ហ៊ានមែន! បុរស២នាក់ជិះម៉ូតូតាមផ្លូវប្រដាប់ដោយដាវមួយដើម
- ពោធិ៍សាត់
ក្មេងទំនើងចំនួន២នាក់ប្រដាប់ដោយដាវមួយដើម រួចជិះម៉ូតូមួយគ្រឿងនោះ
ក្មេងទំនើងចំនួន២នាក់ប្រដាប់ដោយដាវមួយដើម រួចជិះម៉ូតូមួយគ្រឿងនោះ
ខេត្តពោធិ៍សាត់ ៖ បើតាមសេចក្តីរាយការណ៍បានឱ្យដឹងថា ក្មេងទំនើងចំនួន២នាក់ប្រដាប់ដោយដាវមួយដើម រួចជិះម៉ូតូមួយគ្រឿងនោះ ត្រូវបាននគរបាលស្រុកកណ្ដៀង ឃាត់ខ្លួនយកមកអប់រំ និងធ្វើកិច្ចសន្យា។ ការស្ទាក់ឃាត់ជនសង្ស័យទាំងពីរនាក់នោះ ធ្វើឡើងនៅវេលាម៉ោង៩និង៤៥នាទីយប់ ថ្ងៃទី ១៧ ខែឧសភា ឆ្នាំ២០២២ នៅត្រង់ចំណុចហុងចារឹក ស្ថិតក្នុងភូមិចារិក ឃុំស្យា ស្រុកកណ្ដៀង ខេត្តពោធិ៍សាត់។
លោក អ៊ុនស៊ី អធិការនគរបាលស្រុកកណ្ដៀង បានប្រាប់ឲ្យដឹងថា ជនសង្ស័យខាងលើ ទី១- ឈ្មោះ ពៅ ស៊ីម៉ុន ភេទប្រុស អាយុ៣២ឆ្នាំ និងទី២- ឈ្មោះ សុខ វិចិត្រ ភេទប្រុស អាយុ២០ឆ្នាំ ទាំងពីរនាក់នេះ រស់នៅក្នុងភូមិព្រែកត្របែក ឃុំកញ្ជរ ស្រុកកណ្ដៀង ខេត្តពោធិ៍សាត់។
លោកអធិការបន្តថា ក្មេងទំនើងទាំង២នាក់ខាងលើនេះ ត្រូវបានកម្លាំងរបស់លោកស្ទាក់ឃាត់ជាប់នៅត្រង់ចំណុចខាងលើ ខណៈពេលកំពុងចុះល្បាតត្រួតពិនិត្យមើលបទល្មើសផ្សេងៗនាពេលយប់។ បន្ទាប់មកបញ្ជូនខ្លួន រួមនឹងវត្ថុតាង ទៅកាន់អធិការដ្ឋាន ដើម្បីអប់រំ និងធ្វើកិច្ចសន្យា៕
ចែករំលែកព័តមាននេះ