ចាប់ខ្លួនបុរស២នាក់ ក្រោយគាស់ទម្លុះទម្លាយទូកុងតឺន័រក្បែរអគារមួយកន្លែង
- ព្រះសីហនុ
ឧត្តមសេនីយ៍ទោ ជួន ណារិន្ទ ស្នងការនគរបាលខេត្ត បានឲ្យដឹងថា កម្លាំងនគរបាលបានបង្ក្រាបករណី
ខេត្តព្រះសីហនុ ៖ ឧត្តមសេនីយ៍ទោ ជួន ណារិន្ទ ស្នងការនគរបាលខេត្ត បានឲ្យដឹងថា កម្លាំងនគរបាលបានបង្ក្រាបករណីលួចមានស្ថានទម្ងន់ទោស (គាស់ទម្លុះទម្លាយ) ដោយឃាត់ខ្លួនជនសង្ស័យបានចំនួន២នាក់ ។
សូមរំឭកថា កាលពីថ្ងៃទី២២ ខែឧសភា ឆ្នាំ២០២២កន្លងទៅ វេលាម៉ោង៣និង៣០នាទីរសៀល មានប្រជាពលរដ្ឋប្តឹងរាយការណ៍មកការិយាល័យនគរបាលព្រហ្មទណ្ឌកម្រិតស្រាលថា មានជនសង្ស័យ២នាក់កំពុងធ្វើសកម្មភាពគាស់ទម្លុះទម្លាយទូកុងតឺន័រ លួចយកសម្ភារៈ នៅក្បែរអគារមួយកន្លែងស្ថិតក្នុងភូមិ៥ សង្កាត់៤ ក្រុងព្រះសីហនុ ។
បន្ទាប់ពីទទួលបានព័ត៌មាននេះភ្លាម កម្លាំងការិយាល័យនគរបាលព្រហ្មទណ្ឌកម្រិតស្រាល បានទៅដល់កន្លែងកើតហេតុ ចាប់ឃាត់ខ្លួនជនសង្ស័យបាន២នាក់ ម៉ូតូ២គ្រឿង គឺម៉ាក PCX ១គ្រឿង ពណ៌ខ្មៅ ពាក់ផ្លាកលេខភ្នំពេញ ១CH-៥២៩៨ និងម៉ូតូអូសរ៉ឺម៉ក១គ្រឿង គ្មានផ្លាកលេខ កន្ត្រៃ១ ដង្កាប់់១ សោលេខ១២មួយ ទូរស័ព្ទ២គ្រឿង និងគ្រឿងញៀ.ន១កញ្ចប់តូច ។
ចំពោះករណីនេះ ការិយាល័យនគរបាលព្រហ្មទណ្ឌកម្រិតស្រាល កំពុងបន្តនីតិវិធីច្បាប់ ៕
ចែករំលែកព័តមាននេះ