កូរ៉េខាងជើងធ្វើតេស្តសំណាកពីទន្លេ បឹងខ្យល់ និងសំណល់ក្នុងផ្ទះដើម្បីរកវីរុសកូរ៉ូណា
កូរ៉េខាងជើង ៖ មន្ត្រីសុខាភិបាលកូរ៉េខាងជើងកំពុងធ្វើតេស្តទន្លេ បឹង ខ្យល់ និងទឹកសំណងក្នុងផ្ទះ
កូរ៉េខាងជើង ៖ មន្ត្រីសុខាភិបាលកូរ៉េខាងជើងកំពុងធ្វើតេស្តទន្លេ បឹង ខ្យល់ និងទឹកសំណល់ក្នុងផ្ទះព្រមទាំងសំរាម ដើម្បីស្វែងវីរុសកូរ៉ូណា ខណៈដែលប្រទេសនេះកំពុងបង្កើនការប្រយុទ្ធប្រឆាំងនឹងការផ្ទុះរាតត្បាតវីរុសនេះ។ នេះបើយោងតាមប្រព័ន្ធផ្សព្វផ្សាយរដ្ឋនៅថ្ងៃសុក្រ ទី ២៧ ខែឧសភានេះ។
របបកុម្មុយនីស្តនេះកំពុងស្ថិតក្នុងការប្រយុទ្ធដ៏ស្វិតស្វាញប្រឆាំងនឹងការផ្ទុះរាតត្បាតកូវីដ ១៩ ចាប់តាំងពីខ្លួនបានប្រកាសពីស្ថានភាពអាសន្ន និងបានបិទខ្ទប់ទូទាំងប្រទេសនៅខែនេះ បង្កឲ្យមានការព្រួយបារម្ភពីបញ្ហាកង្វះវ៉ាក់សាំង ឧបករណ៍វេជ្ជសាស្ត្រ និងការខ្វះស្បៀងអាហារ។
ប្រព័ន្ធផ្សព្វផ្សាយរដ្ឋបានចុះផ្សាយថា អាជ្ញាធរកំពុងបង្កើនការធ្វើតេស្ត និងការសម្លា.ប់មេរោគទូទាំងប្រទេស។
ប្រព័ន្ធផ្សព្វផ្សាយរដ្ឋកូរ៉េខាងជើង KCNA បានចុះផ្សាយថា មនុស្សប្រហែល ១០០.៤៦០នាក់មានរោគសញ្ញាគ្រុនក្រៅគិតត្រឹមថ្ងៃព្រហស្បតិ៍ពេលល្ងាច។
ចំនួនអ្នកជំងឺគ្រុនក្តៅចាប់តាំងពីខែមេសាមកកើនដល់ ៣.២៧៩.៨៥០នាក់ ខណៈអ្នកស្លា.ប់កើនឡើងដល់ ៦៩នាក់។
KCNA រាយការណ៍ថា ការិយាល័យប្រឆាំងមេរោគបានប្រមូលសំណាកមកពីប្រភពជាច្រើនដើម្បីពិនិត្យមើលថាតើតំបន់ទាំងនោះមានឆ្លងកូវីដ ១៩ឬយ៉ាងណា។
KCNA ផ្សាយថា «វិស័យប្រឆាំងការរាត្បាតរោគនៅគ្រប់កម្រិតបានផ្តល់អទិភាពដល់ការធ្វើតេស្តសំណាកដែលប្រមូលបានក្នុងទន្លេ និងបឹង ខណៈមានការសម្លាប់មេរោគក្នុងទឹករាប់លានម៉ែត្រគីប និងកាកសំណល់រាប់ពាន់តោនជារៀងរាល់ថ្ងៃ ព្រមទាំងពិនិត្យ និងវិភាគសំណាកទាំងនោះ»។
ទោះយ៉ាងណា វាមិនបានបញ្ជាអំពីវិធីសាស្ត្រធ្វើតេស្តនោះទេ។ កូរ៉េខាងជើងបាននិយាយកាលពីឆ្នាំមុនថា ខ្លួនបង្កើតបានឧបករណ៍ធ្វើតេស្តប្រតិកម្ម (PCR) ដោយខ្លួនឯង ប៉ុន្តែរហូតមកដល់ពេលនេះ របបនេះមិនដែលបានបញ្ជាក់ពីចំនួនអ្នកវិជ្ជមានកូវីដ ១៩នោះទេ ផ្ទុយទៅវិញបានរាយការណ៍ពីចំនួនអ្នកមានរោគសញ្ញាគ្រុនក្តៅ។
អ្នកជំនាញនិយាយថា តួលេខទាំងនោះអាចតិចជាងតួលេខពិប្រាកដ ហើយវាធ្វើឲ្យមានការលំបាកក្នុងការវិភាគពីទំហំនៃស្ថានភាព៕ (យោងតាមប្រភព៖ Reuters)
ចែករំលែកព័តមាននេះ