ប្រធានាធិបតីហ្វីលីពីន Duterte ហៅលោក Putin ថាជាឃា.តករសម្លា.ប់ជនស៊ីវិលស្លូតត្រង់
ហ្វីលីពីន ៖ ប្រធានាធិបតីហ្វីលីពីន លោក Rodrigo Duterte បានធ្វើការរិះគន់យ៉ាងខ្លាំងចំពោះមេ
ហ្វីលីពីន ៖ ប្រធានាធិបតីហ្វីលីពីន លោក Rodrigo Duterte បានធ្វើការរិះគន់យ៉ាងខ្លាំងចំពោះមេ
ហ្វីលីពីន ៖ ប្រធានាធិបតីហ្វីលីពីន លោក Rodrigo Duterte បានធ្វើការរិះគន់យ៉ាងខ្លាំងចំពោះមេដឹកនាំរុស្ស៊ី Vladimir Putin ដែលបានសម្លា.ប់ជនស៊ីវិលស្លូតត្រង់នៅក្នុងប្រទេសអ៊ុយក្រែន។
លោក Rodrigo Duterte ដែលនឹងជិតចប់អាណត្តិជាប្រធានាធិបតីបាននិយាយថា «ខ្ញុំសម្លា.ប់ឧក្រិ.ដ្ឋជន ខ្ញុំមិនសម្លា.ប់កុមារ និងមនុស្សចាស់នោះទេ»។ លោកថ្លែងបែបនេះចង់សំដៅទៅលើយុទ្ធនាការបង្ក្រាបគ្រឿងញៀ.នរបស់គាត់។
លោក Duterte ដែលបានហៅលោក Putin ថាជាអាយដល និងមិត្តភក្តិផងដែរនោះ បានធ្វើការរិះគន់ជាលើកដំបូងចំពោះការឈ្លានពានរបស់រុស្ស៊ីលើអ៊ុយក្រែន នៅក្នុងសុន្ទរកថារបស់លោកដែលបានចាក់ផ្សាយនៅថ្ងៃអង្គារនេះ។
លោកស្តីបន្ទោសថាសង្គ្រាមរយៈពេល ៣ខែរបស់រុស្ស៊ីជាមូលហេតុធ្វើឲ្យតម្លៃប្រេងឡើងថ្លៃដែលធ្វើឲ្យប៉ះពាល់ដល់ប្រទេសជាច្រើន រួមទាំងហ្វីលីពីនផងដែរ។
ខណៈលោកសង្កត់ធ្ងន់ថា លោកមិនថ្កោលទោសប្រធានាធិបតីរុស្ស៊ី លោក Duterte មិនយល់ស្របនឹងការហៅការឈ្លានពានលើអ៊ុយក្រែនរបស់លោក Putin ថាជាប្រតិបត្តិការយោធាពិសេសនោះទេ តែលោកហៅវាថា ជាសង្គ្រាមទ្រង់ទ្រាយធំដែលធ្វើឡើងដើម្បីប្រឆាំងនឹងប្រទេសអធិបតេយ្យមួយ។
លោកបានជំរុញឲ្យមេដឹកនាំរុស្ស៊ីបញ្ឍប់ការទម្លាក់គ្រាប់បែក និងបា.ញ់កាំភ្លើ.ងធំនៅលើតំបន់រស់នៅ និងអនុញ្ញាតឲ្យមានការជម្លៀសជនស៊ីវិលស្លូតត្រង់ទៅកាន់កន្លែងមានសមត្ថភាពមុនពេលធ្វើការទម្លាក់គ្រាប់បែក៕ (យោងតាមប្រភព៖ Aljazeera)
ចែករំលែកព័តមាននេះ