រាជធានីភ្នំពេញ ៖ ការចិញ្ចឹម និងគ្រប់គ្រងកូនដែលមានចរិតរឹងរូស គឺទាមទារការអត់ធ្មត់ និងការយោគយល់ ហើយប្រសិនបើអ្នកមិនមានចំណេះដឹងទេនោះ វាពិតជាអាចធ្វើឱ្យក្មេងខូចកាន់តែខ្លាំងថែមទៀត ។ ការដោះស្រាយជាមួយកូនបែបនេះហាក់ដូចជាបញ្ហាប្រឈមប្រចាំថ្ងៃសម្រាប់ឪពុកម្តាយ…
រាជធានីភ្នំពេញ ៖ ការចិញ្ចឹម និងគ្រប់គ្រងកូនដែលមានចរិតរឹងរូស គឺទាមទារការអត់ធ្មត់ និងការយោគយល់ ហើយប្រសិនបើអ្នកមិនមានចំណេះដឹងទេនោះ វាពិតជាអាចធ្វើឱ្យក្មេងខូចកាន់តែខ្លាំងថែមទៀត ។
ការដោះស្រាយជាមួយកូនបែបនេះហាក់ដូចជាបញ្ហាប្រឈមប្រចាំថ្ងៃសម្រាប់ឪពុកម្តាយ ហើយប្រសិនបើអ្នកមិនដឹងយុទ្ធសាស្ត្រត្រឹមត្រូវដើម្បីដោះស្រាយជាមួយពួកគេ គឺពិតជាពិបាក ។ មនុស្សពេញវ័យព្យាយាមរកវិធីសាស្ត្រផ្សេងៗដើម្បីដោះស្រាយជាមួយនឹងភាពចចេសរបស់កុមារ ជួនកាលពួកគេមានប្រសិទ្ធភាព ហើយជួនកាលវាគ្មានប្រសិទ្ធភាពនោះទេ ។
ទោះជាយ៉ាងណា អ្នកមិនចាំបាច់ព្រួយបារម្ភពេកនោះទេ មានដំណោះស្រាយដ៏ប៉ិនប្រសប់មួយចំនួនសម្រាប់កូនរឹងរូស ៖
១. ផ្តល់ឱ្យពួកគេនូវជម្រើស ៖ កុំព្យាយាមណែនាំកូនរបស់អ្នកពេលគេរឹងរូស ។ វាទំនងជានឹងមានការតបតវិញ ហើយជាលទ្ធផលអ្នកនឹងត្រូវដោះស្រាយជាមួយនឹងការជជែកគ្នាកាន់តែខ្លាំង ។ ក្មេងរឹងរូសមានផ្នត់គំនិតផ្ទាល់ខ្លួន អ្នកមិនអាចបង្ខំក្មេងអាយុប្រាំឆ្នាំឱ្យឈប់យំ ឬឈប់រញ៉េរញ៉ៃបានទេ ។ ស្រដៀងគ្នានេះដែរ ក្មេងអាយុ ១០ ឆ្នាំមិនអាចយល់ពីមូលហេតុដែលគេត្រូវជួយកិច្ចការផ្ទះនោះទេ ។
២. ចូលរួមជាមួយពួកគេក្នុងការធ្វើអ្វីមួយ ៖ អ្នកអាចចូលរួមជាមួយកូនអាយុ ១២ ឆ្នាំរបស់អ្នកដោយបង្រៀនពួកគេនូវជំនាញក្បាច់គុន និងបង្ហាត់ពួកគេឱ្យការពារខ្លួននៅពេលចាំបាច់ ។ ប្រើភាពរឹងរូសរបស់កូនអ្នកជាវិជ្ជមាន អ្នកអាចផ្តល់ឱ្យនូវការបណ្តុះបណ្តាលដ៏ពិសេសមួយដែលមានប្រសិទ្ធភាព និងធានាសុវត្ថិភាពកូនរបស់អ្នក ។
៣. ផ្តល់រង្វាន់តិចតួច ៖ ចូរលើកទឹកចិត្តកូនដូចជា «កូនធ្វើបានល្អណាស់» ឬ «កូនបានរកឃើញវិធីដើម្បីធ្វើឱ្យវាដំណើរការ» ជាដើម ។ ពាក្យសរសើរតិចតួចអាចផ្លាស់ប្តូរចរិតកូនរបស់នឹកស្មានមិនដល់ ។ អ្នកក៏អាចសូកប៉ាន់កូនរឹងរូសរបស់អ្នកជាមួយនឹងរង្វាន់តិចតួច ដែលនឹងជំរុញពួកគេឱ្យបន្តអាកប្បកិរិយាល្អ ។ គន្លឹះសំខាន់ គឺញញឹម និងដឹងគុណ ។
៤. ទំនាក់ទំនង គឺជាគន្លឹះ ៖ កុមារដែលមានឆន្ទៈរឹងរូស ច្រើនតែមានភាពរសើបខ្លាំងចំពោះរបៀបដែលអ្នកប្រព្រឹត្តចំពោះពួកគេ ហើយការខ្វះខាតទំនាក់ទំនងនឹងធ្វើឱ្យអាកប្បកិរិយារបស់ពួកគេកាន់តែអាក្រក់ទៅៗ ។ ពេលខ្លះចាំបាច់ត្រូវភ្ជាប់ទំនាក់ទំនងជាមួយកូនរបស់អ្នក ដើម្បីជួយពួកគេឱ្យធំធាត់ ។ ការប្រាស្រ័យទាក់ទងមិនមែនមានន័យថា អ្នកត្រូវតែស្តាប់ពួកគេជានិច្ចនោះទេ ប៉ុន្តែកុំបណ្តោយតាមអារម្មណ៍ពួកគេពេក ។
៦. យល់ពីទស្សនៈរបស់ពួកគេ ៖ វាជាធម្មជាតិរបស់មនុស្សដែលចង់ដឹងចង់ឃើញអំពីរឿងជាក់លាក់ ហើយកុមារតូចៗ គឺពួកគេឱ្យចង់ដឹង និងខ្វល់ខ្វាយអំពីអ្វីៗគ្រប់យ៉ាង ។ កុមារដែលរឹងរូសច្រើនតែចង់រៀនអ្វីៗទាំងអស់ក្នុងពេលតែមួយ ដែលពិបាកក្នុងការធ្វើឱ្យពួកគេធ្វើតាមទម្លាប់ ។
៧. អត់ធ្មត់ ៖ ការចិញ្ចឹមកូនរឹងរូសតម្រូវឱ្យមានការអត់ធ្មត់ និងការផ្តោតអារម្មណ៍យ៉ាងខ្លាំង ។ ការស្តីបន្ទោស ឬបង្អាប់ក្មេងអាចបង្កើតចំណាប់អារម្មណ៍អវិជ្ជមាន ។ អ្នកមិនគួរបន្ទោសកូនរបស់អ្នកចំពោះទង្វើដ៏រឹងរូសរបស់គេនៅចំពោះមុខអ្នកដទៃឡើយ ពួកគេអាចទទួលយកប្រតិកម្មនេះដោយយល់ស្រប ហើយបន្តប្រព្រឹត្តិទង្វើមិនត្រឹមត្រូវដដែល ។
៨. ធ្វើជាគំរូ ៖ ពួកគេមិនដឹងថា ត្រូវប្រតិកម្មយ៉ាងណាទេ ។ ពួកគេមានទំនោរយកតម្រាប់តាមមនុស្សដែលពួកគេរស់នៅជាមួយ ។ ពួកគេរៀនអ្វីគ្រប់យ៉ាងពីមជ្ឈដ្ឋានជុំវិញខ្លួន ដូច្នេះអ្នកត្រូវសម្របខ្លួនជាមួយអាកប្បកិរិយារបស់កូន ៕
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ សាលារៀនវ៉េស្ទឡាញន៍ និងសាលារៀនណត្សឡាញន៍ បើកវគ្គសិក្សាថ្មីសម្រាប់កម្មវិធីមត្តេយ្យ កម្មវិធីភាសាអង់គ្លេស កម្មវិធីភាសាចិន ចូលរៀនថ្ងៃទី ៣ ខែឧសភា ឆ្នាំ ២០២២ ។ សាលារៀនផ្តល់ជូនពិសេស ១៥% លើតម្លៃសិក្សា និងធានារ៉ាប់រងគ្រោះថ្នាក់ និងការការពារការសិក្សាបុត្រធីតារហូតដល់ ៥ ឆ្នាំ ។ ការផ្តល់ជូនខាងលើមានសុពលភាពត្រឹមថ្ងៃទី ២ ខែឧសភា ឆ្នាំ ២០២២ ។
សាលារៀនជូននូវវេទិកា និងមធ្យោបាយសិក្សាយ៉ាងសម្បូរបែបជាមួយនឹងប្រព័ន្ធគ្រប់គ្រងសាលារៀន ប្រព័ន្ធគ្រប់គ្រង់ការសិក្សា និងអេបសាលារៀនជូនដល់មាតាបិតាសិស្ស និងសិស្សានុសិស្សក្នុងការគ្រប់គ្រងការសិក្សា និងតាមដានព័ត៌មានសិក្សារបស់បុត្រធីតាផងដែរ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ។
ចែករំលែកព័តមាននេះ