យោងតាមតុល្យការបណ្តោះអាសន្នមួយថាមានការរញ្ជួយដីខ្លាំងដល់ទៅ២មួយមានកម្លាំង៥,៥វីស្ទ័រ និងមួយទៀតកម្លាំង៦,១វីស្ទ័រ កើតមាននៅភាគកណ្តាលអីុតាលីកាលពីថ្ងៃទី២៦ តុលា បណ្តាលឱ្យមនុស្សច្រើនសិបនាក់រងរបួស ។
យោងតាមតុល្យការបណ្តោះអាសន្នមួយថាមានការរញ្ជួយដីខ្លាំងដល់ទៅ២មួយមានកម្លាំង៥,៥វីស្ទ័រ និងមួយទៀតកម្លាំង៦,១វីស្ទ័រ កើតមាននៅភាគកណ្តាលអីុតាលីកាលពីថ្ងៃទី២៦ តុលា បណ្តាលឱ្យមនុស្សច្រើនសិបនាក់រងរបួស ។
ការរញ្ជួយដីទាំង២នោះកើតមាន២ខែក្រោយការរញ្ជួយដីមួយនៅតំបន់ដដែលបណ្តាលឱ្យមនុស្សស្លាប់ជិត៣០០នាក់ ។ សំណាងល្អម្ល៉េះទេ ការរញ្ជួយដីដំបូងពិតជាអាចជួយសង្គ្រោះជីវិតមនុស្សច្រើននាក់ព្រោះវាជំរុញឱ្យប្រជាជននាំគ្នាចាកចេញពីផ្ទះផុតមុនការរញ្ជួយដីទី២ដែលខ្លាំងជាង ។ ទោះបីជាយ៉ាងណា ពួកអ្នកជួយសង្គ្រោះខិតខំដុតដៃដុតជើងទាំងកណ្តាលយប់និងមានភ្លៀងជួយមនុស្សម្នាទាំងឡាយ ។ គេពុំទាន់អាចវាយតម្លៃពីទំហំនៃការខូចខាតនៅឡើយក្នុងពេលភ្លាមៗ ។
អភិបាលក្រុងUSSITA លោក MARLO NINALDI ថ្លែងតាមទូរទស្សន៍ថា សភាពការណ៍នៅច្របូកច្របល់ផ្ទះជាច្រើនត្រូវរលំបាក់។ លោកបញ្ជាក់ថានៅតំបន់របស់លោកប្រហែលពុំមានជនរងគ្រោះស្លាប់ទេ ។ លោកបន្តថាការរញ្ជួយដីលើកទី២ មានរយៈពេលយូរ ហើយខ្លាំងទៀត តែសំណាងណាស់មនុស្សគ្រប់គ្នារត់ចេញពីផ្ទះអស់ ក្រោយការរញ្ជួយដីដំបូង ។
យោងតាមវិទ្យាស្ថានភូគម្ភសាស្ត្រអាមេរិក USGS ថា ការរញ្ជួយដីដំបូងមានកម្លាំង៥,៥វីស្ទ័រ កើតមាននាវេលាម៉ោង១៩និង១០នាទីម៉ោងក្នុងស្រុកនៅជិត CASTEL SANT’ANGELO SUL NERA តំបន់ MARCHES ហើយការរញ្ជួយដីទី២មានកម្លាំង៦,១វីស្ទ័រ កើតមាន២ម៉ោងក្រោយមក។ ចំណុចកណ្តាលនៃការរញ្ជួយដីទាំងនោះស្ថិតចម្ងាយតែប៉ុន្មានសិបគីឡូម៉ែត្រខាងជើងតំបន់ AMATRICE ដែលកាលពីថ្ងៃទី២៤ សីហា រងការបំផ្លាញដោយការរញ្ជួយដីខ្លាំងមួយបណ្តាលឱ្យមនុស្សសម្លាប់ជិត៣០០នាក់ និងមិនឆ្ងាយប៉ុន្មានពីតំបន់ AQUMA ដែលធ្លាប់មានការរញ្ជួយដីខ្លាំងមួយសម្លាប់មនុស្សជាង៣០០នាក់កាលពីឆ្នាំ២០០៩ ។
ក្រោយការរញ្ជួយដីលើកទី២បណ្តាទូរទស្សន៍អុីតាលីផ្សាយរូបភាពនៃអគារទាំងឡាយដែលរលំបាក់ ព្រមទាំងប្រជាជនរត់ចេញមកនៅមុខផ្ទះពួកគេដែលបាក់បែកអស់ ៕
ចែករំលែកព័តមាននេះ