធិផ្ទាល់ខ្លួន, សម្ញែងទ្រព្យសម្បត្តិ, ចំណាយលុយអោយអនុរដ្ឋលេខាធិការម្នាក់រត់ការយកតំណែងជាអគ្គធិការរង, អង្គភាពប្រឆាំងអំពើពុករលួយ (ACU) កោះហៅសាកសួរ, បំពានច្បាប់ទៅហែកដីកាដែលតុលាការបិទផ្អាកមិនអោយដំណើរការផ្ទះសំណាក់ជាដើម ៕
ចែករំលែកព័តមាននេះ