អូស្ត្រាលី បញ្ជូនរថពាសដែក និងរថយន្តយោធាបន្ថែមទៅឲ្យអ៊ុយក្រែន
ប្រទេសអូស្ត្រាលី បានផ្តល់ជំនួយយោធាបន្ថែមទៅដល់អ៊ុយក្រែន រួមមានរថពាសដែកប្រភេទ M113 ចំនួន១៤គ្រឿង រថយន្តហោធា
អូស្ត្រាលី ៖ ប្រទេសអូស្ត្រាលី បានផ្តល់ជំនួយយោធាបន្ថែមទៅដល់អ៊ុយក្រែន រួមមានរថពាសដែកប្រភេទ M113 ចំនួន១៤គ្រឿង រថយន្តហោធា Bushmaster ចំនួន២០គ្រឿង ឧបករណ៍ត្រួតពិនិត្យវិទ្យុសកម្ម និងឧបករណ៍ការពារខ្លួនផ្សេងៗទៀត។ នេះបើយោងតាមការចុះផ្សាយរបស់កាសែតអូស្ត្រាលីនៅថ្ងៃព្រហស្បតិ៍នេះ។
ការបញ្ជូនជំនួយបន្ថែមនេះ ទៅឲ្យអ៊ុយក្រែនធ្វើឲ្យជំនួយយោធារបស់អូស្ត្រាលីកើនដល់ ១៩៩លានដុល្លារ។ កញ្ចប់ជំនួយនេះ ក៏រួមមានថ្នាំពេទ្យ ៦០បន្ទះផងដែរ ដែលបរិច្ឆាគដោយប្រជាពលរដ្ឋអូស្ត្រាលី។
រដ្ឋមន្ត្រីការពារជាតិអូស្ត្រាលី លោក Peter Dutton បានថ្លែងថា «រដ្ឋាភិបាលអូស្ត្រាលី នឹងបន្តកំណត់ឱកាសសម្រាប់ផ្តល់ជំនួយយោធាបន្ថែមដែលខ្លួនអាចផ្តល់សមត្ថភាពដល់កងកម្លាំងប្រដាប់អាវុ.ធអ៊ុយក្រែនឲ្យបានទាន់ចិត្ត»។
សូមបញ្ជាក់ថា អូស្ត្រាលី ធ្លាប់បញ្ជូនរថយន្តហោធា Bushmaster ចំនួន ២០គ្រឿងរួចមកហើយទៅឲ្យអ៊ុយក្រែន តាមសំណើររបស់ប្រធានាធិបតី Volodymyr Zelenskyy៕ (យោងតាមប្រភព៖ Aljazeera)
ចែករំលែកព័តមាននេះ