សម្តេចធិបតី ៖ គ្មានការចរចាណា ដើម្បីជាតិដោយប្រើកំលាំងបានស្ថិតស្ថេរ និងស្របច្បាប់សម្រាប់ប្រទេសមួយនោះទេ
- ភ្នំពេញ
រាជធានីភ្នំពេញ ៖ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជាបានគូសបញ្ជាក់ថា គ្មាន ការចរចាណាមួយ ដើម្បីដោយប្រើកំលាំងទទួលបានស្ថិតស្ថេរ និងការពារដោយសិទ្ធិស្របច្បាប់របស់ប្រទេសណាមួយនោះទេ ។
ថ្លែងក្នុងពិធីសម្ពោធអគារកម្ពស់៣ជាន់ សមិទ្ធផលនានា និងប្រគល់សញ្ញាបត្រគ្រូបង្រៀន កម្រិតមូលដ្ឋាន និងសញ្ញាបត្របរិញ្ញាបត្រអប់រំ ឯកទេសអប់រំកាយ ជូនដល់គរុសិស្ស គរុនិស្សិត នៃវិទ្យាស្ថានជាតិអប់រំកាយនិងកីឡា នៅថ្ងៃទី៣ ខែមិថុនា ឆ្នាំ២០២៦ សម្តេចធិបតី ហ៊ុន ម៉ាណែត បានលើកឡើងថា ការដោះស្រាយបញ្ហាព្រំដែន ត្រូវការពេលវេលា ដោះស្រាយ ដោយផ្អែកតាមផ្លូវច្បាប់ជាមូលដ្ឋាន ប្រសើជាងបញ្ជូនទាហាន ទៅច្បាំងគ្នាស្លាប់ ហើយដោះស្រាយមិនចេញឡើយ ។
សម្តេចធិបតី ហ៊ុន ម៉ាណែត បានថ្លែងថា ការដោះស្រាយបញ្ហាការពារជាតិ និងទឹកដី មិនមែន ប្រើប្រាស់តែកម្លាំងប្រដាប់អាវុធនោះទេ គឺប្រើប្រាស់មធ្យោបាយសរុប ។ សម្ដេចធិបតីបានគូសបញ្ជាក់ថា៖ «ម្សិលមិញនេះយើងបានចាប់ផ្ដើមនូវការប្រើប្រាស់យន្ដការច្បាប់អន្ដរជាតិ UN CLOS ហើយ ដើម្បីដោះស្រាយការពារអធិតេបយ្យភាព និងសិទ្ធិដែនរបស់កម្ពុជា នៅលើដែនដីសមុទ្រដោយប្រើប្រាស់ UN CLOS ការផ្សះផ្សាដោយបង្ខំនេះឯង ។ ប៉ុន្ដែប្រសើជាងបញ្ជូនទាហាន ទៅច្បាំងគ្នាស្លាប់ ហើយដោះ ស្រាយមិនចេញ មកចរចាដដែលដោយមិនចាំបាច់ » ។
សម្ដេចធិបតីបានបន្ដថា ដរាបណា នៅមានការដោះស្រាយបញ្ហាជាតិ និងទឹកដី ដោយសន្ដិវិធី ហើយជឿចុះគ្មានការដោះស្រាយដោយប្រើកម្លាំងណាមួយស្ថិតស្ថេរទេ ទាល់តែប្រើតាមច្បាប់បានត្រឹមត្រូវ ។ គ្មានការយកគ្រាប់បែបយករថក្រោះ ធ្វើផ្លូវបេតុងណាមួយការពារសិទ្ធិរបស់ប្រទេសណាមួយទេ គឺទាល់តែប្រើប្រាស់ច្បាប់ទើបត្រឹមត្រូវ។ជាមួយគ្នានោះដែរ សម្តេចធិបតីបានអះអាងថា៖«ការតស៊ូតាមផ្លូវច្បាប់ គឺកម្ពុជាត្រូវធ្វើ «…» អីញ្ចឹងខ្ញុំសុំបញ្ជាក់ម្តងទៀតថា ទោះបីជាយើងពង្រឹងវិស័យការពារជាតិ តែយើងមិនគិតពីសេដ្ឋកិច្ចសង្គម រួមទាំងគម្រោងតូចៗដូចជានៅទេទឹកពុះ និងគម្រោងផ្សេងៗទៀត ត្រូវគិត» ។
សូមរំលឹកថា រាជរដ្ឋាភិបាលកម្ពុជា នៅថ្ងៃទី០២ ខែមិថុនា ឆ្នាំ២០២៦ បានផ្ញើលិខិតជូនដំណឹងជាផ្លូវការទៅកាន់ភាគីថៃ និងអគ្គលេខាធិការអង្គការសហប្រជាជាតិ ដើម្បីចាប់ផ្តើមដំណើរការនៃយន្តការផ្សះផ្សាដោយបង្ខំ ក្រោមអនុសញ្ញាអង្គការសហប្រជាជាតិស្តីពីនីតិសមុទ្រ (UNCLOS) ដើម្បីដោះស្រាយពាក់ព័ន្ធនឹងការទាមទារដែនសមុទ្រត្រួតស៊ីគ្នាជាមួយប្រទេសថៃ ៕
ចែករំលែកព័តមាននេះ