ទម្លាប់ចូលគេងទៀតទាត់ដើម្បីកូនអ្នកមានសុខភាពល្អ
- ភ្នំពេញ
រាជធានីភ្នពេញ ៖ ទម្លាប់ពេលចូលគេងអាចមានភាពខុសប្លែកគ្នា ប៉ុន្តែជារឿយៗមានរួមបញ្ចូលសកម្មភាពដូចជាភាពស្ងប់ស្ងាត់ ងូតទឹកក្តៅ ការអានសៀវភៅ ការសរសេរកំណត់ហេតុ ឬការសមាធិជាដើម ។ ហេតុអ្វីបានជាទម្លាប់ពេលចូលគេងមានសារៈសំខាន់សម្រាប់កូនរបស់អ្នក និងគ្រួសារអ្នក ? មនុស្សតែងមានទម្លាប់ ទម្លាប់ចូលគេងបង្កើតជាទម្លាប់ដែលជួយឱ្យខួរក្បាលរបស់ក្មេងៗដឹងពីពេលគេង ។ ទម្លាប់ពេលចូលគេងក៏ដើរតួនាទីយ៉ាងសំខាន់ក្នុងការកាត់បន្ថយភាពតានតឹងពេលយប់ និងការបារម្ភ ។ ទម្លាប់ចូលគេងទៀងទាត់អាចជួយឱ្យកុមារគេងលក់បានលឿនជាងមុន និងមិនងាយភ្ញាក់នៅពេលយប់ ។
តើអ្នក និងកូនអ្នកត្រៀមខ្លួនជាស្រេចដើម្បីបង្កើតទម្លាប់គេងដ៏ល្អហើយ ឬនៅ ? ចូរសាកល្បងវិធីទាំងនេះ ៖
១. កំណត់ម៉ោងគេង ៖ អ្នកអាចប្រើទម្លាប់ពេលចូលគេងរបស់អ្នក និងកូន ដើម្បីធ្វើឱ្យដំណើរការនោះកាន់តែមានប្រសិទ្ធភាព ។ ជាដំបូងសម្រេចចិត្តនាំកូនទៅគ្រែគេង និងម៉ោងភ្ញាក់ពីគេងឱ្យទៀតទាត់ជារៀងរាល់ថ្ងៃ ។ ធ្វើតាមទម្លាប់នៃការគេងឱ្យជាប់លាប់ជួយបង្ហាត់ខួរក្បាលរបស់ក្មេងៗឱ្យមានអារម្មណ៍ងងុយគេង និងភ្ញាក់ទៀងម៉ោង ។
២. ទុកគ្រឿងអេឡិចត្រូនិកឱ្យឆ្ងាយ ៖ ឧបករណ៍អេឡិចត្រូនិក រួមទាំងកុំព្យូទ័រ ទូរទស្សន៍ ស្មាតហ្វូន និងថេប្លេត សុទ្ធតែបញ្ចេញពន្លឺពណ៌ខៀវខ្លាំង ដូច្នេះចូរចៀសវាងការប្រើគ្រឿងអេឡិចត្រូនិចនៅពេលយប់តាមដែលអាចធ្វើទៅបាន ។
៣. កុំញ៉ាំអាហារឆ្អែតពេក ៖ អាហារច្រើនពេក និងការញ៉ាំទឹកច្រើនពេកមុនពេលចូលគេងអាចនាំឱ្យមានការមិនរំលាយអាហារ ការច្រាលអាស៊ីដ និងការងើបទៅបន្ទប់ទឹកពេលយប់ ដែលរំខានដល់ការគេងរបស់ក្មេង ។ ទោះជាយ៉ាងណាក៏ដោយ ការចូលគេងដោយស្រេកឃ្លានក៏អាចធ្វើឱ្យក្រពះរបស់ពួកគេកូរ និងមិនងងុយគេង ។
៤. ងូតទឹកក្តៅ ៖ ចូរពិចារណាឱ្យកូនងូតទឹកក្តៅឧណ្ហប្រហែលមួយម៉ោងមុនពេលពួកគេចូលគេង ដើម្បីបង្កើតអារម្មណ៍ដែលធ្វើឱ្យពួកគេមានអារម្មណ៍អស់កម្លាំង និងងងុយគេង ។
៥. ស្តាប់តន្ត្រី ៖ មនុស្សប្រហែលជា ៦២ ភាគរយចូលចិត្តស្តាប់តន្ត្រី ដើម្បីជួយពួកគេឱ្យគេងលង់លក់ ។ បិទភ្នែក ស្តាប់តន្ត្រី ហើយកាត់បន្ថយការព្រួយបារម្ភរបស់អ្នកវានឹងធ្វើឱ្យអ្នក និងកូនស្ងប់ ៕
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ សាលារៀនផ្តល់កម្មវិធីអប់រំមត្តេយ្យភាសាខ្មែរ និងអង់គ្លេស, កម្មវិធីភាសាអង់គ្លេស, កម្មវិធីភាសាចិន និងចំណេះទូទៅខ្មែរពីថ្នាក់ទី ១ ដល់ទី ១២ ព្រមទាំង ទទួលចុះឈ្មោះសិស្សចូលរៀនជារៀងរាលថ្ងៃ ។
សាលារៀនជូននូវវេទិកា និងមធ្យោបាយសិក្សាយ៉ាងសម្បូរបែបជាមួយនឹងប្រព័ន្ធគ្រប់គ្រង សាលារៀន ប្រព័ន្ធគ្រប់គ្រង់ការសិក្សា និងអេបសាលារៀនជូនដល់មាតាបិតាសិស្ស និងសិស្សានុសិស្សក្នុងការគ្រប់គ្រងការសិក្សា និងតាមដានព័ត៌មានសិក្សារបស់បុត្រធីតាផងដែរ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ។
ចែករំលែកព័តមាននេះ