ចាប់ខ្លួនបុរសវ័យចំណាស់ម្នាក់ជាមន្ត្រីរាជការ បញ្ជូនទៅតុលាការ
- ភ្នំពេញ
បុរសវ័យចំណាស់ម្នាក់ កាលពីព្រឹកថ្ងៃទី២៧ ខែឧសភា ឆ្នាំ២០២២នេះ ត្រូវបានកម្លាំងសមត្ថកិច្ចការិយាល័យព្រហ្មទណ្ឌកងរាជអាវុធហត្ថរាជធានីភ្នំពេញ ឃាត់ខ្លួនបញ្ជូនទៅ
រាជធានីភ្នំពេញ ៖ បុរសវ័យចំណាស់ម្នាក់ កាលពីព្រឹកថ្ងៃទី២៧ ខែឧសភា ឆ្នាំ២០២២នេះ ត្រូវបានកម្លាំងសមត្ថកិច្ចការិយាល័យព្រហ្មទណ្ឌកងរាជអាវុធហត្ថរាជធានីភ្នំពេញ ឃាត់ខ្លួនបញ្ជូនទៅតុលាការ ពាក់ព័ន្ធពីបទ «ឆបោ.ក និងក្លែងបន្លំឯកសារសាធារណៈ» ។
បុរសវ័យចំណាស់រូបនោះមានឈ្មោះ ខ័ន្ធ សោភ័ណ អាយុ៥៨ឆ្នាំ មុខរបរជាមន្ត្រីរាជការ មានទីលំនៅផ្ទះលេខ១៤២E២ ផ្លូវលេខ១៩ ស្ថិតក្នុងភូមិ៣ សង្កាត់ជ័យជំនះ ខណ្ឌដូនពេញ រាជធានីភ្នំពេញ ។
ជនសង្ស័យត្រូវបានកម្លាំងកងរាជអាវុធហត្ថឃាត់ខ្លួនតាមដីកាបង្គាប់ឲ្យចាប់ខ្លួនរបស់លោក កុល កំពូល ចៅក្រមស៊ើបសួរសាលាដំបូងរាជធានីភ្នំពេញ តាមដីកាសន្និដ្ឋានសំណុំរឿងស៊ើបសួររបស់អយ្យការអមសាលាដំបូង បានសម្រេចបើកការស៊ើបសួរលើឈ្មោះ ខ័ន្ធ សោភ័ណ ពីបទ «ឆបោ.ក និងក្លែងបន្លំឯកសារសាធារណៈ» ដែលប្រព្រឹត្តនៅចំណុចរាជធានីភ្នំពេញ កាលពីអំឡុងខែមករា ឆ្នាំ២០២០ ថ្ងៃទី១ ខែសីហា ឆ្នាំ២០២០ និងថ្ងៃទី៣០ ខែតុលា ឆ្នាំ២០២០ ដែលបទចោទនេះ យោងតាមមាត្រា៣៧៧ មាត្រា៣៧៨ និងមាត្រា៦២៩ នៃក្រមព្រហ្មទណ្ឌ។
ជនសង្ស័យត្រូវបានចៅក្រមស៊ើបសួរសម្រេចឃុំខ្លួន ដាក់ពន្ធនាគារជាបណ្តោះអាសន្ន បន្ទាប់ពីបញ្ចប់ការសាកសួរ នៅព្រឹកថ្ងៃដដែលនោះ ៕
ចែករំលែកព័តមាននេះ