ទទួលបានលុយគេវេរច្រឡំជិត៤សែនដុល្លារ បុរសជប៉ុនម្នាក់យកវាលេងល្បែងអនឡាញអស់
បុរសជនជាតិជប៉ុនម្នាក់ ដែលត្រូវបានគេផ្ទេរប្រាក់ជំនួយកូវីដច្រឡំឲ្យចំនួន ៣៦០.០០០ដុល្លារ ត្រូវបានប៉ូលិសចាប់ខ្លួន បន្ទាប់ពីបុរសរូបនោះនិយាយថា
បុរសជនជាតិជប៉ុនម្នាក់ ដែលត្រូវបានគេផ្ទេរប្រាក់ជំនួយកូវីដច្រឡំឲ្យចំនួន ៣៦០.០០០ដុល្លារ ត្រូវបានប៉ូលិសចាប់ខ្លួន បន្ទាប់ពីបុរសរូបនោះនិយាយថា
ជប៉ុន ៖ បុរសជនជាតិជប៉ុនម្នាក់ ដែលត្រូវបានគេផ្ទេរប្រាក់ជំនួយកូវីដច្រឡំឲ្យចំនួន ៣៦០.០០០ដុល្លារ ត្រូវបានប៉ូលិសចាប់ខ្លួន បន្ទាប់ពីបុរសរូបនោះនិយាយថា គាត់យកលុយនោះ លេងល្បែងស៊ីសងតាមអ៊ីនធើរណេតអស់ហើយ។ នេះបើយោងតាមការបញ្ជាក់របស់ប៉ូលិសជប៉ុន នៅថ្ងៃព្រហស្បតិ៍នេះ។
អាជ្ញាធរក្នុងតំបន់មានការព្រួយបារម្ភ និងអស់សង្ឃឹមយ៉ាងខ្លាំង ក្នុងការយកលុយពួកគេវិញ ពីបុរសវ័យ២៤ឆ្នាំ ដែលបាននិយាយថា គាត់នឹងបញ្ជូនប្រាក់ត្រឡប់ទៅវិញ ទោះបីវាផ្ទេរបន្តិចម្តងៗក៏ដោយ។
កំហុសរបស់អាជ្ញាធរ ដែលបានវេរលុយច្រឡំនៅក្នុងក្រុងដាច់ស្រយាល Abu និងការមិនព្រមវេរប្រាក់ត្រឡប់ទៅវិញរបស់បុរសរូបនោះ បានធ្វើឲ្យមានការខឹងសម្បារយ៉ាងខ្លាំងនៅក្នុងប្រទេសជប៉ុន។
បុរសជប៉ុនរូបនេះ ត្រូវបានគេផ្ទេរប្រាក់ឲ្យច្រឡំចំនួន ៤៦,៣លានយេន កាលពីខែមុន ដោយមន្ត្រីដែលទទួលខុសត្រូវលើការរៀបចំសាច់ប្រាក់សម្រាប់ប្រជាពលរដ្ឋមានចំណូលទាបដែលរងផលប៉ះពាល់ដោយការរាតត្បាតវីរុស។
បន្ទាប់ការជួបផ្ទាល់ តាមរយៈការតេទូរស័ព្ទ និងការផ្ញើលិខិត បានបរាជ័យក្នុងការបញ្ចុះបញ្ចូលគាត់ឲ្យធ្វើការផ្ទេរប្រាក់ត្រឡប់មកវិញ អាជ្ញាធរបានដាក់ពាក្យបណ្តឹងកាលពីសប្តាហ៍មុនដើម្បីព្យាយាមយកប្រាក់មកវិញ។
បច្ចុប្បន្ននេះ គាត់កំពុងស្ថិតក្រោមការឃុំខ្លួនរបស់ប៉ូលិស បន្ទាប់ពីត្រូវបានចាប់ខ្លួនពីបទសង្ស័យរំលោ.ភច្បាប់ក្លែងបន្លំតាមកុំព្យូទ័រ។
បុរសរូបនោះបាននិយាយប្រាប់ប៉ូលិសថា គាត់បានយកប្រាក់នោះ លេងល្បែងនៅកាស៊ីណូអនឡាញ និងរងការសង្ស័យពីបទផ្ទេរប្រាក់ទៅកាន់គណនេយ្យផ្សេង ទោះបីគាត់ដឹងថា លុយនោះ គាត់ទទួលបានដោយសារគេវេរច្រឡំក្តី។
អភិបាលក្រុ Abu លោក Norihiko Hanada បានថ្លែងប្រាប់អ្នកសារព័ត៌មាននៅថ្ងៃព្រហស្បតិ៍នេះថា ការចាប់ខ្លួនជាជំហានឆ្ពោះទៅរកការពិត។
លោកថ្លែងថា «ខ្ញុំមិនជឿទាល់តែសោះថា គាត់ចាយវា.យលុយនោះទាំងអស់ ហើយខ្ញុំគិតថាមានលុយនៅកន្លែងផ្សេងទៀត»។
បុគ្គលិករបស់លោកអភិបាលក្រុងមានការនឿយហត់យ៉ាងខ្លាំងចំពោះការតេទូរស័ព្ទ និងការផ្ញើអ៊ីម៉ែលមកពីសំណាក់មហាជន៕ (យោងតាមប្រភព៖ AFP)
ចែករំលែកព័តមាននេះ