ព្រៃ.ផ្សៃណាស់ ! មិនចូលដណ្ដឹងប្អូនហើយលើកគ្នាទៅសម្លា.ប់បងដល់ក្នុងផ្ទះទៀត
ខេត្តតាកែវ ៖ អ្នកយកព័ត៌មានម្នាក់ត្រូវបានបុរសម្នាក់និងបក្សពួកជាង១០នាក់ព្រួតគ្នាកា.ប់ និងវាយក្បាលរហូតស្លា.ប់យ៉ាងអាណោចអាធ័មដល់ក្នុងផ្ទះ …
ខេត្តតាកែវ ៖ អ្នកយកព័ត៌មានម្នាក់ត្រូវបានបុរសម្នាក់និងបក្សពួកជាង១០នាក់ព្រួតគ្នាកាប់ និងវាយក្បាលរហូតស្លាប់យ៉ាងអាណោចអាធ័មដល់ក្នុងផ្ទះ បន្ទាប់ពីអ្នកកាសែតរូបនោះបានហាមឃាត់ប្អូនស្រីឲ្យឈប់ស្រលាញ់បុរសម្នាក់បើសិនជាមិនចូលស្តីដណ្ដឹងតាមប្រពៃណីទេនោះ ។ ហេតុការណ៍វាយសម្លាប់ដល់ក្នុងផ្ទះនេះកើតឡើងកាលពីវេលាម៉ោង៧ និង២០នាទីយប់ ថ្ងៃទី១៤ ខែវិច្ឆិកា ឆ្នាំ២០១៦ នៅភូមិភ្នំបូរី ឃុំព្រែកផ្ទោល ស្រុកអង្គរបូរី ខេត្តតាកែវ ។
លោក ភី ឆុន អធិការនគរបាលស្រុកអង្គរបូរី បានឲ្យដឹងថា ជនរងគ្រោះដែលត្រូវគេព្រួតគ្នាវាយសម្លាប់ដល់ក្នុងផ្ទះនេះមានឈ្មោះ អោយ មធុន ភេទប្រុស អាយុ៣៤ឆ្នាំ មានមុខរបរជាអ្នកកាសែតមនុស្សធម៌ ដែលជាកាសែតមិនសូវឮឈ្មោះ មានប្រពន្ធ និងកូន៤នាក់ (ស្រី២នាក់ ប្រុស២នាក់) ។ ជនរងគ្រោះត្រូវបានក្រុមជនសង្ស័យកាប់ និងវាយត្រូវជាច្រើនកន្លែងត្រង់ក្បាល និងដងខ្លួន រហូតស្លាប់ភ្លាមៗនៅជណ្ដើរផ្ទះរបស់ជនរងគ្រោះ ។
ស្ត្រីជាប្រពន្ធជនរងគ្រោះបានឲ្យសមត្ថកិច្ចដឹងថា មុនពេលកើតហេតុ១សប្ដាហ៍ ជនរងគ្រោះបានហាមឃាត់ប្អូនស្រីខ្លួនឲ្យឈប់ស្រឡាញ់ជាមួយជនសង្ស័យឈ្មោះ រ៉ន សៅ ភេទប្រុស អាយុ២៦ឆ្នាំ រស់នៅភូមិកំពង់ហ្លូង ឃុំអង្គរបូរី ស្រុកអង្គរបូរី តែបើស្រឡាញ់ត្រូវតែចូលស្ដីដណ្ដឹងតាមប្រពៃណី ពេលនោះប្រហែលជាជនដៃដល់មិនព្រម រួចខឹងក៏មានគំនុំជាមួយជនរងគ្រោះ ។ រហូតដល់ថ្ងៃកើតហេតុស្រាប់តែជនសង្ស័យបាននាំបក្សពួកជាច្រើននាក់ទៅកាប់ និងវាយជនរងគ្រោះដល់ក្នុងផ្ទះរហូតស្លាប់ភ្លាមៗតែម្តង រួចក្រុមជនសង្ស័យនាំគ្នារត់គេចខ្លួនបាត់ដោយ ។
បច្ចុប្បន្ន សមត្ថកិច្ចកំពុងធ្វើការស្រាវជ្រាវតាមចាប់ខ្លួនជនសង្ស័យ និងបក្សពួកយកមកផ្តន្ទាទោសតាមច្បាប់ឲ្យខាងតែបាន ៕
ចែករំលែកព័តមាននេះ