មនុស្សពួកខ្លះតែងមានអារម្មណ៍ដឹងមុនដូចគេប្រាប់ ឬដូចផ្លូវអារម្មណ៍ប្រាប់ឱ្យដឹង ប្រផ្នូលទាំងនេះ បើគិតជាផ្លូវអប្បិយជំនឿ គឺ អ្នកនោះជាមនុស្សមានគ្រូបាធ្យាយ ឬអ្នកដែលកើតមកមានសង្វារពាក់ឆៀងជាប់មកជាមួយ ។ ក្រុមមនុស្សពួកនេះជាមនុស្សពិសេសមានគេតាមបីបាច់ថែរក្សា ហើយតែងតែប្រាប់ឱ្យអារម្មណ៍ដឹងមុននូវរឿងល្អ…
មនុស្សពួកខ្លះតែងមានអារម្មណ៍ដឹងមុនដូចគេប្រាប់ ឬដូចផ្លូវអារម្មណ៍ប្រាប់ឱ្យដឹង ប្រផ្នូលទាំងនេះ បើគិតជាផ្លូវអប្បិយជំនឿ គឺ អ្នកនោះជាមនុស្សមានគ្រូបាធ្យាយ ឬអ្នកដែលកើតមកមានសង្វារពាក់ឆៀងជាប់មកជាមួយ ។ ក្រុមមនុស្សពួកនេះជាមនុស្សពិសេសមានគេតាមបីបាច់ថែរក្សា ហើយតែងតែប្រាប់ឱ្យអារម្មណ៍ដឹងមុននូវរឿងល្អ ឬរឿងមិនល្អជាដើម ។
ក្រុមមនុស្សពួកនេះអាចហៅបានមួយបែបទៀតថា ជាមនុស្សឆ្លៀវឆ្លាតសព្វការងារ ហើយមានវិញ្ញាណទី៦ដឹងមុនសព្វហេតុការណ៍ទាំងឡាយ ដែលប្រុងនឹងកើតមកលើខ្លួនគេដែលជាសញ្ញាឱ្យប្រុងជើងការ តាំងចិត្ត តាំងអារម្មណ៍ ត្រៀមទទួលនូវរឿងហេតុទាំងនោះប្រកបដោយសុវត្ថិភាព ។
តាមជំនឿមនុស្សប្រភេទនេះ គឺត្រូវរៀបបាយសីថ្វាយគ្រូបាធ្យាយ ឬគ្រូសង្វាររបស់ខ្លួនត្រឹមត្រូវតាមថ្នាក់ អាយុ ខែ ឆ្នាំ និងមុខរបរដោយមានការប្រសិទ្ធីសេរីសួស្តីបន្ថែមផងដែរ ។
របៀបរៀបគ្រូបាធ្យាយ ១. សុធម៌ដូងគ្រូបាធ្យាយ១គូ ២. បាយសី៧ថ្នាក់១គូ ៣. បាយសី៥ថ្នាក់១គូ ៤. បាយសី៣ថ្នាក់១គូ ៥. ប៉ាក់ឆាម១គូ ៦. ក្រណាត់ស១ដុំទាន២ដើមធូប១ដុំ ៧. បារី៥ស្លា៥ម្លូ៥លុយ៥០០ ៨. ទឹកអប់២ដប ទឹក១កែវ ឬ១ផ្ទិល រៀបបាននៅថ្ងៃព្រហស្បតិ៍ ពេលព្រឹក ។
បើតាមទស្សនៈរបស់ខ្ញុំ ការរៀបចំគ្រឿងប្រដាប់សម្រាប់ថ្វាយគ្រូបាធ្យាយនេះគួរប្រតិបត្តិត្រឹមតែសុធម៌ដូង១គូ បាយសីបីថ្នាក់១គូ ក្រណាត់ស១ដុំ ទៀន២ដើមធូប១ដុំ បារី៥ស្លា៥ម្លូ៥លុយ៥០០ ទឹកអប់១ដប ទឹកស្អាត១កែវ ទៅបានហើយ ព្រោះពិធីកម្មទាំងឡាយជ្រៅដោយកិច្ច មនុស្សឆ្លាតគប្បីវៃឈ្លាសសព្វកិច្ចការ ៕
ចែករំលែកព័តមាននេះ