លោក Joe Biden ប្រកាសថាអាមេរិកគ្មានផ្លាស់ប្តូរគោលនយោបាយចំពោះតៃវ៉ាន់នោះទេ
អាមេរិក ៖ ប្រធានាធិបតីអាមេរិក លោក Joe Biden បាននិយាយនៅថ្ងៃអង្គារ ទី២៤ ឧសភា នេះថា
អាមេរិក ៖ ប្រធានាធិបតីអាមេរិក លោក Joe Biden បាននិយាយនៅថ្ងៃអង្គារ ទី២៤ ឧសភា នេះថា
អាមេរិក ៖ ប្រធានាធិបតីអាមេរិក លោក Joe Biden បាននិយាយនៅថ្ងៃអង្គារ ទី២៤ ឧសភា នេះថា មិនមានការផ្លាស់ប្តូរចំពោះគោលនយោបាយយុទ្ធសាស្ត្រអាមេរិកស្តីពីតៃវ៉ាន់នោះទេ។ ការថ្លែងរបស់លោកកើតឡើងមួយថ្ងៃ បន្ទាប់ពីលោកបានធ្វើឲ្យចិនខឹងសម្បារយ៉ាងខ្លាំងនៅពេលលោកនិយាយថា អាមេរិកនឹងប្រើកម្លាំងទ័ពជួយការពារតៃវ៉ាន់ប្រសិមានការវា.យប្រហារពីចិន។
បញ្ហារបស់តៃវ៉ាន់ត្រូវបានពិភាក្សានៅក្នុងកិច្ចប្រជុំកំពូល Quad នៅទីក្រុងតូក្យូដែលមានមេដឹកនាំមកពីអាមេរិក ជប៉ុន អូស្ត្រាលី និងឥណ្ឌាចូលរួម។ ក្នុងកិច្ចប្រជុំ មេដឹកនាំប្រទេសទាំងអស់បានសង្កត់ធ្ងន់ពីការប្តេជ្ញាចិត្តរបស់ពួកគេក្នុងការធានាឲ្យមានតំបន់ឥណ្ឌូប៉ាស៊ីភិចសេរី និងបើកចំហរក្នុងការប្រឈមមុខជាមួយនឹងចិន។
មេដឹកនាំប្រទេសទាំង ៤បាននិយាយក្នុងសេចក្តីប្រកាសរួមថា ពួកគេបានពិភាក្សាគ្នាអំពីការឆ្លើយតបរៀងៗខ្លួនចំពោះជម្លោះនៅក្នុងប្រទេសអ៊ុយក្រែន និងវិបត្តិមនុស្សធម៌ដែលកំពុងបន្ត។
នាយករដ្ឋមន្ត្រីជប៉ុនបានថ្លែងប្រាប់សន្និសិទសារព័ត៌មានថា មេដឹកនាំទាំងអស់ រួមមាននាយករដ្ឋមន្ត្រីឥណ្ឌា Narendra Modi បានចែករំលែកពីការព្រួយបារម្ភរបស់ពួកគេអំពីបញ្ហារបស់អ៊ុយក្រែន ហើយមេដឹកនាំទាំង ៤បានយល់ស្របពីសារសំខាន់នៃនិតិរដ្ឋ អធិបតេយ្យភាព និងបូរណៈភាពទឹកដី។
នៅថ្ងៃអង្គារនេះ លោក Joe Biden ត្រូវបានអ្នកសារព័ត៌មានសាកសួរថាតើមានការផ្លាស់ប្តូរចំពោះគោលនយោបាយអាមេរិកអំពីកោះតៃវ៉ាន់ដែរឬទេ? លោកឆ្លើយតបថា «គ្មានទេ»។
លោកថ្លែងបន្ទាប់ពីកិច្ចប្រជុំជាមួយនឹងមេដឹកនាំ Quad ដូច្នេះថា «គោលនយោបាយមិនផ្លាស់ប្តូរអ្វីទាំងអស់។ ខ្ញុំបញ្ជាក់ពីរឿងនេះនៅពេលដែលខ្ញុំធ្វើសេចក្តីថ្លែងការណ៍កាលពីម្សិលមិញ»។
សូមបញ្ជាក់ថា មហាយក្សចិនតែងចាត់ទុកកោះតៃវ៉ាន់ជាផ្នែកមួយរបស់ខ្លួន និងបានប្រកាសរួបរួមគ្នាវិញនៅថ្ងៃណាមួយ ប៉ុន្តែមេដឹកនាំកោះតៃវ៉ាន់បានប្រកាសថាខ្លួនឯងរដ្ឋឯករាជ្យ និងបានប្រកាសពីការប្តេជ្ញាចិត្តការពារទឹកដី និងសេរីភាពរបស់ប្រជាជន៕ (យោងតាមប្រភព៖ Reuters)
ចែករំលែកព័តមាននេះ