ក្រុមជាតិនិយមរុស្ស៊ី អំពាវនាវឱ្យលោក Putin ប្រកាសសង្គ្រាមលើអ៊ុយក្រែន និងកេណ្ឌទ័ពបន្ថែម
រុស្ស៊ី ៖ ឥស្សរៈជននៃក្រុមជាតិនិយមរុស្ស៊ីបានធ្វើការរិះគន់យ៉ាងខ្លាំងចំពោះការបរាជ័យនៃប្រតិបត្តិ
រុស្ស៊ី ៖ ឥស្សរៈជននៃក្រុមជាតិនិយមរុស្ស៊ីបានធ្វើការរិះគន់យ៉ាងខ្លាំងចំពោះការបរាជ័យនៃប្រតិបត្តិការយោធាពិសេសរបស់ទីក្រុងម៉ូស្កូនៅក្នុងប្រទេសអ៊ុយក្រែន និងបានអំពាវនាវឲ្យមានការកេណ្ឌទ័ពបន្ថែម។ នេះបើយោងតាមការបញ្ជាក់របស់វិទ្យាស្ថានសិក្សាអំពីសង្គ្រាម (ISW)។
ISW និយាយថាសភាមន្ត្រីរុស្ស៊ីទាំងអស់ (All-Russian Officers’ Assembly) ដែលជាសមាគមន៍ឯករាជ្យនៃអតីតយុទ្ធជនគាំទ្ររុស្ស៊ី ដែលស្វែងរកការធ្វើកំណែទម្រង់យុទ្ធសាស្ត្រយោធារុស្ស៊ី បានអំពាវនាវឲ្យលោក Putin ប្រកាសសង្គ្រាមលើអ៊ុយក្រែន និងណែនាំពីការកេណ្ឌទ័ពនៅក្នុងប្រទេសរុស្ស៊ីកាលពីថ្ងៃទី ១៩ ខែឧសភាកន្លងទៅ។
សភានេះនិយាយថា ប្រតិបត្តិការរបស់រុស្ស៊ីបរាជ័យក្នុងការសម្រេចគោលដៅរយៈពេល ៣ខែ។ វាក៏បានអំពាវនាវឲ្យលោក Putin ទទួលស្គាល់ថា កងទ័ពរុស្ស៊ីលែងអាចកម្ចាត់ពួកអ៊ុយក្រែនណាស៊ី និងឥទ្ធិពលវាបានទៀតហើយ ប៉ុន្តែជាការធ្វើសង្គ្រាមសម្រាប់ទឹកដីប្រវត្តិសាស្ត្រ និងអត្ថិភាពរបស់រុស្ស៊ីក្នុងសណ្តាប់ធ្នាប់ពិភពលោក។
វិទ្យាស្ថាននេះបន្ថែមទៀតថា ខណៈដែលការអំពាវនាវទាំងនេះមិនអាចជួយកំណត់លក្ខណៈសម្រាប់ការកេណ្ឌទ័ពបាន រហូតមកដល់ពេលនេះ វិមានក្រឹមឡាំងបានបដិសេធចាត់វិធានការនេះ ទំនងជាដោយសារតែការព្រួយបារម្ភអំពីប្រតិកម្មក្នុងស្រុក និងគុណវិបត្តិក្នុងប្រព័ន្ធកែនទ័ពរបស់រុស្ស៊ី៕ (យោងតាមប្រភព៖ Aljazeera)
ចែករំលែកព័តមាននេះ