សត្វគោ១ហ្វូងត្រូវរថយន្តបុ.កងា.ប់ពេញផ្លូវ
- ស្វាយរៀង
ខេត្តស្វាយរៀង ៖ សត្វគោរបស់អ្នកស្រុកចំនួន៥ក្បាល ត្រូវបានរថយន្តបុ.កងា.ប់រដូករណែលតាមផ្លូវ
ខេត្តស្វាយរៀង ៖ សត្វគោរបស់អ្នកស្រុកចំនួន៥ក្បាល ត្រូវបានរថយន្តបុ.កងា.ប់រដូករណែលតាមផ្លូវជាតិលេខ៣១៤D បង្កឲ្យមានការភ្ញាក់ផ្អើលដល់ប្រជាពលរដ្ឋ និងសមត្ថកិច្ចចុះមកជួយសម្រួលចរាចរណ៍ និងស្វែងរកម្ចាស់គោ ដើម្បីឱ្យមកទទួលខុសត្រូវ ។
ហេតុការណ៍ខាងលើនេះបានបង្កការភ្ញាក់ផ្អើលកើតឡើងកាលពីវេលាម៉ោង៩និង៤៥នាទីយប់ថ្ងៃទី២៩ ខែឧសភា ឆ្នាំ ២០២២ នៅត្រង់ចំណុចមុខផ្សារកំពង់រោទិ៍ តាមបណ្តោយផ្លូវជាតិលេខ៣១៤D ស្ថិតក្នុងភូមិស្វាយអាណាត ឃុំញរ ស្រុកកំពង់រោទិ៍ ខេត្តស្វាយរៀង។
តាមប្រភពដដែលបានឱ្យដឹងបន្តថា សត្វគោទាំង៥ក្បាលដែលត្រូវរថយន្តបុ.កងា.ប់ខាងលើ ក្នុងនោះសត្វគោចំនួន៤ក្បាលជារបស់ឈ្មោះ ឆេន សុវណ្ណី ភេទស្រី អាយុ៤៨ឆ្នាំ និងសត្វគោ១ក្បាលទៀតជារបស់ឈ្មោះ ភោគ វល័ក្ខ ភេទស្រី អាយុ៤៥ឆ្នាំ ។ ម្ចាស់សត្វគោទាំងពីរនាក់មានទីលំនៅក្នុងភូមិស្វាយអាណាត ឃុំញរ ស្រុកកំពង់រោទិ៍ ខេត្តស្វាយរៀង ។
តាមប្រភពដដែលបានឲ្យដឹងបន្តទៀតថា នៅមុនពេលកើតហេតុ មានរថយន្តមួយគ្រឿងមិនស្គាល់ម៉ាក បានធ្វើដំណើរពីទិសខាងត្បូងទៅទិសខាងជើងបោះពួយយ៉ាងលឿន លុះមកដល់ចំណុចកើតហេតុខាងលើ រថយន្តនោះក៏បានបុ.ករះគោចំនួន៧ក្បាលដេកនៅលើផ្លូវជាតិ បណ្ដាលឱ្យសត្វគោចំនួន៥ក្បាលបានងា.ប់ភ្លាមៗនៅនឹងកន្លែងកើតហេតុ ។ បន្ទាប់ពីបង្កហេតុរួច អ្នកបើកបររថយន្តបានបន្ថែមល្បឿនបើកគេចបាត់ស្រមោល ។
ក្រោយពេលកើតហេតុ សមត្ថកិច្ចបានចុះធ្វើការពិនិត្យ និងបានប្រគល់សត្វគោទៅឱ្យម្ចាស់យកទៅចាត់ចែងវិញ៕
ចែករំលែកព័តមាននេះ