អនិច្ចា! ក្មេងប្រុសតូចម្នាក់ជួបគ្រោះអកុសល ដោយសារហូបពោតស្ងោរ
- បន្ទាយមានជ័យ
មេងប្រុសម្នាក់អាយុទើប១ខួប ដែលឪពុកម្តាយទៅធ្វើការនៅឯភ្នំពេញ ទុកឱ្យនៅជាមួយជីដូន បានស្លា.ប់ដោយសារគ្រាប់ពោត
ខេត្តបន្ទាយមានជ័យ ៖ ក្មេងប្រុសម្នាក់អាយុទើប១ខួប ដែលឪពុកម្តាយទៅធ្វើការនៅឯភ្នំពេញ ទុកឱ្យនៅជាមួយជីដូន បានស្លា.ប់ដោយសារគ្រាប់ពោតចូលបំពង់ខ្យល់ នៅពេលហូបពោតស្ងោរដែលជីដូនទិញឲ្យ បង្កឱ្យមានការភ្ញាក់ផ្អើលកាលពីវេលាម៉ោងប្រមាណ៣និង៣០នាទីរសៀល ថ្ងៃទី១៨ ខែឧសភា ឆ្នាំ២០២២កន្លងទៅ ស្ថិតនៅភូមិអន្លង់សារ ឃុំភ្នំលៀប ស្រុកព្រះនេត្រព្រះ ។
ក្មេងប្រុសរងគ្រោះឈ្មោះ រ៉ាន់ សុវណ្ណរតនា ឪពុកឈ្មោះ ឈុន រ៉ា អាយុ៣១ឆ្នាំ ម្តាយឈ្មោះ ម៉ង់ សុភី អាយុ៣០ឆ្នាំ ។
មន្ត្រីនគរបាលប៉ុស្តិ៍ភ្នំលៀបបានឲ្យដឹងថា សព្វថ្ងៃនេះ ក្មេងប្រុសនៅជាមួយជីដូនឈ្មោះ ចាត លឺ អាយុ៥៤ឆ្នាំ ព្រោះឪពុកម្តាយទៅធ្វើការនៅឯភ្នំពេញ ។ នារសៀលថ្ងៃនោះ នៅពេលបណ្តើរចៅជីដូនបានទិញពោតស្ងោរឱ្យចៅហូប ស្រាប់តែជាអកុសលគ្រាប់ពោតចូលបំពង់ខ្យល់ ក៏បណ្តាលស្ទះរហូតដួលសន្លប់ ។ ភ្លាមៗនោះ ក្មេងប្រុសត្រូវបានដឹកទៅមណ្ឌលសុខភាព ឃុំភ្នំលៀប ប៉ុន្តែគ្រូពេទ្យជួយសង្គ្រោះមិនទាន់ ក៏បានស្លា.ប់ទៅទាំងក្តីសោកស្តាយក្រៃលែង ។
គ្រូពេទ្យនៅមណ្ឌលសុខភាពភ្នំលៀប និយាយថា ក្មេងប្រុសបានស្លា.ប់មុនពេលបញ្ជូនមកដល់មន្ទីរពេទ្យ ។ នៅពេលពិនិត្យមើល គឺឃើញគ្រាប់ពោតចូលបំពង់ខ្យល់ ទើបស្ទះដង្ហើមបណ្តាលឲ្យស្លា.ប់ ។
ក្រុមគ្រូពេទ្យ បានចូលរួមសោកស្តាយចំពោះគ្រួសារក្មេងប្រុសរងគ្រោះ ដោយគ្រាប់ពោតស្ងោរចូលបំពង់ខ្យល់ និងបានប្រគល់ស.ពឱ្យក្រុមគ្រួសារសាច់ញាតិដឹកទៅផ្ទះ ដើម្បីធ្វើបុណ្យតាមប្រពៃណី ។
ចំណែកមន្ត្រីនគរបាលប៉ុស្តិ៍ភ្នំលៀប ក៏បានបញ្ជាក់ដែរថា តាមការពិនិត្យរបស់មន្ត្រីជំនាញ គឺក្មេងប្រុសរូបនោះ ពិតជាស្លា.ប់ដោយសារគ្រាប់ពោតចូលបំពង់ខ្យល់ពិតប្រាកដមែន ៕
ចែករំលែកព័តមាននេះ