ស្ត្រីម្នាក់ភ័យរត់រកគេឱ្យជួយ រួចដួលសន្លប់លើផ្លូវ ក្រោយមុតត្រូវកន្ត្រៃ
- ព្រះសីហនុ
ស្ត្រីម្នាក់បានដេកដួលសន្លប់នៅក្នុងថ្លុកឈា.ម បង្កឱ្យមានការសង្ស័យថា
ខេត្តព្រះសីហនុ ៖ ស្ត្រីម្នាក់បានដេកដួលសន្លប់នៅក្នុងថ្លុកឈា.ម កាលពីវេលាម៉ោងប្រមាណ៣និង៥នាទីរសៀលថ្ងៃទី៣០ ខែឧសភា ឆ្នាំ២០២២កន្លងទៅ និងបង្កឱ្យមានការសង្ស័យថា ត្រូវគេគេចាក់.ក នៅក្បែរស្រះទឹកទល់មុខកំពង់ផែស្វយ័ត ខេត្តព្រះសីហនុ ក្នុងសង្កាត់លេខ៣ ក្រុងព្រះសីហនុ ។
យោងតាមរបាយការណ៍សមត្ថកិច្ចបានឲ្យដឹងថា ជនរងគ្រោះឈ្មោះ ជា ចាន់ណា អាយុ ៤០ឆ្នាំ មុខរបរមិនពិតប្រាកដ ស្នាក់នៅកន្លែងកើតហេតុខាងលើ បានរងរបួសមុតនឹងវត្ថុរឹងចំ.ក បណ្តាលឲ្យហូរឈា.មសស្រាក់ ធ្វើឱ្យគាត់ភ័យយ៉ាងខ្លាំងក៏រត់រកឲ្យគេជួយ ហើយក៏ដួលសន្លប់នៅលើផ្លូវ ។
ប្រជាពលរដ្ឋដែលឃើញសភាពបែបនេះ បាននាំយកទៅមន្ទីរពេទ្យបង្អែកចម្ការចេក ហើយគ្រូពេទ្យបានព្យាបាលរបួស និងដេររបួសឱ្យ ។
ក្រោយមក សមត្ថកិច្ចបានស្រាវជ្រាវរកជនសង្ស័យ ហើយជាលទ្ធផលឃើញមានមនុស្សស្រវឹង២នាក់ក៏ហៅទៅសួរនាំនៅស្នងការដ្ឋាននគរបាលខេត្ត តែពុំបានដឹងលទ្ធផលអ្វីនោះទេ ។ លុះក្រោយពេលជនរងគ្រោះដឹងខ្លួន បាននិយាយប្រាប់សមត្ថកិច្ចថា គាត់ស្រវឹងស្រាដួលមុតនឹងកន្ត្រៃចំ.កដោយខ្លួនឯង ។
ពេលនេះជនរងគ្រោះបានធូរស្រាល និងបានវិលត្រឡប់ទៅលំនៅឋានវិញហើយ ឯចំពោះជនសង្ស័យ ក៏សមត្ថកិច្ចឲ្យត្រឡប់ទៅផ្ទះវិញដែរ ៕
ចែករំលែកព័តមាននេះ