Real ជួលសណ្ឋាគារដ៏ប្រណីតបំផុតស្នាក់នៅ អំឡុងការប្រកួតផ្តាច់ព្រ័ត្រ UCL
បារាំង ៖ ក្រុមអធិរាជស Real Madrid នឹងត្រូវតទល់ជាមួយក្រុមហង្សក្រហម Liverpool ដើម្បីដណ្តើម
បារាំង ៖ ក្រុមអធិរាជស Real Madrid នឹងត្រូវតទល់ជាមួយក្រុមហង្សក្រហម Liverpool ដើម្បីដណ្តើម
បារាំង ៖ ក្រុមអធិរាជស Real Madrid នឹងត្រូវតទល់ជាមួយក្រុមហង្សក្រហម Liverpool ដើម្បីដណ្តើមពានរង្វាន់ UEFA Champions League រដូវកាល ២០២១-២២។ ដែលជំនួបដ៏កក្រើកជាប្រវត្តិសាស្ត្រនេះ នឹងធ្វើឡើងនៅឯកីឡដ្ឋានជាតិ Stade de France ភាគខាងជើងទីក្រុងប៉ារីស ប្រទេសបារាំង នាថ្ងៃទី២៨ ខែឧសភា ឆ្នាំ២០២២ ខាងមុខនេះ។
យោងតាមប្រភពពីគេហទំព័រ The Sun និង SPORTbible រួមនិងប្រព័ន្ធផ្សព្វផ្សាយបរទេសជាច្រើនផ្សេងទៀតបានចុះផ្សាយថា ក្លិប Real Madrid បានជួលផ្តាច់សណ្ឋាគារដ៏ប្រណីតបំផុតលំដាប់ផ្កាយ៥ តម្លៃប្រមាណ៣ពាន់ដុល្លារមួយយប់ ឈ្មោះថា Auberge du Jeu de Palme រួចមកហើយ។ ដែលមានទីតាំងក្នុងទីក្រុងប្រវត្តិសាស្ត្រ Chantilly ចម្ងាយប្រមាណ៥០គីឡូម៉ែត្រ ភាគខាងជើងទីក្រុងប៉ារីស។ ដើម្បីស្នាក់នៅ មុនការប្រកួតចូលមកដល់។
ដោយឡែកប្រភពពី booking.com បានឱ្យដឹងថា សណ្ឋាគារដ៏ប្រណីត Auberge du Jeu de Palme សង់លើផ្ទៃដី ៧,៨០០ហិកតា ដែលមាន ៩២បន្ទប់ រួមជាមួយការតុបតែងតាមបែបរចនាបទសតវត្សទី១៨ និងផ្តល់នូវទិដ្ឋភាពសួនច្បារ ទីធ្លាដ៏ស្រស់ស្អាតបំផុត។ រួមបញ្ចូលទាំងកន្លែងហាត់ប្រាណដ៏ទំនើប កន្លែងជិះសេះ និងទីលានវាយកូនហ្គោលស្ថិតក្នុងចម្ងាយ ២គីឡូម៉ែត្រ រួមនិងការបម្រើសេវាកម្មលំដាប់អភិជនជាច្រើនផ្សេងទៀតផងដែរ។
សូមជម្រាបថា Real Madrid មានប្រវត្តិជោគជាំបំផុតក្នុងពានរង្វាន់ UEFA Champions League ដោយបច្ចុប្បន្នកំពុងកាន់កំណត់ត្រា ឈ្នះជើងឯកច្រើនជាងគេបំផុតពោលរហូតដល់ ១៣លើក។ ខណៈ Liverpool ធ្លាប់ឈ្នះចំនួន ៦លើក៕
ចែករំលែកព័តមាននេះ