រាជធានីភ្នំពេញ ៖ បុរសញៀនថ្នាំម្នាក់ ត្រូវបងប្រុសបង្កើតប្តឹងនគរបាលប៉ុស្តិ៍គីឡូម៉ែត្រលេខ៦ឱ្យចាប់ខ្លួន កាលពីវេលាម៉ោង១១ និង៣០នាទីព្រឹកថ្ងៃទី២៦ តុលា ២០១៦ បន្ទាប់ពីជននេះបានគំរាមគំហែង និងវាយធ្វើបាបខ្លាំង ជាពិសេសនោះ ពេលដែលចាប់ខ្លួន ត្រូវបែកធ្លាយរឿងដ៏កខ្វក់មួយ គឺជននេះបានម្តាយបង្កើតរំលោភបន្តបន្ទាប់ រយៈពេល៦ឆ្នាំហើយ ។
ជនសង្ស័យញៀនខាងលើត្រូវសមត្ថកិច្ចឱ្យដឹងថា មានឈ្មោះយឹម ហួត អាយុ៤៧ឆ្នាំ មានប្រពន្ធ តែទើបតែលែងលះគ្នាប្រមាណជាង១ឆ្នាំ និងមានកូនប្រុស-ស្រី២នាក់ ទីលំនៅផ្ទះគ្មានលេខ តាមផ្លូវជាតិលេខ៥ ក្នុងភូមិក្រោលគោ សង្កាត់គីឡូម៉ែត្រលេខ៦ ខណ្ឌប្ញស្សីកែវ ។ ចំណែកស្ត្រីជាម្តាយដែលរងទារុណកម្ម និងរំលោភសេពសន្ថវៈ មានអាយុ៦៧ឆ្នាំ ។
តាមប្រភពពីក្រុមគ្រួសារឱ្យដឹងទៀតថា បុរសជាជនទមិឡនេះ គឺជាកូនទី២ក្នុងចំណោមបងប្អូនប្រុសៗ៣នាក់ តែកូនទី៣ពៅ បានស្លាប់បាត់ទៅហើយ ។ ក្នុងរយះពេលប្រមាណ១០ឆ្នាំមកហើយ ដែលកូនប្រុសអកត្តញូរូបនេះ ញៀនថ្នាំហើយបំផ្លិចបំផ្លាញរបស់របរក្នុងផ្ទះ និងវាយធ្វើបាបម្តាយឱ្យទឹកភ្នែករាល់ថ្ងៃ ដោយសារតែឥទ្ធិពលគ្រឿងញៀន ធ្វើឱ្យកូនប្រុសរូបនេះ វាយម្តាយនិងចាប់រំលោភម្តាយ ដែលធ្វើឱ្យទ្រាំរស់ទាំងទឹកភ្នែក ពុំហ៊ានប្តឹងសមត្ថកិច្ចឡើយ ដោយសារកូនប្រុសគំរាមសម្លាប់ ។
ក្រុមគ្រួសារបន្ថែមទៀតថា នៅព្រឹកថ្ងៃទី២៦ តុលា នេះ កូនប្រុសញៀនថ្នាំរូបនោះ រករឿងធ្វើបាបវាយធ្វើបាបម្តាយទៀត ដោយឃើញដូចនេះ កូនប្រុសច្បងដែលមានលំនៅទល់មុខគ្នា បានយកម្តាយទៅនៅជាមួយ ហើយកូនអកត្តញូរូបនោះ បានទៅរករឿង ជេរប្រមាថម្តាយ និងនិយាយថា «ផ្ទះមានមិននៅ ទៅនៅផ្ទះគេ» ។ ដោយទ្រាំមិនបាន បងប្រុសរូមម្តាយ ក៏បានប្តឹងសមត្ថកិច្ចឱ្យចាប់ខ្លួនតែម្តង ។ នៅចំពោះមុខសមត្ថកិច្ចកូនញៀនថ្នាំ រូបនេះបានឱ្យដឹងថា ខ្លួនបានចាប់រំលោភម្តាយបង្កើតអស់រយៈពេលប្រមាណ៦ឆ្នាំមកហើយ ។
ចែករំលែកព័តមាននេះ