អ្នកនៅរុស្ស៊ីបើហ៊ានហៅខុសពាក្យទាំងនេះ ត្រូវជាប់គុ.កជាង១០ឆ្នាំ
បរទេស ៖ សម្រាប់ប្រជាជនអ៊ុយក្រែនវាច្បាស់ខ្លាំងណាស់ តាំងពីចាប់ផ្តើមដំបូងនៃការលុកលុយរបស់
បរទេស ៖ សម្រាប់ប្រជាជនអ៊ុយក្រែនវាច្បាស់ខ្លាំងណាស់ តាំងពីចាប់ផ្តើមដំបូងនៃការលុកលុយរបស់
បរទេស ៖ សម្រាប់ប្រជាជនអ៊ុយក្រែនវាច្បាស់ខ្លាំងណាស់ តាំងពីចាប់ផ្តើមដំបូងនៃការលុកលុយរបស់រុស្ស៊ី កាលពីខែកុម្ភៈកន្លងទៅ។ សកម្មភាពនេះមិនមែនជាប្រតិបត្តិការយោធាពិសេស ដើម្បីរំដោះតំបន់ Donbas ដូចដែលលោកពូទីន បានប្រកាសនោះទេ។ វាគឺជាសង្គ្រាមទាំងស្រុងតែម្តង។ ប៉ុន្តែនៅរុស្ស៊ីវាគឺជាបទឧក្រិដ្ឋមួយ ប្រសិនបើអ្នកហ៊ានហៅបែបនេះ។ នេះបើយោងតាមប្រភពពី BBC ចេញផ្សាយនៅថ្ងៃទី២៣ ខែឧសភា ឆ្នាំ២០២២។
មនុស្សរាប់សិបនាក់ ត្រូវបានកាត់ទោសរួចហើយក្រោមច្បាប់ «ព័ត៌មានក្លែងក្លាយ» ដែលកំណត់បានដោយរដ្ឋាភិបាលរុស្ស៊ី។ ពួកគេប្រឈមមុខនឹងការជាប់ពន្ធនាគាររហូតដល់១៥ឆ្នាំ សម្រាប់ការហៅប្រតិបត្តិការណ៍យោធាពិសេសលើអ៊ុយក្រែន ទៅជាសង្គ្រាមឈ្លានពានលើអ៊ុយក្រែន ឬការរិះគន់ណាមួយលើយោធារុស្ស៊ី។
សកម្មភាពនេះ ត្រូវបានគេមើលឃើញថា ជាការបង្កើនការត្រួតពិនិត្យយ៉ាងម៉ត់ចត់បំផុតនៅក្នុងប្រទេសរុស្ស៊ី។ ដែលលោកពូទីន បានចំណាយពេល២ទសវត្សនៃអំណាចរបស់ខ្លួនក្នុងការដកគូប្រជែង រារាំងការបញ្ចេញមតិដោយសេរី និងបំបិទប្រព័ន្ធផ្សព្វផ្សាយឯករាជ្យ។
លោក Vladimir Kara-Murza អ្នកកាសែត និងជាអ្នកនយោបាយគណបក្សប្រឆាំងរបស់រុស្ស៊ី បានព្យាយាមព្រមានពីគ្រោះថ្នាក់នៃការដឹកនាំរបស់លោកពូទីន។ ថ្លែងក្នុងសុន្ទរកថានៅសហរដ្ឋអាមេរិកកាលពីខែមីនា សកម្មជនប្រឆាំងរូបនេះ បានស្តីបន្ទោសមេដឹកនាំលោកខាងលិច ចំពោះការអនុញ្ញាតឱ្យរុស្ស៊ី ដើរតួជាជម្រកសម្រាប់ប្រាក់កខ្វក់ រួមនិងសកម្មភាពអវិជ្ជមានជាច្រើនផ្សេងទៀត។
បុរសវ័យ៤០ឆ្នាំរូបនេះ បាននិយាយដូច្នេះថា «ឥឡូវនេះពិភពលោកទាំងមូលបានឃើញនូវអ្វីដែលរបបលោកពូទីនកំពុងធ្វើចំពោះអ៊ុយក្រែន ។ ការទម្លាក់គ្រាប់បែកលើមន្ទីរពេទ្យ និងសាលារៀន។ ច្បាស់ណាស់ទាំងនេះ គឺជាឧក្រិដ្ឋកម្មសង្គ្រាម»៕
ចែករំលែកព័តមាននេះ