ជោគវាសនា ជនដៃដល់សម្លា.ប់មិត្តភក្តិប្លន់យកទ្រព្យ ក្រោយប្រកាសសាលក្រម
- ភ្នំពេញ
សាលាដំបូងរាជធានីភ្នំពេញ កាលពីរសៀលថ្ងៃទី១៧ ខែឧសភា ឆ្នាំ២០២២កន្លងទៅ បានប្រកាសសាលក្រមផ្តន្ទាទោសជនជាប់ចោទ២នាក់ ពាក់ព័ន្ធនឹងសំណុំរឿង
សាលាដំបូងរាជធានីភ្នំពេញ កាលពីរសៀលថ្ងៃទី១៧ ខែឧសភា ឆ្នាំ២០២២កន្លងទៅ បានប្រកាសសាលក្រមផ្តន្ទាទោសជនជាប់ចោទ២នាក់ ពាក់ព័ន្ធនឹងសំណុំរឿង
រាជធានីភ្នំពេញ ៖ សាលាដំបូងរាជធានីភ្នំពេញ កាលពីរសៀលថ្ងៃទី១៧ ខែឧសភា ឆ្នាំ២០២២កន្លងទៅ បានប្រកាសសាលក្រមផ្តន្ទាទោសជនជាប់ចោទ២នាក់ ពាក់ព័ន្ធនឹងសំណុំរឿងអា.រ.កសម្លា.ប់មិត្តភក្តិប្លន់យកទ្រព្យសម្បត្តិ ដោយដាក់ពន្ធនាគារម្នាក់ៗអស់មួយជីវិត ។ សាលក្រមបានបើកផ្លូវទុកសិទ្ធិឲ្យប្តឹងឧទ្ធរណ៍តាមកំណត់ច្បាប់ ។
សូមរំឭកថា សាលាដំបូងរាជធានីភ្នំពេញ កាលពីព្រឹកថ្ងៃទី១១ ខែឧសភា ឆ្នាំ២០២២ បានលើកយកសំណុំរឿងឃា.តក.ម្មសម្លា.ប់មិត្តភក្តិដោយអា.រ.កប្លន់យកទ្រពសម្បត្តិ មកបើកសវនាការដើម្បីផ្តន្ទាទោសជនជាប់ចោទ ។ សវនាការនេះមានលោក ឆឹង ឫទ្ធី ជាប្រធានក្រុមប្រឹក្សាជំនុំជម្រះ និងលោក សំ ឫទ្ធីវាសនា ជាតំណាងអយ្យការអមសាលាដំបូងរាជធានីភ្នំពេញ ។
សវនាការធ្វើឡើងចំពោះមុខជនជាប់ចោទ២នាក់ គឺឈ្មោះ ម៉េង ណាឃីម ភេទប្រុស អាយុ២១ឆ្នាំ ឃាត់ខ្លួននៅស្រុងគិរីវង់ ខេត្តតាកែវ ជាប់ចោទពីបទឃា.តកម្មគិតទុកជាមុន និងឈ្មោះ ម៉ៅ រដ្ឋា ហៅជិប ភេទប្រុស អាយុ២៩ឆ្នាំ ឃាត់ខ្លួននៅតាមផ្លូវជាតិលេខ១ មុខមណ្ឌលសុខភាពព្រែកឯង សង្កាត់ព្រែកឯង ខណ្ឌច្បារអំពៅ រាជធានីភ្នំពេញ ជាប់ចោទពីបទសមគំនិតក្នុងអំពើឃាតកម្មគិតទុកជាមុន ។
សវនាការបានសាកសួរដេញដោលលើជនជាប់ចោទរហូតដល់ចប់ម៉ោងរដ្ឋបាល ទើបប្រធានក្រុមប្រឹក្សាសម្រេចកំណត់យកថ្ងៃទី១៩ ខែឧសភា ឆ្នាំ២០២២ វេលាម៉ោង២រសៀល ដើម្បីប្រកាសសាលក្រមផ្តន្ទាទោសលើជនជាប់ចោទ ។
ជនត្រូវចោទ ត្រូវបានសមត្ថកិច្ចឃាត់ខ្លួនកាលពីថ្ងៃទី១៦ ខែមីនា ឆ្នាំ២០២១ ម្នាក់នៅខេត្តតាកែវ និងម្នាក់ទៀតនៅរាជធានីភ្នំពេញ ដោយដកហូតវត្ថុតាងរួមមាន ទូរស័ព្ទម៉ាកអុបប៉ូ ខ្សែដៃប្លាទីន និងម៉ូតូហុងដាសេ១២៥ ពណ៌ខ្មៅ សេ៊រីឆ្នាំ២០១៩ ផ្លាកលេខ ត្បូងឃ្មុំ ១H -១៤០៦ ជារបស់ជនរងគ្រោះ។
តាមចម្លើយសារភាពរបស់ជនសង្ស័យទាំង២នាក់ នៅដំណាក់កាលសមត្ថកិច្ច គឺនៅថ្ងៃទី១១ ខែមីនា ឆ្នាំ២០២១ ពួកគេពិតជាបានធ្វើសកម្មភាពចាក់សម្លា.ប់ជនរងគ្រោះឈ្មោះ សោ សៅពិសិដ្ឋ ភេទប្រុស រួចប្លន់យកម៉ូតូ១គ្រឿង ខ្សែកមាស១ខ្សែ ចិញ្ចៀន ខ្សែដៃមាស និងទូរស័ព្ទដៃ១គ្រឿងប្រាកដមែន ។ ក្រោយពីធ្វើសកម្មភាពរួច ពួកគេបានចែកគ្នា ក្នុងនោះឈ្មោះ ម៉ៅ រដ្ឋា ហៅជិប យកចិញ្ចៀនមាសនិងខ្សែ.ក ចំណែកឈ្មោះ ម៉េង ណាឃីម យកម៉ូតូ ទូរស័ព្ទដៃ និងខ្សែដៃ រួចនាំគ្នាគេចខ្លួន ៕
ចែករំលែកព័តមាននេះ