ក្នុងកិច្ចប្រជុំឧត្តមមន្ត្រីអាស៊ាន-កាណាដា លើកទី២៣ នៅលេខាធិការដ្ឋានអាស៊ាន ឯកឧត្តម គង់ ភោគ តំណាងឱ្យកម្ពុជា បានរួមចំណែកយ៉ាងសំខាន់ជាមួយបណ្តាប្រទេសសមាជិក ក្នុងការអនុម័តលើផែនការសកម្មភាពថ្មី ដែលផ្ដល់ផលប្រយោជន៍សេដ្ឋកិច្ច និងនយោបាយទៅវិញទៅមក។
ក្រសួងការបរទេសបានប្រកាសនារសៀលថ្ងៃទី២៤ ខែមិថុនានេះថា ៖ នៅថ្ងៃទី២៤ ខែមិថុនា ឆ្នាំ២០២៦ ឯកឧត្តម គង់ ភោគ រដ្ឋលេខាធិការ និងជាឧត្តមមន្ត្រីអាស៊ានរបស់កម្ពុជា បានអញ្ជើញចូលរួមកិច្ចប្រជុំឧត្តមមន្ត្រីអាស៊ាន-កាណាដា លើកទី២៣ នៅលេខាធិការដ្ឋានអាស៊ាន នាទីក្រុងហ្សាការតា ប្រទេសឥណ្ឌូណេស៊ី ។
កិច្ចប្រជុំបានពិនិត្យឡើងវិញនូវវឌ្ឍនភាពនៃកិច្ចសហប្រតិបត្តិការអាស៊ាន-កាណាដា និងបានបញ្ជាក់សារជាថ្មីនូវការប្តេជ្ញាចិត្ត ក្នុងការពង្រឹងកិច្ចសហប្រតិបត្តិការលើវិស័យសំខាន់ៗ ដែលផ្ដល់ផលប្រយោជន៍ទៅវិញទៅមក ។
កិច្ចប្រជុំក៏បានឯកភាពលើផែនការសកម្មភាពអាស៊ាន-កាណាដាថ្មី ដើម្បីអនុវត្តភាពជាដៃគូយុទ្ធសាស្ត្រអាស៊ាន-កាណាដា (២០២៦-២០៣០) ដែលគ្រោងដាក់ជូនកិច្ចប្រជុំរដ្ឋមន្ត្រីការបរទេសអាស៊ាន-កាណាដា អនុម័ត នៅខែកក្កដា ឆ្នាំ២០២៦ខាងមុខ ៕
ចែករំលែកព័តមាននេះ