លោកស្រីMelania Trump ក្លាយជាស្ដ្រីទី១របស់អាមេរិក ក្រោយពីលទ្ធផលបោះឆ្នោតប្រធានាធិបតីអាមេរិក កាលពីថ្ងៃទី៨ ខែវិច្ឆិកា ឆ្នាំ២០១៦ បង្ហាញថា លោកដូណាល់ ត្រាំ តំណាងពីគណបក្សសាធារណរដ្ឋឈ្នះ
លោកស្រីMelania Trump ក្លាយជាស្ដ្រីទី១របស់អាមេរិក ក្រោយពីលទ្ធផលបោះឆ្នោតប្រធានាធិបតីអាមេរិក កាលពីថ្ងៃទី៨ ខែវិច្ឆិកា ឆ្នាំ២០១៦ បង្ហាញថា លោកដូណាល់ ត្រាំ តំណាងពីគណបក្សសាធារណរដ្ឋឈ្នះលោកស្រីហុីលឡារី គ្លីនតុន ពីគណបក្សប្រជាធិបតេយ្យ ។ លោកដូល ណាល់ត្រាំ ក្លាយជាប្រធានាធិបតីទី៤៥របស់អាមេរិក ។
លោកស្រីMelania Trump ជាភរិយាទី៣របស់លោកដូណាល់ ត្រាំ ជាជនជាតិស្លូវ៉េនី កើតនៅថ្ងៃទី២៦ ខែមេសា ឆ្នាំ១៩៧០ បច្ចុប្បន្នមានអាយុ៤៦ឆ្នាំ ។
លោកស្រីអតីតជាតារាបង្ហាញម៉ូដ កាលពីវ័យ១៦ឆ្នាំ ហើយនិយមភាពសិចសុីទាក់ភ្នែកទស្សនិកជន ក្នុងនោះមានទាំងលោកដូណាល់ ត្រាំ ផង ។
ក្រៅពីបម្រើការក្នុងមជ្ឈដ្ឋានបង្ហាញម៉ូដនោះ លោកស្រីMelania Trump ចាប់អារម្មណ៍ផ្នែកមុខជំនួញផងដែរ ។ ស្ដ្រីទី១របស់អាមេរិក បានជួបលោកដូណាល់ ត្រាំ នៅក្នុងពិធីជប់លៀងមួយនៅ «ម៉េនហាតតាន់» កាលពីឆ្នាំ១៩៩៨ ខណៈពេលមានអាយុ២៨ឆ្នាំ ។ ក្រោយមកអ្នកទាំង២រៀបការនៅឆ្នាំ២០០៥ ដោយពិធីនេះមានភាពអធិកអធមជាមួយឈុតកូនក្រមុំមានតម្លៃ១,៤លានផោន ។
លោកស្រីMelania Trump ផ្ដល់កំណើតកូនប្រុសម្នាក់ គឺលោកBarron Trump ជាចំណងចិត្ដរបស់អ្នកទាំងពីរ ។ មិនតែប៉ុណ្ណោះ លោកស្រីMelania Trump បានចិញ្ចឹមកូន៤នាក់ទៀតរបស់ប្ដី ៕
ចែករំលែកព័តមាននេះ