អ្នកម្តាយភាគច្រើនចង់សម្រាលកូនដោយធម្មជាតិ ប៉ុន្តែស្ថានភាពជាក់ស្តែងមិនដូច្នោះទេ អ្វីៗនឹងអាចប្រែប្រួលនៅក្នុងកំឡុងពេលជិតសម្រាល ។ ប្រសិនបើនៅពេលដែលទារកក្នុងផ្ទៃបង្វិលខ្លួនទៅរកចំណុចផ្សេង ទទឹងខ្លួន
អ្នកម្តាយភាគច្រើនចង់សម្រាលកូនដោយធម្មជាតិ ប៉ុន្តែស្ថានភាពជាក់ស្តែងមិនដូច្នោះទេ អ្វីៗនឹងអាចប្រែប្រួលនៅក្នុងកំឡុងពេលជិតសម្រាល ។ ប្រសិនបើនៅពេលដែលទារកក្នុងផ្ទៃបង្វិលខ្លួនទៅរកចំណុចផ្សេង ទទឹងខ្លួន ឬបញ្ច្រាសក្បាលខុសពីទិសដៅដែលជាលក្ខខណ្ឌនៃការសម្រាលតាមបែបធម្មជាតិ ពេលនោះស្ត្រីជាម្តាយចៀសមិនផុតពីការវះកាត់នោះទេ ។
បើតាមការយល់ឃើញពីស្ត្រីមួយចំនួនដែលធ្លាប់សម្រាលកូនតាមបែបធម្មជាតិ យល់ថា ការសម្រាលដោយការវះកាត់អាចយកកូនចេញពីផ្ទៃម្តាយបានលឿនជាងការសម្រាលកូនតាមធម្មជាតិដែលតម្រូវឲ្យស្ត្រីជាម្តាយខំប្រឹងបង្កើតដោយខ្លួនឯង ។ រីឯ ការសម្រាលកូនដោយការវះកាត់ ស្ត្រីជាម្តាយមិនលំបាកពេកទេពោលគឺ មិនចាំបាច់ខំប្រឹងបង្កើតអ្វីឡើយ ព្រោះគ្រូពេទ្យជាអ្នកធ្វើទាំងអស់ហើយ។ ប៉ុន្តែគ្រូពេទ្យភាគច្រើនមិនចង់ឱ្យមានការសម្រាលដោយការវះកាត់នោះទេ ព្រោះអាចនឹងធ្វើឱ្យប៉ះពាល់ដល់សុខភាពរបស់ម្តាយខ្លះដែរ ដូច្នេះការសម្រាលដោយការវះកាត់ជាជម្រើសចុងក្រោយហើយ ។
មូលហេតុដែលតម្រូវឱ្យមានការវះកាត់យកកូនពីក្នុងផ្ទៃម្តាយដោយសារតែ៖
ទម្រង់កូនមិនប្រក្រតី(កូនទទឹងពោះ), កូនបញ្ច្រាស, កូនថ្លោស, កូនភ្លោះច្រើន, កូនមានទំហំធំ, ម្ដាយសម្រាលកូនច្រើនដងពេកធ្វើឲ្យកូនខ្សោយ, ម្ដាយធ្លាប់ធ្វើការវះកាត់ពីមុន, សុកបាំងមាត់ស្បូន, ទងសុកធ្លាក់ចុះចេញមកក្រៅមុនកូនកើត, កូនមានសុខភាពមិនល្អ, មាត់ស្បូនមិនបើក, ក្បាលកូនមានទំហំធំ, ម្ដាយមានជំងឺទឹកនោមផ្អែម និងជំងឺបេះដូងជាដើម ។
ដូច្នេះនៅពេលជិតសម្រាល ស្ត្រីដែលនឹងក្លាយជាអ្នកម្តាយមិនអាចកំណត់បានថាត្រូវសម្រាលតាមបែបធម្មជាតិឬក៏វះកាត់នោះទេ មានតែគ្រូពេទ្យជំនាញប៉ុណ្ណោះទើបអាចកំណត់បាន ជាពិសេសគឺកាសម្រាលកូនដោយការវះកាត់ សុទ្ធសឹងជាវិធីសាស្ដ្រប្រកបដោយលក្ខណៈវិទ្យាសាស្ដ្រ និងបច្ចេកទេសទាំងអស់ គឺមានតែគ្រូពេទ្យជំនាញទើបអាចកំណត់បាន ។
អាស្រ័យហេតុនេះស្ដ្រីទាំងឡាយដែលត្រូវសម្រាលបុត្រ គួរតែជ្រើសរើសយកមន្ទីរពេទ្យណាដែលមានជំនាញត្រឹមត្រូវក្នុងការបង្កើតកូន ដើម្បីសុវត្ថិភាពទាំងម្តាយ និងកូន៕
ចែករំលែកព័តមាននេះ