ម្នាក់ៗខឹងជនបរទេសទាំងនេះខ្លាំងណាស់
រាជធានីភ្នំពេញ ៖ បុរសជនជាតិបរទេស៣នាក់មិនព្រមចុះពីឡានឡើយទាល់តែមានមនុស្សមកចោមរោមមើលច្រើនទើបចុះ តែមិនមែនចុះមើលអ្នករបួសទេ បែរជាទៅមើល …
រាជធានីភ្នំពេញ ៖ បុរសជនជាតិបរទេស៣នាក់មិនព្រមចុះពីឡានឡើយទាល់តែមានមនុស្សមកចោមរោមមើលច្រើនទើបចុះ តែមិនមែនចុះមើលអ្នករបួសទេ បែរជាទៅមើល …
រាជធានីភ្នំពេញ ៖ បុរសជនជាតិបរទេស៣នាក់មិនព្រមចុះពីឡានឡើយទាល់តែមានមនុស្សមកចោមរោមមើលច្រើនទើបចុះ តែមិនមែនចុះមើលអ្នករបួសទេ បែរជាទៅមើលឡានខូចទៅវិញធ្វើឲ្យប្រជាពលរដ្ឋដែលចោមរោមមើលមានការខឹងសម្បារយ៉ាងខ្លាំង ។ ហេតុការណ៍នេះកើតឡើងបន្ទាប់ពីជនបរទេស៣នាក់បានបើករថយន្តបុកជាមួយម៉ូតូ Zoomer-X កាលពីវេលាម៉ោង១២ និង២០នាទីរំលងអាធ្រាត្រឈានចូលថ្ងៃទី០៣ ខែវិឆ្ឆិកា ឆ្នាំ២០១៦ នៅចំណុចខាងមុខព្រះបរមរាជវាំង តាមបណ្ដោយផ្លូវព្រះស៊ីសុវត្ថិ ស្ថិតក្នុងសង្កាត់ជ័យជំនះ ខណ្ឌដូនពេញ ។
ប្រភពពីកន្លែងកើតហេតុបានឲ្យដឹងថា មុនពេលកើតហេតុគេបានឃើញរថយន្ដឡិចស៊ីស៤៧០មួយគ្រឿង ពណ៌ស ពាក់ស្លាកលេខ ភ្នំពេញ 2I-5533 បើកបរដោយបុរសជនជាតិបរទេសម្នាក់ និងអ្នករួមដំណើរបុរស២នាក់ទៀតជាជនជាតិបរទេសដូចគ្នា ធ្វើដំណើរតាមបណ្ដោយផ្លូវព្រះស៊ីសុវត្ថិទិសដៅពីជើងទៅត្បូង ពេលមកដល់ចំណុចកើតហេតុក៏ជ្រុលទៅបុកជាមួយម៉ូតូ Zoomer-X ពណ៌ខ្មៅ ពាក់ស្លាកលេខ ភ្នំពេញ 1GA-7213 ជិះដោយយុវជន២នាក់ដែលធ្វើដំណើរបញ្ច្រាសទិសគ្នាពេញទំហឹងបណ្ដាលឲ្យយុវជនទាំង២នាក់ដែលជិះម៉ូតូរងរបួសធ្ងន់ ។
ប្រភពដដែលបានបន្តថា បន្ទាប់ពីបុកភ្លាមៗនោះជនបរទេសមិនព្រមចុះមកមើលអ្នករបួសទេ គឺនៅអង្គុយលើរថយន្តធ្វើព្រងើយ ទាល់តែមានមនុស្សមកចោមរោមច្រើន ទើបចុះមកមើល តែមិនទៅមើលជនរងគ្រោះទេ គឺមើលរថយន្តរបស់ខ្លួនដែលខូចទៅវិញ ធ្វើឲ្យប្រជាពលរដ្ឋមានការខឹងសម្បារយ៉ាងខ្លាំង ។
ក្រោយពេលកើតហេតុជនរងគ្រោះទាំង២នាក់ត្រូវបានរថយន្ដសង្គ្រោះបន្ទាន់ដឹកយកទៅសង្គ្រោះនៅមន្ទីរពេទ្យ ចំណែកម៉ូតូ និងរថយន្ដ ត្រូវបានសមត្ថកិច្ចធ្វើការវាស់វែងយកទៅរក្សាទុកនៅការិយាល័យចរាចរណ៍រាជធានីភ្នំពេញ ដើម្បីដោះស្រាយនៅពេលក្រោយ ៕
ចែករំលែកព័តមាននេះ