ADផ្ទាំងផ្សព្វផ្សាយពាណិជ្ជកម្ម

Picture

កម្ទេច​ចោល​មីន ​និង​គ្រា.ប់​មិន​ទាន់​ផ្ទុះ​លើ​ផ្ទៃដី​សាងសង់​ស្តូប​អនុស្សាវរីយ៍​ឈ្នះ ឈ្នះ

1 ឆ្នាំ មុន
  • ឧត្តរមានជ័យ

គ្រា.ប់​យុទ្ធភណ្ឌ និងកាក​សំណល់​គ្រឿងផ្ទុះ​ដែល​កប់​ក្នុង​ដី​សេសសល់ពី​សម័យ​សង្គ្រាម​ជា​ច្រើន​គ្រា.ប់ បាន​ត្រូវ​ម​ជ្ឈមណ្ឌល​ជាតិ​បោសសម្អាត​មីន​រក​ឃើញ និង​

ខេត្តឧត្តរមានជ័យ ៖ គ្រា.ប់​យុទ្ធភណ្ឌ និងកាក​សំណល់​គ្រឿងផ្ទុះ​ដែល​កប់​ក្នុង​ដី​សេសសល់ពី​សម័យ​សង្គ្រាម​ជា​ច្រើន​គ្រា.ប់ បាន​ត្រូវ​ម​ជ្ឈមណ្ឌល​ជាតិ​បោសសម្អាត​មីន​រក​ឃើញ និង​រៀបចំ​ពិធី​កម្ទេច​ចោល កាលពី​ព្រឹក​ថ្ងៃ​ទី​២៣ ខែឧសភា ឆ្នាំ​២០២២​កន្លង​ទៅ នៅ​ជើងភ្នំ​ដងរែក ក្នុងភូមិ​ជើងភ្នំ ឃុំ​ត្រពាំង​ប្រី​យ៍ ស្រុក​អន្លង់​វែង ។

ពិធី​កម្ទេច​គ្រាប់​យុទ្ធភណ្ឌ​និង​កាក​សំណល់​មិន​ទាន់​ផ្ទុះ​នេះ ប្រព្រឹត្ត​ធ្វើ​ក្រោម​អធិបតីភាព​នាយ​ឧត្តមសេនីយ៍ គន់ គី​ម ទេស​រដ្ឋមន្ត្រី​ទទួល​បន្ទុក​បេសកកម្ម​ពិសេស និង​ជា​ប្រធាន​អនុគណៈ​កម្ម​ការ​បោស​សម្អាត​មីន​និង​យុទ្ធភណ្ឌ​មិន​ទាន់​ផ្ទុះ ដោយ​មានការ​ចូលរួម​ពី​ឧត្តមសេនីយ៍ឯក ផល សាម៉​ន អគ្គនាយក​រង​មជ្ឈមណ្ឌល​ជាតិ​រក្សា​សន្តិ​ភាព​ទទួល​បន្ទុក​បោសសម្អាត​មីន​និង​យុទ្ធភណ្ឌ​មិន​ទាន់​ផ្ទុះ និង​ជា​សមាជិក​អនុ​គណៈកម្មការ​ឯកឧត្តម ប៉ែន​កុស​ល្យ អភិបាលខេត្ត លោក​មេបញ្ជាការ មេ​បញ្ជា​រង​នាយ​ទាហាន នាយទាហានរង និង​ពល​ទាហាន​ជា​ច្រើន​រូប​ទៀត ។

ឧត្តមសេនីយ៍ឯក ផល សា​ម៉​ន បាន​ថ្លែង​ថា ស្តូប​អនុស្សាវរីយ៍​វិមាន​ឈ្នះ ឈ្នះ ត្រូវ​បាន​រៀបចំ​ពិធី​បញ្ចុះ​បឋមសិលា​កាលពី​ថ្ងៃ​ទី​៩ ខែ​មីនា ឆ្នាំ​២០២២​កន្លង​ទៅ ស្ថិត​នៅ​ក្នុងស្រុក​អន្លង់​វែង ដែល​មាន​ផ្ទៃដី​ទំហំ​១៥៩​ហិ​កតា និង​ហេ​ដ្ឋា​រចនាសម្ព័ន្ធ​ផ្លូវ​ជុំវិញ​ប្រវែង​២០​គីឡូម៉ែត្រ ។

ដើម្បី​ធានា​សុវត្ថិភាព​ដល់​ក្រុមការងារ​សាង​សង់​ស្តូប យើង​បាន​បើក​ការដ្ឋាន​បោសសម្អាត​មីន ​និង​សំណល់​​ជាតិ​ផ្ទុះ​ដែល​សេសសល់​ពី​សម័យ​សង្គ្រាម​កប់​ក្នុង​ដី មាន​ផ្ទៃដី​សរុប ១.៦៨០.៩០០​ម៉ែត្រការ៉េ រក​ឃើញ​គ្រា.ប់​មីន​ប្រឆាំង​មនុស្ស​ចំនួន​៨៩​គ្រាប់ គ្រាប់​យុទ្ធភណ្ឌ​មិន​ទាន់​ផ្ទុះ​ចំនួន​៧​គ្រាប់ អំបែង​ចំនួន​​១០.២២៦​បំណែក ចម្រូង​ដែក​សរុប​ទម្ងន់​១០៨​គីឡូក្រាម និង​ត្រូវ​បាន​រៀបចំ​ពិធី​កម្ទេច​ចោល​នា​ពេល​នេះ ។

នាយ​ឧត្តមសេនីយ៍ គន់ គី​ម បាន​មាន​ប្រ​សាសន៍​កោតសរសើរ​កងកម្លាំង​បោសសម្អាត​មីន​ និង​យុទ្ធភណ្ឌ​មិន​ទាន់​ផ្ទុះ ដែល​បាន​យកចិត្ត​ទុក​ដាក់​ខិតខំ​ប្រឹងប្រែង​ក្នុង​រយៈពេល​កន្លង​មក និង​បន្តការ​ងារ​នេះ​ឱ្យ​កាន់តែ​មាន​ប្រសិទ្ធភាព​ថែម​ទៀត ព្រោះ​តំបន់​ដែល​ត្រូវ​សាងសង់​ស្តូប​នេះ​ជា​អតីត​សមរភូមិ​ក្នុង​ទសវត្សរ៍​ឆ្នាំ​១៩៨០ ៕

អត្ថបទសរសេរ ដោយ

កែសម្រួលដោយ