បុរសគថ្លង់ម្នាក់កំពុងអង្គុយផឹកស្រាបៀរលើផ្លូវដែក ជួបគ្រោះអកុសលស្មានមិនដល់
- ព្រះសីហនុ
ខេត្តព្រះសីហនុ ៖ លោករវសេនីយ៍ទោ អ៊ួង វុទ្ធីអធិការនគរបាលស្រុកព្រៃនប់ បានអោយដឹងថា មានករណីបុរសគ
ខេត្តព្រះសីហនុ ៖ លោករវសេនីយ៍ទោ អ៊ួង វុទ្ធីអធិការនគរបាលស្រុកព្រៃនប់ បានអោយដឹងថា មានករណីបុរសគថ្លង់ម្នាក់ត្រូវបានរថភ្លើងបុ.ក បណ្តាលឱ្យស្លា.ប់នៅនឹងកន្លែង ខណៈពេលដែលបុរសរងគ្រោះរូបនោះអង្គុយផឹកស្រាបៀរនៅលើផ្លូវរថភ្លើង កាលពីវេលាម៉ោង១២ថ្ងៃត្រង់ថ្ងៃទី១៥ ឧសភា ឆ្នាំ២០២២ ត្រង់ចំណុចលើផ្លូវដែក ចន្លោះគីឡូម៉ែត្រលេខ ២១៧-២១៨ ស្ថិតក្នុងភូមិសំរុងក្រោម ឃុំសំរុង ស្រុកព្រៃនប់ ខេត្តព្រះសីហនុ ។
លោកអធិការបានបន្តថា បុរសរងគ្រោះគថ្លង់ខាងលើឈ្មោះសូង ម៉ៅ អាយុ៣០ឆ្នាំ មានទីលំនៅភូមិសំរុងក្រោម ឃុំសំរុង ស្រុកព្រៃនប់ ខេត្តព្រះសីហនុ ។
លោកអធិការបានបន្តទៀតថា មុនពេលកើតហេតុ មានរថភ្លើង១ខ្សែ ធ្វើដំណើរក្នុងទិសដៅពីរាជធានីភ្នំពេញ ឆ្ពោះទៅខេត្តព្រះសីហនុ លុះមកដល់ចំណុចខាងលើបានបុ.កជនរងគ្រោះ ខណៈជនរងគ្រោះកំពុងអង្គុយផឹកស្រាបៀរនៅលើផ្លូវដែកតែម្នាក់ឯង បណ្ដាលឱ្យស្លា.ប់នៅនឹងកន្លែងកើតហេតុ ។ ដោយឡែករថភ្លើងបានបន្តដំណើរឆ្ពោះទៅខេត្តព្រះសីហនុបាត់តែម្តង ។
ក្រោយពេលកើតហេតុ ស.ពជនរងគ្រោះត្រូវបានប្រគល់អោយក្រុមគ្រួសារយកទៅធ្វើបុណ្យតាមប្រពៃណី។
លោកអធិការបានបន្តទៀតថា នេះជាករណីទី២ហើយ ដោយកាលពីប៉ុន្មានខែមុន នាដើមឆ្នាំ២០២២នេះ នៅចំណុចក្បែរគ្នាស្ថិតក្នុងភូមិសំរុងក្រោមដដែល ក៏មានបុរសគថ្លង់ដូចគ្នា បានអង្គុយលេងលើផ្លូវរថភ្លើងដែរ ហើយក៏ត្រូវរថភ្លើងកៀរ បណ្តោអោយរងបួសធ្ងន់ផងដែរ តែមិនដល់ថ្នាក់បាត់បង់ជីវិត ដូចករណីខាងលើនោះទេ ៕
ចែករំលែកព័តមាននេះ